مزاعلك

انه امزا علك ومقرر انساك
وحبل مواصلك مجبور اكطعه
مثل ماجيتني لحد عتبت الباب
اكلك روح روحه ابلا يه رجعه
بعدلاتضن تردني الصفنه والحيف
كطن ياصاحبي منذنك وشلعه
حلاوتنه انكضت وجفوفنه اكصار
كلمن يلحك الخبزه التشبعه
شمس جانت تلمنه وكمره ونجوم
هسه اثنيته بعازت الشمعه
زمان الطيب والحب والوفه انباك
ومن ياجف المحيبس نطلعه
اليالي اتريد واحدبا شط السان
وانه الموس ابلاهاتي وخاف ابلعه
انجرح وضحك واسامح وغفر اذنوب
وحجي الكال وكلت ماجني اسمعه
العمر نفاخه ويامك دنابيس
واذ طكت ثمنهه اشلون ادفعه
وكت خلاك بيه اتصول وتجول
وتحطني بعين من عاداك دمعه
اذكرك من جنت مالاحكك ثوب
وتلتم بيهه من كل زيج ركعه
ياسا سو كي لاتنغر بلشباح
ولاتنغر ابفن الكوكه خدعه
شفت حلمي نذبح بعيوني الاثنين
بعد ماخاف كاس اجفاك اجرعه
المهم من ساومو مابعتك ارخيص
ولاحطيتك بميزاني سلعه
تبعت الضحكك وبير ذباك
وانه الكتلك البجاك اتبعه
اذن نتراهن انه اوياك ونشوف
ياهو الراح بينه ايعض اصبعه
-----------------
الشاعر حسين الشميساوي

اخ حسين
كلام رائع وجميل
تقبل مروري

الله ياابوعلي الغالي حقا انك مبدع في مدينه تتنفس الابداع كيف لا وانك حسين الشميساوي تقبل مودتي مع الحب

سلمت يداك اخي حسين لهذا الكلام الجميل .....اخوك ابواياد

هل نطلق على الابداع كلمة مبدع وانته الابداع ذاته يا استاذي الفاضل