اظن كتلي انتظرني وراح احاجيك
انه اشويه واعاود بتصالك
كتلك راح اضل ومتانيه الروح
متاني الهاتف يرن بدلالك
جنت محتاج صوتك يسهر وياي
ولو مافارك اعيوني خيالك
احس كلي يريدك ماعرف ليش
وروحي مسودنه وتهوة وصالك
احس كلشي بحياتي مناطر وياي
وحس بالكون يتنطر هلالك
علي مرن دقائق جنهن اسنين
ردت لحظه ويمر شخصي عالبالك
لاكن ايست يهلال ماهليت
وبتت ويه الخيال ارسم جمالك


اللهم تقبل الاعمال والطاعات ومن على اهل الارض بالخير والبركات وجنبهم الالم والاهات ( كل عام وانتم بالف خير وعيد سعيد

كل عام وانت بالف خير اخي الكريم وان شاء الله تحقيق الاماني يارب قصيدتك غاية في الروعة كلماتها تغلغلت في النفس وكان لها وقعها دمت بكل تميز لا تحرمنا عطائك تحياتي

عادل الموزان احسنت سيطل
هلالك حتماً تقبل مروري

سلم لنا هذا القلم الرائع الذي يخط به حروف من الماس شاعر رائع تحياتي لك عادل وكل عام وانت بالف خير