مو طبعي الجذب لو كلت احبك موت
لان حبي الك ما صار من نظرة
ومو طبعي الجذب لو كلت ميت بيك
لان دونك احس مخنوك بالعبرة
وموطبعي الجذب لو كلت ما انساك
لان صورة خيالك بالكلب جمرة
ومو طبعي الجذب صدكني هايم بيك
لان حبك عذاب ونار مستعرة




عشكتك عشك مجنون دوووم يعشك محبوبه وعشكت عشك سكران مات وبيده مشروبه وعشكتك عشك مدمن يشوف الدنيا مكلوبه وعشكتك عشك مسجون كل احلامه مسلوبه وعشكتك عشك كافر مات وفاتته اتوبه






بجمالك عيني ما شافت مثيل
وصورتك محد يوصفها بصور
الكمر منك اخذ هذا الجمال
يعني خلي نكولها انت الكمر




انه من ازعل ركض اركض عليك
ولا تهدني وخلي نغرك بالعشك
انت من تخزرني اذوب بين اديك
يعني من تبوسني راح احترك





الك مشتاكة عيني اتريد ملكاك
ورادت صورة منك خاطر انظرهة
ادور بلصور ماعندي وياك
بقت بس البالي وشلون اكبرهة






على نار أنتظر ومتاني ألأحباب
وإندك باب بيتي وألكلب ذاب
إطلعت للباب عود ألباب أفتحة
لكيت ألباب طالع فاتح ألباب








منقول

عاشت ايدك اخي العاشق ومضات جدا رائعه
تقبل مروري مع الود والاحترام
اخوك سلام الدراجي

حبيبي الغالي الدراجي
منور
شكرا لمرورك العطر

تحياتي

الله لايحرمنا هالأبداع كله والله شي رائع وجميل ومضات قمه فالخيال كل الشكر والامتنان لك ياعاشق عيونك على وروعهـ مانــثرت لنا من كلمات جميله ورائعه دائما متميز في الانتقاء سلمت يالغالي على روعه طرحك نترقب المزيد من جديدك الرائع
دمت ودام لنا روعه مواضيعك
تحياتي لك

ومضات جميلة تشبه قلبك الصافي
اخي العاشق
شكرا لك ولاختياراتك الجميلة
لك مني اجمل تحية

سلمت يداك اخي الغالي لهذه الكلمات الجميله والومضات الرائعه