لا تجيني اوشايل ابجفك النار

والله ماضل شي بعد لليحتركَ

ولاتجيني وحاد شبرية الوفاء

ومن تكَرب تذبح ابهيده العركَ

خلصت اخيوط الشليله البيه اروف

ونكسر ميبر لشل بيه الفتكَ

لا تزبر نخلتي خليني شوك

خاف تزلف ايدك اتكَصلي العثكَ

لاتعاتب والله ملينه العتاب

خلهه روحي الكعت ابدرب العشكَ

لاتحدر مركبك جزر الماي

لاتخليني دكَل شيال راي

ولا تشع نجمه ترى امثلمه سماي

بأول اخيوط الفجر هم نفتركَ

جنت اركص وانته تعزفلي اعله ناي

وجنت بيك امحزم اوشايل لواي

ابزود ماحسبت طكَات ابكَفاي

ولاحسبت ابجدم خلاني انسحكَ

اشكَد غشيم الما تشلبه اعله الفرص

وارخه دلوه ابير بي مايه خلص

شهرزاد من السدالي اخذت قصص

نامت اوخيال قصتهه شهكَ

نامت اوخيال قصتهه شهكَ

قصيده اكثر من رائعه عاشت ايدك اخي تحياتي

شكراً لك صديقي ولمرورك العطر