(مسحور بجمالك)
(بقلمي)

شكثرآنه صليت واتعبدت بمحرابك


واتوض بكل وكت بدموع العين

واغسلت اجروح كلبي بعذابي


وضليت اطلب امرادي سنين

سحر بعيوني منك ياكمر


وانت الشمس تشع بضواك نورين



شحلات الناس من تصيح باسمك
تهتز العمد كله تكول .....

يا محله الحواجب فوك العيون


جنح طير معلك فوك قوسين



تفاح وجناتك انت يا ترف
مقلم احمر واصفر بلوين

والشفه ورد جوري وقداح


بلا حمره محمره هاي الشفتين



اضل اتوضه واصلي بمحرابك


واركع كل وكت وآنه دامع العينين



اتوسل بالدعاء شلون ايصير ملكاك


واضل حاير محد يدليني الدرب وين



اندكت الباب مرة وطلعت اشوف جن


عندي الكمر خطار ويه النجم نجمين



جن عينك بعيني سحر وطحت مسحور


تطشر حتى الكلام ومعرفت ابتدي منين



جمالك الخلاني انسه النفس والروح
صرت مجنون بحبك انه وانظم دواوين

شفت كل الناس تحجي بجمالك


صارت الوادم كله بحبك مجانين





21/8/2011 ابو ابراهيم الخزرجي

http://www.alforat.org/imgcache/2/10226_alforat.org.gif


http://www.alforat.org/imgcache/2/10227_alforat.org.gif

شكرا لك سيدتي وتحياتي وتقديري لمرورك على متصفحي الاخت فاتن وهيب خالص الامنيات والود

احييك وتقبل مروري والى المزيد

شكرا لمرورك الطيب على متصفحي تحياتي ومودتي اخي يوسف

كتابات جميله جدا عاشت الايادي

تحياتي الى ابن البصره ثغر العراق الباسم شكرا لمرورك الطيب ولك مني خالص الود والورد

روعه ابو ابراهيم دمت للابداع يدي تقبل مروري

شكرا لك اخي ابو جاسم الورد تحياتي وتقديري لمرورك الطيب.وآسف على تأخير الرد