أنفقت الحكومات العراقية نحو27 مليار دولار على مشاريع الطاقة الكهربائية ، بينما انفق المواطنون العراقيون ما يقارب 80 مليار دولار خلال ثماني سنوات ، وهذا الرقم بشهادة وزير المالية العيساوي في حديثه الصريح والمتلفز مع قناة الحرة عراق .وترى مصادر اقتصادية ان مصروفات العراق الكهربائية تزيد بأكثر من عشرين ضعفا على ميزانية البحرين وميزانيتها بحدود 5,5 مليار دولار وأكثر من ضعف ميزانية الكويت وميزانيتها 42,18 مليار دولار فضلا على أضعاف ميزانيات الكثير من الدول الشقيقة والصديقة القريبة منها والبعيدة .المصادر نفسها تؤكد ان مصروفات الكهرباء المؤكدة بشهادة وزير المال تتضمن أمولا هائلة تكفي لشراء أصول شركة جنرال الكترك عملاق الصناعات الكهربائية الأمريكية بكل فروعها وخطوطها الإنتاجية وتغطي تكاليف نقلها إلى بادية السماوة أو هور العمارة أو أي بقعة من العراق لكي تباشر من هناك بإنشاء محطات جديدة للطاقة الكهربائية من فئة خمس نجوم تشيد في كل مدينة عراقية . وتبين ان النفقات في القطاع الكهربائي كافية لإنشاء عدة محطات مثل محطة كهرباء الحسيان في دبي بدولة الإمارات العربية ، ويعادل انتاج هذه المحطة بمفردها انتاج الطاقة الكهربائية في محطات العراق مجتمعة بمرة ونصف المرة في الوقت الحاضر .وتنتج محطة الحسيان بعد الانجاز الأخير تسعة آلاف ميكا واط ما يجعلها اكبر محطة غازية في العالم .وقد بدأ العمل بمحطة الحسيان في عام 2009 على ارض مساحتها أربعة كم2 وتبعد 60 كيلومترا إلى الجنوب الغربي من مدينة دبي ، ويتكون مشروع المحطة من ست مراحل كل مرحلة تقوم بإنتاج 1500 ميكا واط من الطاقة الكهربائية زائدا 120 مليون لتر من الماء المقطر وفي نهاية انجاز المراحل الكلية ستقوم بإنتاج 9 آلاف ميكا واط من الطاقة الكهربائية فضلا عن 720 مليون لتر من الماء المقطر .وتوضح المصادر نفسها ان النفقات المصروفة على قطاع الكهرباء لا تكفي لشراء شركة جنرال اليكتريك فحسب، وإنما المتبقي من هذه المبالغ يكفي لشراء شركة سيمنز الكترونيك وشركة ميتسوبيشي باور مجتمعتين ، وان المبلغ يكفي لحصول كل عائلة عراقية على شقة تمليك مؤثثة في ربوع الريفييرا أو على ضفاف لاس بالماس!.

http://almustakbalpaper.net/ArticleShow.aspx?ID=4800

من حق العراقي ان يندهش ويصاب بالذهول عندما يسمع او يقرأ هكذا اخبار عن الكهرباء
ويتسائل اين تذهب كل هذه الاموال
والى اين تذهب كل خيراتك يا عراق ..
اللهم اهد ولاة امورنا الى ما فيه الخير لبلدهم وشعبهم
سواء في الكهرباء .. وغير الكهرباء
وان يتحسسوا الضيم والقهر الذي يعيشه العراقي وظروفه وماعاناته الكبيرة كل يوم ...
اللهم امين

من حق العراقي ان يندهش ويصاب بالذهول عندما يسمع او يقرأ هكذا اخبار عن الكهرباء
ويتسائل اين تذهب كل هذه الاموال
والى اين تذهب كل خيراتك يا عراق ..
اللهم اهد ولاة امورنا الى ما فيه الخير لبلدهم وشعبهم
سواء في الكهرباء .. وغير الكهرباء
وان يتحسسوا الضيم والقهر الذي يعيشه العراقي وظروفه وماعاناته الكبيرة كل يوم ...
اللهم امين


اهلا بالاخ foraten.net/?foraten.net/?foraten.net/?foraten.net/? السالم

عدنا مثل يضربو على الشغلات المستحيلة ( تترجى من بارح مطر ) بارح يعني نص الصيف فمن غير المعقول ان تمطر الدنيا او الجو يصير بارد بهذا الوقت من السنه

