ايليا الغانمي
17-08-2011, 09:34 AM
منو تشرف بالأخر علي لو رمضان ؟
توقيت الشهادة بهل شهر عبرة
حيدر زاد قدرة بموتة برمضان
لو رمضان هو الزاد من قدرة
نسمع بالسنة مرة بشهر رمضان
وحيدر كل فريضة المأذن يذكرة
وترى رمضان بي ليله قدر لا غير
وعلي به الحسن وحسين والزهرة
مامر يوم حيدر ما ذكر مسكين
وشهر رمضان يخلص ياله نفطرة
وجائز ان تسافر في شهر رمضان
ايام السفر عوضهن بأخرى
وعبر لو مريض وصومهن بعدين
بس حيدر جذب ماتكَدر تعبرة
وما صدكَ قصير القامة يا مولاي
ما اكَدر ابد واستوعب الحاله
جذب حيدر كَصير وهاكم البرهان
من فوكَ الفرس يشمر الخياله
جائز حيدرة بطول الرسول يكون
لأن بات بمكانة بيوم ترحالة
وبفراش الجبل ميصير تل يبات
لازم جبل نفسة ونفس تفصالة
مقصودة السوالف هاي جذابين
الكَصر لوله وحشة اللولة تدنالة
بحزامة الفقار يكَلي جان كَصير
معقولة الفقار يخط ورة ذيالة
وبما انك علي ومخلوق من النور
اذاً طولك شعاع الضوه بهل حالة
ويشهدلك نعم خيبر يبو الحسنين
ضخم جان وجبير وبالوصف هاله
ولزم عروة الباب شلون فسر هاي
لتفسر شلون نشلعت قفاله
علي طولك شمس وعيونهم حفاي
شافك من بعيد كَصير حسباله
احفر قبر مرحب وابن ود وشوف
تعرف حيدر طويل شلون بفعاله
عمود السيف ينزل جان فوك الروس
ما يضرب الكَصة الهامة منواله
باوع عل ضريح وكَول جان كصير
اذا كل هل ضريح وكوة كفاله
اقنعني بقمر هاشم ليش جان طويل
علي يخلف ولد يطلع شبه خاله ؟
علي طولة السمة وأضعاف طول الكون
ونجوم السمة مجلبات بذياله
للشاعر
يوسف حسن
توقيت الشهادة بهل شهر عبرة
حيدر زاد قدرة بموتة برمضان
لو رمضان هو الزاد من قدرة
نسمع بالسنة مرة بشهر رمضان
وحيدر كل فريضة المأذن يذكرة
وترى رمضان بي ليله قدر لا غير
وعلي به الحسن وحسين والزهرة
مامر يوم حيدر ما ذكر مسكين
وشهر رمضان يخلص ياله نفطرة
وجائز ان تسافر في شهر رمضان
ايام السفر عوضهن بأخرى
وعبر لو مريض وصومهن بعدين
بس حيدر جذب ماتكَدر تعبرة
وما صدكَ قصير القامة يا مولاي
ما اكَدر ابد واستوعب الحاله
جذب حيدر كَصير وهاكم البرهان
من فوكَ الفرس يشمر الخياله
جائز حيدرة بطول الرسول يكون
لأن بات بمكانة بيوم ترحالة
وبفراش الجبل ميصير تل يبات
لازم جبل نفسة ونفس تفصالة
مقصودة السوالف هاي جذابين
الكَصر لوله وحشة اللولة تدنالة
بحزامة الفقار يكَلي جان كَصير
معقولة الفقار يخط ورة ذيالة
وبما انك علي ومخلوق من النور
اذاً طولك شعاع الضوه بهل حالة
ويشهدلك نعم خيبر يبو الحسنين
ضخم جان وجبير وبالوصف هاله
ولزم عروة الباب شلون فسر هاي
لتفسر شلون نشلعت قفاله
علي طولك شمس وعيونهم حفاي
شافك من بعيد كَصير حسباله
احفر قبر مرحب وابن ود وشوف
تعرف حيدر طويل شلون بفعاله
عمود السيف ينزل جان فوك الروس
ما يضرب الكَصة الهامة منواله
باوع عل ضريح وكَول جان كصير
اذا كل هل ضريح وكوة كفاله
اقنعني بقمر هاشم ليش جان طويل
علي يخلف ولد يطلع شبه خاله ؟
علي طولة السمة وأضعاف طول الكون
ونجوم السمة مجلبات بذياله
للشاعر
يوسف حسن