هدية الى حبيبة قلبي التي سكنت فؤادي والتي لن تبرح خيالي ولن انساها يوم من الايام
هدية الى من غدرت بها وبي الايام



أنا بدربك مشيت وعذبتها الروح
لا أني الفهمتك ولنته فاهمني
طاوعتك أنا وما كتلك أبداً لا
لان انته حبيبي وشخصك يهمني
جنت عندي جبير وجنت عالي وياك
وحتى العتب منك جان يلهمني
عسل مخلوط سكر جنه أني وياك
ومرانه لهمنك مرة انته تلهمني
كبر حبنا وهوانا وطرنا أحنا وياه
بالروح الم شوكك واجفوفك تلمني
سلمتك كلب مليان طيب وشوك
ومن طيبات كلبك ردتك تسلمني
علمتك علحنان شلون يمحي الاه
ليش من الحنان تريد تحرمني
رحت دكيت بابك ردت اسلم أعليك
وأسئل عالعيون الجانت جزء مني
تسد بابك بوجهي ليش؟ شنهي الصار
مواني حبيبك؟ كلي شبدر مني؟
خل نفسك مكاني وكولي لتسويه
لو إني الي عفتك وانته تكلمني
خل نفسك مكاني وكولي لتسويه
لو اني الي ابعدت وكتلك تتعبني
مجروح كلبي وما أظنه يطيب
يالجرحك كفن للموت ياخذني
حياتي كضت كلها آه ونوح
ما هميت بيها ولاهيه ال تهمني
اضحك عالهوم واعبر الشمات
واسحك كل لئيم يريد يظلمني
بس جرحك ابد شكد حاولت وياه
اطعنه أني مرة وهوه يطعني
علمت الصبر انه دروس يابو دروس
وجرحك من جديد انوب علمني
ردني بمدرسة وبحضرته تلميذ
أرسمنه سهم يدميني ويحطمني
يعاتبني السهم جيه ما نزفت اهواي
وأثاري السهم يبجي يريد يرسمني
رد جرحك عليه وجاوبه الدلال
ما مش نزف عندي اليوم رسبني
ما ريدن شهايد ولا أريد أدروس
أريدن كلب صافي من انطش يلملمني
يمحبوبي العشك مو درس مو تعلوم
ولا هو اختبار ويمومية مخبرني
ولا هوه انتقام ونكظيها بالطعنات
وطعناتك تموت من تخاصمني
المحبة طيب واخلاق وعهد ما ينعاف
مو يومية برأي وتريد ترهبني
ولا هو معركة غالب ومغلوب
مرة إني اتهمك مرة انته تتهمني
العشك جلمة حنان من الكلب تنكال
وردة وتنسقي ما بينك وبيني
مو ساحة معركة غالب ومغلوب
ولا استسلام جيتك لو تجيني
بقت جلمة أخيرة واعتبرها أعتاب
من روحي إلي حبتك يعيني
كلبي شمانزف وشماعملت وياه
باقي عالمحبه عمري وسنيني

بقليمي
تحياتي الى نور عيوني الغالية التي ملئت حياتي نورا وبهجة وفرح وادعو الله لها بكل الخير
كلمتي الاخيرة اقول مهما وصفتني باوصاف فانا لا اصفك الا بالزهرة الجميلة حتى وان جرحتني اشواكها سابقى اراها اجمل شي في هذه الحياة

الله يعطيك الف عافيه والله كلمات غايه فالروعه والجمال سلمت اناملك الذهبيه على ما تخط لنا دائمااااا
اتمنى ان لا تحرمنا من جديدك المميز تحياتي لك (عاشق هواك)

شكرا لك اختي الغالية ايتها الرائعة
لك كل الاحترام

عاشق هواك
قصيده روووووووعه
فعلا اعجبتني
ننتظر كل جديدمنك

الله كلمات فعلا رائعة وفعلا تستحق الابداع فعلا اعجبتني وقصيدة مؤثرة الله يكون بالعونة لكل من عاش هل لحظات تحياتي

يدوم الإبداع
أبها الرائع
قصيدة غنية
بالمشاعر والوفاء
والإخلاص
كنز تمتلكه روحك
نادر الوجود بين الناس
مدائن وورود
لك ولحرفك الذهبى
بانتظار جديدك
كون بخير وامان

الله عليك وعلى قلمك الرائع .. الذي خط لنا كل ماهو رائع وجميل .. والله يكون بعونك انت فعلا رائع .. وننتظر الجديد من ابداعات قلمك الجميل .. اتمنى لك التوفيق وتقبل تحياتي ومروري