وينك ما تنهض يابو الحضارات
لملم جروحك وأرجع من جديد
يا أعظم وطن ويشهد التاريخ
تبقى انته الأصل وماينفع التفنيد
ويبقى أسمك تاج أعله كل راس
وخلهه اعداك اتسوي اشما تريد
ما نهتم بعد بتفجيرهم والموت
كتبنه العراق بدمنه وغيره مانريد
يبقون بلا اصل وزبالة التاريخ
وأحنه أهل الديار وهمة بيهه العبيد
واحد ياشعب من بصرتك لربيل
سنه ويشيعة صرنه الأيد بالأيد
اسأل عله اصلك يالرايد التخريب
بس الحجي ويه ابن الزنه شيفيد
أنه أبن العراق وأبن داحي الباب
معروف الأصل وبغيرتي أنته اتشيد
ماريد الشرف خليته الك يبن العار
خل تحفظ سترهه ومن المستر اتهيد
انه بشيلة امي الشرف كله ايلوذ
روح اقرء كتبنه وبيهه كرر وعيد
وشوف نهر الكرامة منين يبدي
يبدي من العراق ويبقى بيهه ايزيد



بقلمي الشاعر
عقيل كريم الشويلي
19-8-2011

اخي عقيل
كلام رائع رائع جدا
ان وطننا يستحق الكثير
كلنا لهفه للقادم

الله ياعقيل الشويلي تسلم وتعيش ويستاهل وطنه الغالي وفقك الله لكل خيرتقبل مروري مع وافر احترامي

يسلمووووووووووووو اخ عقيل
قصيده وطنيه رائعه
خالد

يسسلمووو ويسسلم الوطن الغاااالي

صح لسااانك اخوي الله يعطيك العااافيه

و النعم منك و من كل الشرفاء العراقيين
العراق عظيم برجاله الأوفياء لترابه
شكرا على النص الرائع أخي عقيل

بقايا جرح
الشرابي

يعجز القلم عتن الوصف الكلمات تعبثرت من امام روعه تسلم ايدك مبدع