وهذا نفس حالنا وبعد كل اللي شفنا ما اتصور بعد اكو خير وحتى لو اجى الخير فما راح نتهنى بي لان اتصور ان ايام العراقيين معدوده من كثر الامراض والعلل والعاهات التي جاي نشوفها بين الناس بسبب الحالة النفسيه التعبانه
ولاحظة شغله وهي ان اي عراقي يسولف وي عربي او اجنبي عن طريق مواقع التواصل الاجتماعي لاحظة ان الانسان العربي ما يفهم شنو اللي صار واللي جاي يصير بالعراق ، يعني مثلا محد جاي يتصور شنو ( طفت الكهرباء او حرارة الجو 50 واكثر او شنو معنى الحرب او القتل او سماع صوت انفجار )
قبل كم يوم اتكلم مع صديق من دوله عربيه بس طلع روحي بالهمبله احنا هيچي سوينا واحنا دخلنا حروب واني مقاتل و .........الخ ، سألته : گلتله ابوك مشارك بحرب ؟ گال لا گلتله زين اخير حرب صارت عدكم قبل كم ؟ گال بالسبعينات ، گلتله احنا من السبعينات وليومك هذا احنا محربين ..
فتوصلت لنتيجه ان هذا اللي جاي يصير بينا واللي صار بينا فوگ مستوى فهم الناس
وبعده الحبل ع الجرار


واهلا بيك

االاخ ميراجان مشكلة الكهرباء ليست هى بمعضله عندما تكون هناك شرفاءيقودون العراق الكهرباء مشكلتها هى حسابات اقتصاديه وسياسيهمن قبل احزاب البلاء التى ابتلى بها العراقيون لقد وضح للعراقيين وضوح كل شى ان كل الاحزاب هم تابعين لدول وذات اجندهخارجيه لدول اخرى والشعب العراقى يدفع الثمن بدماءه الطاهره التى ندفعها ثمن كراسي حكم احزابهم وثمن ينعمون بخيرات العراقونحن نتامل ساعتين الكهرباء الوطنيه والساعتين تاتينا على شكل نشره كهربائيهكلها اطفاء واشعال والله حتى اليهود اشرف منهم لانهم ظلمونا الى لعنة الله عليهموعلى كل ظالم بالعراقيين من كل الحكام والقتله والسراق لثروة العراق

يااااااارب .. صرخة مستغيث
يا الله
بحق محمد وال محمد الطيبين الطاهرين
بحق هذه الايام الشريفة
بحق رمضان المبارك
شهر الخير والطمانينة والسلام والرحمة
ارحمنا وارحم شعبنا وبلدنا واقصم ظهور كل الظالمين
الذين يريدون بهذا البلد الحبيب الشر
ويريدون ان يبقى العراق بلدا مدمرا ومنهكا بجراحه التي ثقل حملها عليه وعلى ابناءه الشرفاء
الله وتقبل دعاء
اللهم امين

ان السياسه بحر من الافكار التي تخطط الى كل شيئ وتحسب حساب الامر قبل وقوعها اي ان السياسي الذي يفكر في انشاء شركه او بناء مؤسسه اوبناء الكهرباء يخطط قبل كل شيئ (كم المبلغ لانشاء محطه وماهي السلبيات التي ربما تحدث بها جراء الاستخدام وما هي الحلول في حالة عطلها ووووووحساب كل ما يتعلق بهذا البناء حتى عشره او عشرين سنه تسبق البناء)وهؤلاء ليس بسياسين بل مسيسين ولا يفهمون بالسياسه قط سوى اللهم بالكرسي والنهب والتفاخر (الفاشوشي)امام المحطات الفضائيه.باننا انتجنا وعملنا ووووو وخربنا وقتلنا الشعب العراقي رغم الظلم الذي هو فيه وكما قال الشاعر(صح المثل وانظرب نعجه والف رأي) واحد يكول نذبحه والاخر يكول نسلخه والاخر يكول نضربه طلقه ..ولك هي نعجه وضعيفه شلون متريد انت كاتله..والشعب العراقي بيد من هم لا يفهمون السياسه(واحذر الجاهل اذا قضى.) والحقود اذا تسلط) (والجائع اذا يأس) واحذروا دعوة المظلوم ايها المسيسين ولم يهرب من العراق في الزمن السابق اما ان يكون سارق او مجرم وقليل من السياسين ضد الحكومه ...

العتب واللوم ليس فقط على هؤلاء السياسيين الفاشلين المفسدين الذين عجزو او تعاجزوا عن توفير ابسط الحقوق للمواطن العراقي وهي الكهرباء بل العتب واللوم والمسؤولية ايضا تقع على كل من وقف وايد وساهم في وصول هؤلاء الى هذه المناصب سواء اكانوا رجال دين ومرجعية أو تكتلات وتجمعات او شيوخ عشائر ومسؤولين ووجهات بل وكل اصناف الشعب فهو الذي ساهم بشكل او بآخر بهذه المأساة وربما يبرر البعض ويقول اننا لم يكن لنا ذنب لأن المسؤول والواجهة والرمز الفلاني هو من اقنعنا ودعانا الى اختيار هؤلاء الفاسدين ولم نكن نعرف انهم فاسدون لأنا كنا نظن بصلاحهم ووطنيتهم وولاؤهم للعراق وشعبه ولكن تبين الآن الخلاف مع هذا كله فالشعب يتحمل المسؤولية لأنه ليس من الصحيح ان ينتظر أحدا يخلصه من هنا او هناك من الدولة الفلانية او القارة الفلانية بل عليه ان يغير واقعه هو بنفسه وهذا لا يكون إلا بالتخلص والتحرر من قيود المفسدين وغير الكفوئين وخصوصا من له التأثير في الرأي العام ..
تحياتي وشكرا لهذا الخبر السار !!

