بطلت العشك ونسيت الأشعار
وطلكت الشعر من غير رجعة...

شعندي وية الشعر من بعد الأحباب

والمن القي شعري ومن يسمعه

اريد انهي البديته (http://vb.ulkahf.net/t44429.html)اليوم وارتاح
واريد بهالقصيدة اليوم اودعه...
تسعى الناس تسمع مني اشعار
وآني وشعري كله لقلبك اسعى...
وسبعة من الإسبوع تصير الأيام
بس وياك احس اليوم سبعة...
طبعة وبالقلب خليت واختام
ومن طبع القلب ما ينسى طبعه...
ربع من القلب للناس محجوز

وإلك كل القلب ناسة وية ربعه...
عفت شغلي وبقيت وياك محتار
ولكيت بمحبتك اني خوش صنعه...
لجل عينك جرعت هواي عذال
وسكرت بعشكك اني بغير جرعه...
ومضة من المضى لو يرجع الفات
وشيرجع المضى؟ ولو بيدي ارجعه...
شمعة الناس تشعل من يجي الليل
وانا الكظيت عمري اشتعل شمعة...
بس هواية ..كافي وياك لهنا
النهاية وياك صارت حيل بشعة...
اريد اتخفى عنك والبس قناع
واريد بقلبي غيرك هم اقنعه...
واريد احجي وياك بالتفاصيل
واريد لضيم قلبي كلة اطلعه...
واريد المشتره يتفرج اليوم
على حسابي اذيتي تصير سلعه...
واريده يبجي هسة الماضحك يوم
مو دمعة حزن بس فرح دمعه...
تعال اسمعه لقلبي يردد (اهواك)
وإذا انت كرهت ماظن تسمعه...
كمت تسد اذانك من عليك يصيح
قلبي هسة صار يجيب سمعه...
الك قلعة عشك بالقلب سويت
بس هسة بقت انقاض قلعة...
اريد اقلع القلعة بقلبي وارتاح
واذا قلبي اعترض هم قلبي اقلعه...
الك دفعة بله نطيت انا الروح
وانت الكتلي روح وياهة دفعة...
اني الينسه حبي وينكر الطيب
لا مو بس البسه..هم انزعه...
و احركه بنار قلبي الماطفت يوم
وأجزعه من الحياه والدنية اجزعه...
سنه ما تهنى اللي ضحك بيه
وبنفس سنه اخلي يعض اصبعه...
شسويله بعد؟ مو كافي مليت
اشمرله القلب ويحطله درعه...
وارجع من جديد وقلبي مكسور
وألملم قطع قلبي قطعة قطعة...
بعده هالقلب ليهسة ماطاب
وورة يومين يرجع نفس وضعه...
هم يحن يرجع..تالي يشتاك
يجي ولباب قلبك هم يقرعه...
اتعجب عليك شلون تفكير
ما ادري عذابي الك متعه...
مو صوج الوكت... لابينه هالصوج
اليحب بهالوكت يا كبر وجعه...
عاتبني الشعر بحروف الأبيات
شنو ذنب الوصل عني تكطعه؟؟؟
جنت تشكيلي واشكيلك الهموم
الزرعته وياك طيب لا تشلعه...
كلامك هذا مو ؟ لو اني غلطان؟؟
خوية المدلك ايده لا تصفعه...
بسك يا شعر ،لاتعتب ارجوك
لا تظن الأصل يتناسه فرعه...
راق لي

قصيدة جيملة اخي يعطيك الف عاقيه روعة دمت ودام لنا عطائك المتميز والجميل

تحياتي لك

ااااااااااااااااالله
ما راق لك راق لنا

قصيدة جيملة اخي يعطيك الف عاقيه روعة دمت ودام لنا عطائك المتميز والجميل

تحياتي لك

الاجمل هو مرورك عزيزتي
اسعدني حضورك المميز والجميل
تحياتي وتقديري

ااااااااااااااااالله


ما راق لك راق لنا


شكرآ لمرورك امنيات
لا حرمت من حضورك الرائع
دمتِ بخير

الله عليك يامبدع يارائع شنو هل ابداع والتألق قصيدة اكثر من رائع وكانت على الجرح عاشت ايدك تقبل مروري

ابداع رائع ماراق لك راق لي بالتاكيد
تقبل مروري

موجعه كلماتك ايليا

توجعنا كلماتنا عندما نكتبها لمن لا يسمع او لمن لا يستحق

اكتب ايليا ولا تلتفت الى الماضي فالزمن كفيل بنسيانه

انضر للاتي بنضره اكثر اشراقه

اخي العزيز لقلبك الطيب كل التحيه

الله عليك يامبدع يارائع شنو هل ابداع والتألق قصيدة اكثر من رائع وكانت على الجرح عاشت ايدك تقبل مروري

شكرآ جزيلآ ام افنان ع المرور المميز
اسعدني تواجدك الجميل
دمت بخير

الله يامبدع الله يا اخي ايليا

قصيدة كسرت كلبي

اعتزازي لك

ابداع رائع ماراق لك راق لي بالتاكيد
تقبل مروري

ادري راقلج هههههه
شكرآ نونه للمرور الجميل
تحياتي لك