قولوا لمراتى يا ناس كفايه بقى تبزير
جيبى اشتكى من الافلاس وعقلى حيفوتنى ويطير
ماهيتى يوم واحد مابتستناش
ومصاريف ذايده عن دخلى كتير
عماله تبعتر شمال ويمين من غير وعى ولا تفكير
ومايشه تملى ويا الموضه ويوماتى رايحه للكوافير
وان قلت مره يا مراتى كفايه
تقولى انا موش اقل من جارتنا سهير
وفى ساعه يضيع كل شقايا
غير ما استلف من صاحبى منير
امتى يا ناس مراتى حتعرف
طريق بنك للتوفير
******
اخدت مره مراتى ورحت نزور صاحبى منير
لان مراته مثال الست واعقل منها كتير
ما تعرفشى ابدا الاسراف ويهمها دايما التوفير
أخدتها وفى عقلى قلت يمكن منها تغير
******
وقعدنا واتقدم لينا الواجب شيئ بالطبع بسيط
طبعا لمراتى ما كانش عاجب اكمنها واخده
على التفريط
وذهلت لما عرفت الست حبايب
طبعها طيب وست بيت
بالضرورى بس تطالب وعامله لبيتها ميزانيه وتخطيط
وتقلل من مصروفها وتوفر ولا غاويه جرى ولا تنطيط
وصاحبى منير بيدعى ويشكر اكمنه معاها عايش مبسوط
*******
رجعت البيت وقلت يا هادى يبقى الشهر الجاى بدايه
وننسى الماضى
واشوف القرش تمللى فى ايدى وطول الشهر متهنى
وراضى
والحق كان ده لمراتى درس كبير
وعرفت ايه الفايده من التوفير
وشافت انه من واجبها تنصح بدورها جارتنا سهير
علشان ما الكل يشارك بلده وتبقى فى ايدينا الثروه كتير

*************
أقدم اعتزارى لزوجتى
انها فقط خاطره
********