شما تسحك بجرح الكلب وتدوس
ما اشكي الالم والشكوى ذله
ويضل مرفوع راسي ودنكت روس
ولاتظن يوم ينزل ويتدله
يكلبي اصبر ولو تتكطع بموس
لاتشكي وتكطع وصله وصله
وخل دمعك بوسط العين محبوس
ترى كلها اتشمت من تهله
شوف اعداك اجت برماح وتروس
او وياهم صديقك كوم صدله
يريدونك تكع وتكطعك الفوس
وما ينطوك من اتطيح مهله
اعز الناس ليك وطلع مدسوس
بعد بيمن تأمن واتسله
ذب ثوبه وطلع ياكلبي كابوس
موش البالنفاه اعرفت شكله
الصديق البيه من اعداك محروس
ويشد حزام ظهرك ما يحله
موش اليوكف امن اتضيك النفوس
ويدور اعليك من اتطيح زله
الصديق اخلاق كون وعبر ودروس
وموقف كون يوم الضيج اسجله