السلام عليكم

شكري الجزيل الى كل من شارك بطرح وجهة نظره بشان هذا الموضوع

البعض يلوم العراقيين لان شاركو بالانتخابات و وصلوهم لهاي المراتب
طيب لو العراقيين ما مشاركين بالانتخابات شنو راح يكون حال العراق
طبعا امان العراق ما متعلق بزمرة الحكومه لكن لان هم رادو يأمنون على ارواحهم نشرو نوع من الامان بالشوارع
والا الصواريخ والعبوات والقتل بالكواتم هذا كله ما يهمهم وبالدليل انهم غير مهتمين بهذا الامر اطلاقا
والسرقات انفضحت وطلعت للعلن حتى اكثر من سرقات وقت صدام الله يلعنه

طبعا كتبت قصة عضوه مجلس محافظه من قائمة المالكي طلعت عليها سرقات بملايين الدولارات وذكرت كل التفاصيل هنا بس مسحتها لان شو الشغله تخوف ههههههههههههههههههههههههه

يا به الله كريم وان شاء الله رب العالمين ينتقم منهم وان شاء الله نريد نشوف يوم بجهالهم وبعوائلهم حتى يشفى غليلنا بيهم

السلام عليكم

شكري الجزيل الى كل من شارك بطرح وجهة نظره بشان هذا الموضوع

البعض يلوم العراقيين لان شاركو بالانتخابات و وصلوهم لهاي المراتب ..

عليكم السلام ..
اللوم والعتب ليس لمشاركة العراقيين ، بالتأكيد لا ، لكن اللوم والعتب لاختيارهم المفسدين والسراق وغير الكفوئين فهناك بون وفرق شاسع بين المشاركة وانتقاد من يشارك في الانتخابات وبين اختيار المفسدين ..
يعني لو انتخب المفسد لو يبقى الارهاب مستمر ؟؟!! لا يوجد ربط وتلازم فبما انني شاركت وانتخبت لماذا لا انتخب الوطني والنزيه والشريف بدلا من انتخاب من ندفع ثمن انتخابهم اليوم ؟؟!! أم ان العراق خلا من الشرفاء والابناء الوطنيين الكفوئيين ؟؟!!
البعض يبرر كما ذكرت سابقا ويقول وما ادراني ان من انتخبتهم ليسوا وطنيين والكل كان يصفق ويهوس ويدعوا لهم من مرجعية وشيوخ عشائر ووسائل اعلام .. وبالتأكيد هذا لا يبرر هذا الخطا الفادح حتى وان كان الامر صعب جدا لأن من يتكل على الاعلام والواجهات المصلحية فقط وفقط لا يصل الى نتيجة صالحة ولكن بما ان الله من على بني البشر بالعقل وميزهم عن البهائم لذا علينا ان نفعّل نعمة وجوهرة العقل ونميز من خلالها بين الوطني والشريف وبين المفسد وغير الكفوء وعلى جميع الاصعدة والمستويات من دون الاتكال فقط وفقط على الاعلام بمختلف توجهاته واشكاله ..
سلامي للجميع ونسأل الله ان يمن على العراق وشعبه بالأمن والخير ..

