شگلك شعتذرلك.. قصرت ويــــــــــــــاك
جرحتك يا ترف آنه شكثر خــــجـــــلان

انت القدرت جرحـــــــي وعـــشت وياي
انت النشفت دمعي وصرتلي احضـــــان

انت الغيرتني ورجـــــعتلي الشـــــــوگ
وانت الفتحت گلبك الي بســــــــتـــــان

زعلتك صدگ .. بس ما مقصــــود
صح مني الغلط وآنه اعترف غلطـــــان

صح نغلـــط نعم لكن نسامـــــــــح دوم
يضل طيب الگلب موجود بالوجــــدان

سامحني بكيانك من حنان البيـــــــــك
لا تضحك چذب وبداخلك زعـــــــلان

اجيتك اعتذرلك وآنه ما معصـــــــوم
شسويله الغلط مكتوب ع الانســــــــان

الف اسف والف مره اعتذر كل يوم
ندمان شكثر يا خيبت الندمــــــــــان

ما استاهلك وانت مـَّــلــَّــك مخلوق
ما استاهلك وانت نبع ريحـــــــان

اخذ من عندي حقك اخذه خل ارتاح
وهاذ انه ابعدت ساكن بلايه اوطان

عذبني الضمير الماينام بليـــــــــل
ما اگدر اغمض واتركك زعـــلان

عمت عيني وجرحتك وانت حب اتفيض
يا قســــــــــوة گليبي الوجتك نيــــران

اگولن سر الك وارجوك لا تحچيه
( بچيت هواي آنه الخاطرك يفلان )

بچيت وعيني مطرت واللهزخ ادموع
مو عين اصبحت چنهه نهر نيسان

ما ريدك تسامح وآنه ما معـــــذور
ولا أملك عذر عذبني يا ســـلطان

بس اعرف أحبك وانضر العيناك
بعد شلون انضرلك وأنا الخجلان

اخذ من عندي حقك اخذه بلكي ارتاح
وهاذ آنه ابعدت ساكن بلايه أوطان

منقول

ما هذا الابداع
كلمات جميلة جداً
تحمل بطياتها احاسيس رائعة
شكراً لك عزيزي اسعد
على هذا الطرح المميز
وعلى هذه الاحرف الشفافة
عاشت الايادي وذوق جميل
لكن؟!!!
لم نعرف صاحب هذا الابداع
هل منقول ام انت من كتبها
لكي نتعرف للمبدع
الذي خط هذه الاحرف
تحياتي لك

شكرا لجميل مانتقيت
تحياتي لك ولجميل ماخط قلمك واختار
تسلم الايادي
تحياتي

قصيدة جميلة اخي أسعد الغريب

علها تحكي الكثير عنك

( الإعتذار من شيم الرجال النبلاء )

أشكرك على إضافة هذا النص الجميل

الذي يوحي لنا كم انت نبيل

تحياتي لشخصك الكريم
الشرابي

نص رائع .....وتعابير انسانيه يحتاجها العاشقين فب كل وقت وزمان عاشت الايادي وسلم الابداع

الاخ اسعد مبدع بحق رائع ما خطت يمينك
تقبل مروري
اخوك الدكتور
سلام الدراجي