ولك خل نئتلف واتحد آني اوياك .....
آني بشوك روحي ، وانته بالعندك
ونأسس تحالف بالجسد والروح ..
ونحلف بالعشك تسعدنه ونسعدّك
ونشكل كتلة وحدة وما نظل اثنين ..
ولا يتميزن زنديني من زندك !!
وافتحلك حزب من قبل ما مفتوح ..
واكعدك عالعرش وآني اكعد بسدّك
ونمارسهه السياسة بمختلف الاوضاع .
. ووضع الما يعجبك ، شطبه من عندك !!
وحزب حبنه الموحد يصبح العنوان ..
شعاره العشك حق ، واهدافه شم ورّدك
ونشيده الوطني ( زيديني عشقاً ) كون .
. يصبح ، والعلم أبيض مثل جلدك
بس نكتب عليه ( الله ما أحلاك ) ..
ونحط نجمات تشبه شامة البخدّك !!
ونكوّن دولة ابد ما بيهه كل حرمان ..
ولا بيهه كبت ، متردني ، ماردّك
ونسن دستورنه وفقراته بس ومضات ..
أصوغنهن شعر من شفتك وخدّك !!
واحلف ما أخالف حرف بالدستور ..
واقسم بالشفايف حبي الك وحدك
الرئاسات الثلاثة بأمرك وبيديك ..
ميزيدن شرف ، شرّفني اظل عبدك !!
ديمقراطي آني وانته تكنو قراط ..
يعني الراي الي ، والحكم في يدّك
بوزارات السيادة امحالل وماهوب ..
أوقعلك ، وابد لتفكر اضطهدك
بس منصب سيادي واحد اطمع بيه .
. وزير بداخليتك .. واستلم نهدك !!!



مع تحياتي



:66 (46)::66 (46)::66 (46)::66 (46):

منقول

:2:

قصيدة غزل رائعه مشكوره عزيزتي فاتن
مع تحياتي للشاعر المتألق عدي تحياتي لكـ

رائع ما اخترتي ولكن فاتن ماذا نفعت الائتلافات هم تصير عركه عله الكراسي تقبلي ممازحتي لكي جميل والله ذوقك تقبلي مروري تحياتي بعد روحي الغاليه

الغالي كبرياء رجل شكرا لمرورك وردك الاجمل

والعزيز على قلبي تحياتي لك مع كل الود

محمد الحميداوي رد جميل وشكرا لك واعتزازي بشخصك ولكن اكلك بهذا الاتحاد ماتصير

عركه على الكراسي يكول اامر واني انفذ هههه تحياتي لك

فاتن الرائعه
انتي رائعه وراقيه في اختياراتك
تقبلي مروري

رائعه باختياراتك فاتن
انتي مميزه دائما
اعتبريني من المنضمين لهذا الحزب
لك خالص الموده

شكرا الك يالغالي سامي المشكور واهلا وسهلا بيك

اعتبر نفسك من المؤسسين والانتخابات القادمة انشاء

الله نكون من الفائزين هههههههه مع خالص تحياتي بس

طلب صغير كونك مشرف قسم بلكي بلا زحمه تحضر شعار

للحزب ؟؟؟؟؟؟؟؟؟؟؟

السلام عليكم اختي العزيزه فتونه
الورده الحمره مالتك مسويتنه مشكله يوميه المره زعلانه
بس اشوف الورده 000هم هاي واشتغلت الرنه00

هسه الله يسلمك جايبتنه هذا الحزب المبارك00
من تقرا النوب لازم احتار بالفاتحــــــــــــــــــه
هههههههههههههههههههههههههه

فتونه عيني00حضرتك00والاخت نورا تمثلن المراه العراقيه المتحرره من قيود
المجتمع هذه القيود التي جعلت السلبيات المرتبطه بهذا الباب
اكثر من الدول حتى الاباحيه0000
نحن نعيش حالات الكذب والمغالطات الفارغه الجوفاء
0000000000
شكرا الك اختي العزيزه فاتن00
شكرا لشجاعتك000ان تجيري هكذا موضوع باسمك
كان نقل رائع00وكلام للاخ العملاق عدي بمنتهى
الدقه في التصوير00
تحياتي لك ولعدي
وتسلمون
00000

والله رائعة حبيبتي فاتن وأجمل أئتلاف ماذكرتي
وكلمات بمنتهى الروعة
انتقاؤكي رائع
تقبلي خالص مودتي وتقديري

شكرا لمرورك ياابو الليث ولخاطرك حتى متسويلك مشكله المرة يومية اغير توقيعي

ويوميه اغير شكلي حتى متعرفني نوبه مخمرة ونوبه مغشايه وسلملي على المرة

وكله مجرد كلام حجيته ونسيت تحياتي القلبية لك مع كل الاحترام والتقدير

حبيبتي اميرة الروح شكرا لجمال ردك وروحك المرحة

هل تحبين الانتماء اليه على الرحب والسعة ههههههههه

تحياتي لك مع كل الحب والتقدير

فتونه شكرالك على هذا الاختيارالرائع...وحبابه اذاشكلتي الحكومه طبعاهم42وزاره آنه خليني الوزير43لان مطلوب واريدأسدد...تحياتي لك

هلا وغلا مو تدلل الاقربون اولى من المعروف


شكرا لمروك تحياتي لك مع كل الحب

:66 (46)::66 (46)::66 (45)::66 (46)::66 (46):

فتونه أشكرج على قبول تعييني وزيربحكومتكم الموقره...بس كملي جميلج آنه أريد وزارة الدوله لشؤون الحب...تحياتي

خويه والله حرنه وياك انت مطلوب وكلنه نخليك على المالية لو على النفط وهسه

كلبت تريد شؤون الحب عمي حتى بهاي يوميه براي شلون بيكم

أختي الغاليه فتونه...وزارات النفط والماليه تعلمني عاالفرهود..وآنه أريدأبقه أنسان...تحياتي

تحيه الى الشاعره المبدعه الصديقه فاتن لقد تناولتي موضوع القصيده الذي تحول من الغزل الى السياسه العاهره حقيقه وان موضوع الغزل قد تم تناوله بطريقه الاعتداء على الوطن لان الوطن سامي ولا يمكن الاعتداء عليه بهذه الطريقه الساخره لان علم العراق هو الاعتبار لكل العراقيين واتمنى ان يكون الغزل في الشعر كما قال الشاعر عطا السعيدي ( يبو لسان العسل حدر اللسان شظام ..... وشفافك علي يمعود شيخفن؟ صدك كلك عسل لو بس حلاه لسان....... وتبايع الوادم عسل بالملسن؟ كل شي البيك يعجب حتى من تنثار ....... وتكعد حاجبك وعيونك يزعلن اشوفن بيك دجله وسوره الغراف.............. والبصره ونخلها ابوجهك انرسمن ولو غوركت عينك بالدمع يا هييي............. نهرين العراق عيونهن يجرنالخ.. القصيدههكذا نجعل الغزل ونتغزل بالوطن قبل الحبيبه لان الوطن الحبيب الاول تحياتي

شكرا لمرورك يااخي العزيز وشكرا لردك نحن لانتدخل بالسياسه والله يبعدنا عنهم
وعن شر اعمالهم والعراق بعيون الاشراف يبقى غالي علينا وعلى الجميع وفاتن وهيب
لم تستهزأ وارجوا منك اخي عندما تريد الرد ياريت ترد على من هو سبب هذه المهزله
وانا اعرف ماذا اكتب وماذا اريد ان اكتب تحياتي لك مع كل الاحترام والتقدير واكرر شرفتنه
بمرورك وردك الرائع