بعد ماميل للعني يميلون
ولا تنزل دمعتي لغير خدي
ولا امن درب بيه ناس يمشون
درب وحشه البدايه امشيه وحدي
*********
مو كلمن صفن سموه مجنون
ولا كلمن رفع ايده يجدي
فرق ما بين ينطي وبين ينطون
بالحبهم حسافه انطيت جبدي
*********
ندامه الجانوا بحظني يلوذون
اخذوا كل شي زين الجان عندي
عصفور اليغرد هو مسجون
انطاني درس لجل التحدي
*********
الحقيقه اوهام متفيد اليحلمون
ومصيبه البيه حتى بحلمي جدي
لكل جرح الاجه من عنده ممنون
علمني اكابر واحمي حدي
********
انه الشايل فراسه تعادل الكون
وانه الماخذ وراثه عناد جدي
فرزنت الوجوه بكل وجه لون
وايقنت اليخون بلون وردي
********
وايقنت الذنب مو عالينطرون
الامانه بكل صلافة عين تعدي
عمر عشت اني لكمه بحلك ماعون
واول ناب عظني الجان سندي
********
ولان طيب كلت خلهم يشبعون
امل بالله جبير وهو يهدي
كبل مجهول عدوني اليحسبون
صحيح اني جنت مجهول جندي
********
كبل وبكل صعب جانوا يمرون
اظحك عيونهم وعيوني تدي
كبل اكرم مدينه لخاطر عيون
وبحر عالشين جان يفيظ مدي
********
كبل حتى الاليه بظهري يحجون
واعف عنهم واكول الصوج ودي
كل هذا واكول اتحمل اتهون
يادنيه بركبتي حبال شدي
********
انه السامع مثل بالناس يكلون
المطر ميخوف الثوب اليندي
*********.......*********

للشاعر
اسامة العبيدي

اختيار رائع بلسم يدل على ذوق
جميل تسلم ايدك سيدتي والف
تحيه من الاعماق
سلام الدراجي

انتقاء روعه سلمت بلسم ودام لنا هذا الابداع سيدتي دمت بالف خير تقبلي مروري

اختيار رائع بلسم يدل على ذوق
جميل تسلم ايدك سيدتي والف
تحيه من الاعماق
سلام الدراجي


حي الله من مر علينا حي الله الدكتور الغالي مشكور من الاعماق تحياتي للطيب

بلسم الروح اختيار موفق وجميل شكرا لك

انتقاء روعه سلمت بلسم ودام لنا هذا الابداع سيدتي دمت بالف خير تقبلي مروري

تسلم وتعيش اخوية الغالي منور وحياك الله يالطيب تحياتي