دكيت بابه
دكيت بابه من الصبح بوجهي الحلو سد بابه
لمصاب هساته خلص جدد عليه امـصـابــــه
ـــــــــــــــ
بهداي يتمشى العصر ولناس جـانت لمــــــه
جن ورده فواحة عطر هنيال كـلمن شمــــــه
سكر عسل كيمر عرب معجون كـله بدمـــــه
موجان ناسيه الكلب متكلي هــسه اشجابه
ـــــــــــــــــــــــ
عندك حسن ما ينوصف ورموش عيــنك تـكتل
ولما يوجد خطوتــــــــه مــنك يـلوذ ويــخــتل
بعيون عــشاكك سهــــر ويه السهر حيره اشتل
صايود لحظك من رمـه لاح الكــلب نشــــابه
ــــــــــــــــــــــــــ
ذبني زماني عـــالدرب ومتاني ريا السجــه
مجروح وبساكي كسر وعلى الكسر اتوجه
يم عـاذلي ذب الشبـج وبلمه بجرفهـم لجـه
وياه دولبني الوكـــت طلبه تجر اطــلابه

وانته كدة انشالله ماضل عندك اطلابه اله اتخلصة الله يجبر كل كسر وكل عام ونته بالف الف خير نشالله تحقيق الاماني تحياتي اخي المبدع يوسف الذهاب تقبل مروري مع ضعف التعبيرشكرا"

الاخ يوسف الذهاب عاشت الايادي
قصيدة رائعة احسنت الانتقاء
تقبل تحياتي

الاخوان عادل والزير سالم اشكركما من الاعماق
وكل عام وأنتما بخير وصحة وعافية

قصائد كالحدائق مليئة الزهور. نشم منها عطرا اعذب العطور
تحياتي وتقديري لك اخي يوسف وتقبل خالص الامنيات والموده

اشكر مرورك اخي ابو ابراهيم وافر التقدير