وحكَ موت الخذاك ابغفل منه
علي يصعب افراكَك موش منه
بعد امنين اجيبً شهم منه
اوبعد هيهات لمتنه سويه


عتاب الزمن


جثيره اوماتفض حسباتي واحزاني
اولعب بيه الوكت ماراد واذاَني
كل ماأكول خلصت ردت الأحزاَن
واردود الوكت مدايده لآواَني
ريض ياوكت خليني اكض الراكَ
اشمالك ماتعوف الضيم يسلآني
شلك وياي كَلي اوشنهي السويت
حته امرادف الصدمات تلفاَني
صحيح انه طحت والحيل ماهوالحيل
بس ماأصيح اخ اويمي عدواني
اوبعدبيه صبرعفيه اوتحمله الروح
ماأطخ راس يوم اوماهونيشاني
ولاذليت روحي امكابرابدنياي
واضحك بالوجه اوماراوغ الساني
ولاوجهين عندي اومااتعذريوم
حته لوالد اعداي ينخاني
اومااعرف حقد مااعرف التأويل
ولاابدل جلمتي اوتشهد اقراني
بسك ياوكت كل طكًك اعله الراس
تنسه الزين بس بالشين ماضن لحضه تنساني
طالت ياوكت كلش حسبتي اوياك
وشل ماي عيني اوذبلت اجفاني


بقلمي المتواضع :4::4:27/9/2007

وفقت لکلی خیر یااخی العزیزمع عتابک ویه الزمن کما قیل العتب مع الزمن یطول

:66 (46): تحياتي الك حبيبي الغالي اخ مشتاق :66 (46):
:66 (46): واشكرك على مرورك مع فائق احترامي:66 (46):

عاشت الايادي الابوذية والخاطرة رائعتين تقبل مروري

شكرا لك اختي العزيزه ام ا فنان على الرد الجميل
تحياتي

كلماتك رائعه جدا
وذات معنى رفيع
هنيئا لك على هذه الحروف المؤثره
تقبل مروري

رائع سجاد كلام جميل كجمال روحك تقبل مروري

تحياتي لك اخي العزيز اميرالسلمان لقدشرفت متصفحي بمرورك الرائع
مع فائق احترامي

لك مني اطيب تحيه حبيبي الغالي الحميداوي وشكراًلمرورك الرائع الذي يُنير متصفحي مع وافر تقديري