مو بيدي .. العشك يسري بحنايا الروح

و من شفتك حبيب الروح سميتك



حسيتك قريب و اغلى كل الناس


و لا كأنك غريب و هسه لاكيتك

و مو سكته و دفن حبيتك و خجلان

كل الناس تدري بيوم حبيتك

بس تبقى لغز ما تنكشف للغير

يروحي بروح روح الروح ضميتك




ضميتك و اغار من الهوا يحاجيك

و من كد ما غرت ما يوم حاجيتك
يا نسمة هواماادري راح اهواك
كلت مثل الهوا و ما ادرري .. شميتك
من ذاك الوكت ما غبت عن البال

القلب بأسمك تسجل و انحسب بيتك

يا نبعة ورد ما بيك شوك الورد

ناعم يزهي لونك و العطر صيتك

فصّلت البشر سويتهم تمثال

و انت الروح بالتمثال خليتك

حجر كل البشر بس صارو يحنون

قطرة نطيتهم من بحر حنيتك

يا نهر العشك يا سلّم الافراح

عطشان و حزين و واكع و جيتك

رايد كلمه منك مو كلام هواي

و اذا انت تريد الروح لبّيتك




بس كلمة احبك كافي عاد ارجوك

حتى لو بالكذب بس كول حبيتك



منقووووووووووووووول

فصّلت البشر سويتهم تمثال

و انت الروح بالتمثال خليتك

روعه أخي سامي
تحياتي لك

الله عليك كلام في منتهى الروعة
تقبل مروري

اخي الرائع سامي المشكور
ابدعت بالانتقاء الرائع سلمت يداك وذوقك الراقي دوما
تحياتي لك