صدكت بكلامك من كلتلي اهواك
وانه بكد ماكلتي اهواك حبيتك
وهم حبك طلع وتوهمت وياك
مندوم انه بكلبي شلون خليتك
بيه اتربعت تامر وتنهي عليه
يالماتسوة كلشي ملك سويتك
اصدكك جنت وادري بدغش تحجي وياي
واعرفك خنجر وبظلوعي ظميتك
انه الراضي انطعن وحمل اجروحي وياك
ولمن شفت جرحك كمت شديتك
انه المديت جف العون الك مرات
وشفت نابك بجفي لمن هديتك
(( ان الفاعي وأن لانت ملامسها )) مقتبس
تتكلب اطباععك وادري موتي وياك
ناعم ملمسك بس خشنة تاليتيك
رحت الغيري صح بس كلبي ضل برجاك
ترجيت شكثر وشكثر تانيتك
ترجيتك ترد وتشل جرح بجفاك
جثيرة اجروح عندي ويامه راويتك
هذني اجروحي هاك اتخيط اجندوب
لاتجذب علي وتكلي حبيتك
عفت ودي ورحت واددت غيري شبيك
موبين الرمش والعين حطيتك؟
جم مرة عذرتك وانتظرت اتعود
لجن وسف تود الشامت الكيتك
يبس غصني وبعد ماريد منك ماي
حسبتك حلم ميت بيدي دفنيتك
نشف دمعي بعد ما احزن الفركاك
ياجمرة عذاب وبيدي طفيتك
لشاعر.عادل نزار الموزان
17 ـ آب ـ 2011

الأخ عادل الموزان
كلمات في غاية الروعة
ابداع متواصل وجميل
دمت بهذا التألق
تقبل مروري وخالص تحياتي

شكرا" اخي عقيل الشويلي هذا المرور الصادق انمى اجد في مروركم الهامي شكرا" وان كان الشكر
قليل لمثلكم تحياتي وتمنياتي بالتوفيق

عادل الموزان.....لا تعليق امامك لان قلمي يصبح عاجزا امام ابداعك......تقبل مروري

جميل جداًماخطته اناملك وكلمات معبره اتمنى لك الابداع الدائم

اسجل اعجابي بعذه القصيدة اللاهبه،اذا سمحت يكون الشطر الاخير {ياجمرة عذاب وبيدي طفيتك}مع اسمى اعتباري وليله مباركه

اخي الفاظل الشاعر المبدع محمد الحميداوي انا فخور بمرور الساحر والحقيقه انا من يعجز امام الاهامك وتألقلك
الدام يسرني ان اجد بصمة مرورك على متصفحي تحياتي واعتزازي

الاخ محسن الفرجي شكرا" للمرور الجميل اتمنى لك التوفيق ودوام الابداع

اخي الشاعر المبدع يوسف الذهاب ان اعجابك وحسن استقبالك مايدفع بي الى الشيئ الجيل والمتواضع
شكرا" لمرورك وملاحظاتك وسوف يتم تعيل البيت الاخير كماطلبت شكرا" مرة اخري مع تمنياتي بالحظ السعيد