شـــــــــــــــــــ ـــــــهرزاد
جفي مديــــــــــــته أعله جيبي
وطلعت بس ذكريـــات
وانه أدري ألدنــــيه ماتــــــت
كلت أزرع طيفك بكاع العيون
وحتما يخضر حيات
وهناك يم شارع وداعك
كلبي شديته أبضريحك
يم رصـــــيفك
بلكي يغفه أبحضنك ألدافي ويبات
ونته دجله ولوضحك جرفك أصيرن كلي عيد
وانه هـــــسه أبلايه عــــــيد
لأن دجله أبجفهه سيف
وحدته أبنــحر الفرات
وصرت مشهد مسرحيه
ومثـــــــــلت دور أليتيم
أبلاحبيبه ولاحيات
وأحلف بكل دمعه طاحت مني قــــــصه
لأن كل دمعة يتيم أتشرف أسياد ألروات

أبكثر بــــــــعدك بيه نوح
وجرحي تضحكله ألسيوف
وانه يوميه الشمس لمن تغــــيب
أشك زيجي وأندعيلك كل فرض
وكت الصلات
أندعيلك ترد وبعشك تنام
ومن أجل كل حب حقيقي
أتورد أغصان ألحيات
وجرحي صار ألسان عنده وضل يردد شهرزاد
وشهريار أبلاحبيبه ولحــــظه يتـــــــــمنه ينام
حته بلجي يشوف طـيفك
يصحه ويشده أعله عينه
ومايفز خاف الحـــــقيقه
تبــــــــــوك حلـــــــمك
ولذلك كضه كل عمره سبات
وجلطه صابت شــــــــعري كله
وكمت أكتب شعر ميت بالحيات

شيسوه كلي الشاعر بهاي الحيات
عاش هوه وبالمقابل شـــعره مات

أمير السلمان

اخ امير
شعر روعه وجميل
ننتظر كل جديد منك
لك تحياتي

كلت أزرع طيفك بكاع العيون
وحتما يخضر حيات
غايه في الروعه يا مبدع تحياتي لك ولما سطرت اناملك كبير بابداعك تقبل مروري

الشاعر الرائع سامي المشكور شكرا لمرورك الكريم الذي متع ناضري تقبل مودتي


الشفاف والمبدع الجميل والشاعر الفذ محمد الحميداوي شكرا لقرائتك لمتصفحي المتواضع تحياتي

الله الله الله

مبدع أميرصورمبتكره في غاية الروعه...لايسعني الاأن أصفق لك وأنصرف

الرائع والشاعر الشفاف حميد الشيباني شكرا لمرورك الاكثر من رائع