اخ حسام صفاء انت شلون ميزت بين الوطني الشريف وبين الكذاب ؟
احنا 40 سنه دوله مغلقه مانعرف شي فجأة دخلو علينا ناس گالو الحل عدنا
زين بأول انتخابات ( على مستوى الجنوب والوسط ) فازو بدر وتفرعاتها ، بالانتخابات الثانيه بدر كل شي ما حصلو وصعد بدالهم تيار حزب الدعوه بالانتخابات الثالثه الدعوه ما حصلو شي وصعد تيار اياد علاوي واكثر الاصوات حصلها بالموصل وكربلا والبصره ، بس صار أتلاف بين تفرعات بدر والدعوه واخذو الوزارة
زين يعني انت هذا متعتبره وعي موجود بالشارع ؟ مو لان الناس انتخبو اياد علاوي لكن ب3 انتخابات جربنا الكل والكل طلعو فاشلين
بعدين ترى اكو شغلات ماتنحچي ، ولاتخلي ابالك ان اكو عراقي راح يجي وينشر العداله ترى هذا من سابع المستحيلات
لان اليوم العراق شأنا ام ابينا انقسم ذاتيا لاكثر من جهه
العداله تحقق بالعراق لمن الاغلبيه تحكم ، ومثل ما حكمتنا اقليه من سنة 1963 ولحد سقوط العراق جبناها اعدامات ومذابح وحروب اهليه داخليه غير معلنه لازم نجرب حكم الاكثريه والعداله راح تتحقق لمن النظام يرجع يصير جمهوري على اساس انتخاب كل 4 سنوات ، والعداله تتحقق لمن كل انسان عراقي يقتنع ان الله ماخلق البشر من عشر بطون وكلهم من بطن وحده وكلهم عدهم نفس العقل والفروق المذهبيه هاي مو مشكله
ولو هي تشكل مشكله عند البعض والدليل لمن وصل عبد الكريم قاسم اكو ناس راحو خلو ايدهم بيد الشيطان بس علمود هم يحكمون وفعلا حكمو 40 سنه واكثر بشرفك شنو اللي شفنا من 1963 ولحد الان ؟؟؟؟؟
ارجع واگول ان حكام اليوم ما يمثلون طائفه لان كل الطوائف مشاركه ، السلطه التنفيذيه بيد مذهب والتشريعيه بيد مذهب والقضائيه لاحول ولاقوه ، الجيش بيد مذهب والشرطه بيد مذهب والكل يعبثون لان ماكو مجال للاصلاح

بس ارجع وأسألك انت على أي اساس انتخبت ؟؟؟؟؟؟؟؟؟؟؟؟؟؟؟؟؟؟؟؟

لازم نجرب حكم الاكثريه والعداله راح تتحقق لمن النظام يرجع يصير جمهوري على اساس انتخاب كل 4 سنوات

وشني الي حصلناه من الاكثرية غير الأذى والحياة المريرة ؟؟ وبعدين اليوم على اساس نعيش في دولة ديمقراطية ومع ذلك دنشوف الرئيس نفسه ورئيس الوزراء كذلك ، وهذا يوضح كثير من الامور ومنها ان الدستور بالاصل ناقص وفاشل وما يمنع ان يصير الرئيس رئيسا لأكثر من مرة ان دعمه حزبه وكتلته السياسية .. وبالتالي فنحن نعيش في وهم وخيال الديمقراطية والاكثرية لأن هي السمجة خايسه من راسها يا بعد اخوك ..

وشني الي حصلناه من الاكثرية غير الأذى والحياة المريرة ؟؟ وبعدين اليوم على اساس نعيش في دولة ديمقراطية ومع ذلك دنشوف الرئيس نفسه ورئيس الوزراء كذلك ، وهذا يوضح كثير من الامور ومنها ان الدستور بالاصل ناقص وفاشل وما يمنع ان يصير الرئيس رئيسا لأكثر من مرة ان دعمه حزبه وكتلته السياسية .. وبالتالي فنحن نعيش في وهم وخيال الديمقراطية والاكثرية لأن هي السمجة خايسه من راسها يا بعد اخوك ..



زين امنت بالله
والحل شنو ؟
ننتخب الوطني !!!!!!!!! هو اكو بالعراق وطني عگب الاربعين سنه
والاجو من الخارج حاقدين على الشعب كله صدق او لاتصدق لان يعتبرونا كلنا بعثيه

زين امنت بالله
والحل شنو ؟
ننتخب الوطني !!!!!!!!! هو اكو بالعراق وطني عگب الاربعين سنه
والاجو من الخارج حاقدين على الشعب كله صدق او لاتصدق لان يعتبرونا كلنا بعثيه




اي وداعتك كلام صحيح الجماعة يعتبرون العراقيين كلهم بعثية بل ازيد من ذلك يعني لو يعتبرونهم مثل البعثية فقط لكان الأمر احسن شوية لأن الكثير من البعثية اليوم يتمتعون بمناصب راقية وحياة سعيدة ، يعني الظاهر ان الجماعة يعتبرون العراقيين اسوء من البعثية فيتعاملون وي الشعب باستخفاف وتحقير وعدم احترام غريب عجيب .. لكن ان شاء الله تفرج ان كنا صادقين في التغيير اما بخصوص الوطنيين في العراق فموجودين بالتاكيد واتمنى ان لا تئيس يا بعد اخوك ترى هو الي يردون يوصلونا اله هو ان يجعلونا نئيس ونوصل الى نتيجة نعتقد من خلالها انعدام الوطني الغيور على العراق واهله .. خلينا نسأل الله في هذا الشهر الكريم ان يفرج علينا بحق محمد وآل محمد صلوات الله عليهم اجمعين تحياتي للجميع وصيام مقبول ان شاء الله

اهلا وسهلا بيك اخ حسام صفاء