شسولف
والسوالف ساكته ومخنوكه كل همسه
شسولف
واليحب مفضوح بعيونه نكتب حسه
شسولف
وانتي سالفتي العله لساني صبح ومسه
درس حبج صعب واقراه
وخايف ارسب بدرسه
جذر حبج غرس بالروح
خضر بالعشك غرسه
مو شامه اعله خدج لا ابد والله
اعله خدج الله حط شمسه
ميت بالعشك مو وصلت النتاك
الحكي متيمج لا ينكطع نفسه
بعيوني الج تمطر سحابة شوك
خايف انفضح لو شافتج هسه
اداريج بلهفتي وليل ياكل ليل
واحس روحي اعله نارج حيل متونسه
اختلف حيل اختلف عن اليحبون
حب شاعر كتب ببياته الف همسه
حب شاعر ابد للموت ما ينسه

بقلمي
محمد الحميداوي

أسعدني الوقوف أمام بوحك الشجي
فسلم يراعك أخي الغالي.
تقبل مروري المتواضع

تحياتي لك يا رائع ان مرورك ازادني رونقا

عفيه عليك الحميداوي قصيده حلوه

عاشت ايدك يامبدع والله قصيدة اكثر من رائعة تقبل مروري

عزيزي ميراج مرورك هو الاروع تقبل تحياتي

الغاليه ام افنان الف تحيه لك اسعدني مرورك دمت بالف خير