عتاب على الوطن
يا عراق شبيك دومأ منحني = وانا الفديتك بكل ربعي وهلي
يا عراق شبيك من توكف تون وتشتكي = وانا ادري بيك ذراعك قوي وما ينلوي
بيك عباس الوكع يم العلقمي = وانت تباوعه عطشان وجرحه قوي
بيك حسين انذبح ما مرتوي ولا جنك تعرف ذاك البطل جده النبي
شلون يحتلوك وبيك داحي الباب علي = الما توكف الانس والجن كدامه وتنزوي
شلون يصول ويجول بيك المحتل المعتدي = وانت كاعك طاهرة بيها اندفن الانبياء والاوصياء والولي
يا عراق شبيك من صاحو جهاد الاجنبي = ضحيت بشبابك والعرب تساوم اليهودي الغاصبي
يا عراق الغيرة بيك من الازل ما تنتهي = بين ذرعانك حضت كل العرب الجتك من ضيم الفقر تحتمي
شو هسه من وكعت بيد الامريكي الهمجي = تخلت عليك الدول وتباوع من بعيد نظرة مستحي
اضنهة تشامتت بيك وانت توَن جوه حراب الدموي = ما ساندوك دزولك ارهاب الكفر الناصبي
ذبحو الشيخ والمرأة وحتى الصبي = وصارت كل المدن من ضيمهم لرب الكون تلتجي
تالي العراقي انبذ من كل الدول وماله مكان يحتمي = والاسرائيلي مرغوب عند العرب وللاملاك صاير يشتري

بقلمي/ محمد جدعان

العراقي بطبعه حامي وابد عوده ما ينثني
غيره وشهامه وكرامه ما يوم عنه تنمحي
قصيده رائعه ودامت اناملك اخي ابو الحق تقبل مروري وتحياتي وشكري...

شكرا لك استاذي على مرورك

كلمات في قمه الروعه والرقي

سلمت اناملك اخي العزيز

شكرا لمرورك سيدتي

عاشت الايادي
اخي الغالي
ابو الحق
كلمات غاية في الجمال والابداع
ومشاعر انبثقت من اعماق شاعر
لكي تجسد الآلام والحزن
الذي يعيشه الشعب العراقي
شكرا لك اخي الغالي
على ما طرحته لنا من ابداع
وشكرا لقلمك الذي خط هذه الكلمات
التي تهز القلب وتحرك المشاعر
ننتظر ابداعك
وما تخطه يدك من كلمات
مع تحياتي

شكرا لك اخي الغالي على مرورك