المساعد الشخصي الرقمي

مشاهدة النسخة كاملة : ابوذيات ..حبي واخلاصه


جناتي
04-06-2011, 10:36 PM
حبي انفضح لاجلك صار شعلة
وانة النورت دربك صار شعلة
اشعلة الكلب رايد ؟؟ صار اشعلة

اقفلة الكلب لاجلك ؟ صار اقفلة
ولباب الكلب حبك صار قفلة
اكوم لحسن عينك؟ صار اقفلة

اصد الشمس عنك ؟ صار اسدها
ولبحيرة كلبي حبك صار سدها
يلبوة حسن كلبي .. صار اسدها

الاسد لو شاف طولك صار حرمة
العمرك عمري اتلفة وصار احرمة
احرم شوف غيرك ؟ صار احرمة

اعلة موتت شوفي اعينك ؟ صار اعينك
ويكلبي بنص ضلامك صار عينك
تريد بروحي اعينك ؟؟ صار اعينك

شعين بية كلبك صار اداري
وية ظلك انة ساكن صار داري
حبيبي بروحي اخدمك صار اداري

حديد الكلب لاجلك صار فضة
العتب وياك اختمة وصار افضة
افضلك دمع عيني ؟ صار افضة

ونزل دمعي اعلة خدي وصار جاري
وانة الاجرت كلبك صار اجاري
اجاري عناد روحك؟ صار اجاري

اعلة روحي اتريد اسيرك ؟ صار اسيرك
وكلبي بقفص حبك صار اسيرك
عذابي ايسر جنابك ؟ صار اسرك

حبك حكم كلبي وصار ابوية
وصبغ كل هذا حجيك صار بوية
اسكت ما اعاتب ؟ صار ابوية

عليك اتريد اسلم؟ صار اسلم
ورتقائك كلبي غاية وصار سلم
اسلمة الكلبي بيدك ؟ صار اسلم

تريد بكلبي اقدسك ؟ صار اجلك
واذا انتة الكبر مسك صار جيلك
زحف رايدني اجيلك ؟ صار اجيلك

واجالك زحف كلبي وصار طفلك
وطفي بشفتي نارك صار اطفلك
مقام اتريد ازورك ؟ صار اطفلك

شوكت تدريني مشرك ؟ صار مدة
وجرحي بدم غيابك صار مدة
بطولك جرحي امدة ؟ صار امدة

جرحي بكبر طولك صار طولة
وتكلي شوية طولة . صار اطولة
اذا انتة النجم رايد ؟ صار اطولة

تريد بظلي اشوفك؟ صار اشوفك
وبشمع عشر الاصابع صار شوفك
اكشف كلبي اشوفك ؟ صار اشوفك

خلص كلبي بيدك صار خالي
وانة الخاويت كلبك صار خالي
تغلط وابقة ساكت ؟؟ صار خالي

اتمنى ان تنال اعجابكم تحياتي :66 (46):
حميدالشيباني
06-06-2011, 08:16 AM
الله الله جناتي شنو هالابداع عيونه عليج بارده ان شاءالله..بس القفل ناسيته..تقبلي وافراحترامي
جناتي
11-07-2011, 09:25 AM
شكرا للاطراء الجميل وشكرا لتصفحك صفحتي اتمنى لك التوفيق
asir
11-07-2011, 10:43 AM
تسلمي علی هذا الابداع تحیاتي
الشاعر محمد الحميداوي
11-07-2011, 07:38 PM
رائع اخي الكريم مبدع بما سطرت تحياتي لك تقبل مروري
محسن المفرجي
11-07-2011, 08:33 PM
تسلمين يااختنا أتمنى لك التوفيق وتقبلي
تحياتي ومروري
جناتي
17-07-2011, 10:53 PM
شكرا لكم جميعا
شكرا لك اخي الكريم محسن لك مني كل الاحترام
وايضا اشكر اخي الكريم محمد الحميداوي واقول له انا بنت ولست ولد
لان تعبيره لي بصفتي ولد ولكن اذا كان خطأ بالموضوع اتقبل هذا
لكم مني كل الاحترام
سجاد الرحال
17-07-2011, 11:02 PM
انتي روعة اخت جناتي سلمت اناملك
الجميله تقبلي مروري مع فائق احترامي
جناتي
17-07-2011, 11:07 PM
شكرا لك اخي الكريم سجاد وشكرا لتصفحك صفحتي لك مني كل الود