شيجيبك يبختي وتكعد وياي


واشيلنك نبع واحرثلك هموم
وتواعدني العصر وتكلي جييتك
واشم تراب بختي بذيج الهدوم
يا بختي العمر ضاع ويا الاحلام
تمنيتك تجي وعيني اعلى النجوم
اي ليش الحزن بس هو الرفيج
صبح ثوب الحزن وي جسمي مرسوم
كتلي اليوم اجي يابختي وينك
فات اسنين وانا انتضر هاليوم
جانت شمسي نور ويسطع ضواي
اي وين الشمس شو غطتهه الغيوم
كل ضيم اللفاني وانا اكول اصبر
وحته الصبر صاح اصبر يمضيوم
كاعدلي الحزن جن هو الاحزام
يشد ضهري الحزن لو هبٌة سموم
سمومك يالوكت جن سيف جتال
تدج بهالجرح مو توه ملحوم
لحمت اجروحي بابره وحنضل خيوط
وانته اصل الجرح يزماني ملجوم
خل انزع قميصي وشوف هالطعنات
مو انته حكمت كتلي انته معدوم
حتى اعدامي دج بالضهر غدرات
وكل دجة التدجني تكلي كافي وكوم

تحياتالك اخ سامي بس عله كيفك ويانه مو كل هذا الابداع خلينه شويه تحياتي الك وارجو ان تتقبل ممازحتي لك يا رائع

أحسنت رائع
أخي سامي
شكرا لك
تحياتي

أحسنت ياأخي الشاعر الرائع سامي المشكور لقد عودتنا على هذا الابداع تحياتي لك ولقلمك الصارخ

الله عليك والله كلمات في غاية الروعة
دمت بهذا التميز اخي الكريم

رائع ياأخي سامي المشكور
من ابداع الى ابداع
سلمت يداك نتشوق الى المزيد من روائعك
تحياتي لك