السلام عليكم ورحمة الله وبركاته
الاخوة والاخوات الاعزاء اعضاء منتدى الشعر الشعبي
حرصاً منا على اظهار المتميزين في هذا اللون الجميل من الشعر
ارتأيت انطلاق المطاردة الشعرية في الشعر الشعبي(الابوذية) هنا في هذا الموضوع
واخترنا الابوذية اولاً لانها لها نكهة وطعم خاص
ولدينا هنا اعضاء لهم تميز كبير في هذا المجال
لنبدأ ونرى ابداع الاعضاء في هذه المطارده


وابدء اول ابوذية

احس هزني عليك الشوك ياصاح
وماادري زعلنا غلط لو صاح
صوتك بالشدايد علي لو صاح
اجيك امحزم بروحي الابيه

واتمنى من الجميع المشاركة

موضوع جميل ياختي العزيزه
بس شلون تردين الرد على المعنى على الحروف على اي شيء
تحياتي

يروحي من الهجر ملت وسلت

وعلينا احباب هم نشدت وسألت

الف دمعة جرت مني وسالت

ولادمعة حزن جرت منهم علية

انت الناس تنتظرك ورابوك

وعلية شكثر كالولك ورابوك

تنيتك من جنت تزحف ورا ابوك

وتحملتك طفل تلعب علية

کلبي ما هوه غیرک ورامک
تعال وشوف دلالي ورامک
زغیر انته وچنت تزحف ورامک
غرامک سبب الاهات البیه

هلا وغلا ياابو نرجس الوردة اشرحلك الموضوع كالاتي

يعني منك ابوذيه
ومني ابوذيه
ولكن
تختلف هذه المطارده في
الابوذيات
عن المطارده في الدارمي
يعني اذا مشترك كتب ابوذيه لايقول
نهايه الابوذيه حرف كذا
بل سيعطي اي حرف
يأتي في فكره لان على
الاغلب الابوذيات تنتهي بحرف
الـــــــــهاء ولانريد التقيد
بهذا الحرف وراح اكول الابوذية

همومي عبرن فوكك مشن طن طن
منهو الوش بذانك علي طن طن
افرح لو سمعت الجرص طن طن
اكول الولف حن ومر عليه

حرف الميم

مع تحياتي واتمنى المشاركة
من الجميع

مرت سنين العمر بالعجل فاتن
وحبيب الروووح بعده حلو فاتن
اكلها تعاي وماتجي وياي فاتن
وترفض تاخذ كليبي هديــــــه

تحياتي وعذرا فاتن على استخدام اسمك

محال ابهاالزمان العدل ياصاح@يصاح امنين اجيب البخت ياصاح@أشوللغيرحتى الغلط ياصاح@واشوصحنه غلط والبيك بيه...أتمنى أن أكون بمستوى المطارده الشعريه...أختي العزيزه فاتن جناس البيت الاول يختلف عن الثاني والثالث أعتقدمامنتبهه مو؟مع تحياتي

حياك الله ياحميد معنى جميل وشكرا للمشاركة والي اطلبه

من المشارك ان يضع الحرف الي يجي على باله في نهاية ابوذيته

لكي ياتي البعده بابوذية تبدأ بالحرف الموجود مع تحياتي القلبية

لجميع اعضاء المنتدى العزيز على قلبي

وحك اهل الوفه والملح والزاد
الكرم افضل معاني الشيم والزاد
حلالي مايهمني النقص والزاد
تهمني الناس شتسولف عليه


حرف غ

:66 (46)::66 (46)::66 (46):

غالي حبيبي... بغلاة الروح سعره
وبالكلب ماتطفى نار الشوك سعره
من اشوفه ماتظل بالجسم سعره
وتحترك سعراتي كلها الحراريه

تحياتي ( س)

ابوذيات رائعة

من زغير صدك واني احبة
وطاست جن واني حبه
مره اتمنا ابوسة واني حبه
اذا حبيته نار اتصير بيه:66 (46):

السلام عليكم حبايب


سهول الناس عندي وانته راسي
سفن غركت ابحري وانت راسي
اخويه انت صديقي وتاج راسي
واعز منك ترى ماكــــو عليـــــــــــه


حرف ن

مع كل الود

أسطر رائعه وكلمات جميلة

نحبه وماكعد وياه حظنه
وجني من الدفو حسيت حظنه
انه ماريد طمع بس ردت حظنه
بس من الحظنه شيفكه من اديه

حرف الميم

سلامي للجميع

شكراَ لكم على الموضوع الرائع
و الجميل و الجهد المميز انتظر المزيد
من الابداع

مشت جدمي لهواه ماظن تواني@وتوني الحب ملك كلبي تواني@هجرني وباالهجرتويه تواني@جرح هجره كلف مابيه شفيه....اذاممكن حرف العين....مع اجمل تحياتي

عيوني من الدمع لجن وغارن
وعلي حيل الهجر هدن وغارن
اموتن من تحب غيري وغارن
اريدك بس تحبني وهاي هيه




الي بعدي

حرف الواو

اتمنى المشاركة من الجميع

وحك الالف واللاميـــــن والهاء
احبك من صدك مو لعب والهاء
محبتك اثرت بالروح...... والهاء
امر نافذ على روحي وعليـــه

تحياتي حرف الباء

بتاج الفرح ولفي توجاني
وحسن ردلي شبابي توجاني
من اثمار المحبة توة جاني
كلبي الشبع ضيم من الاذية

حرف الدال

مع تحياتي

دليلي انعاب كل السبب انتي
جيراني اشتكو من علو انتي
صار الفرج كله بيد n.t
اذا مانور اسودت عليه

---و---

وحك من ابتله بساره وهاج
رانه جم طير الك هايم وهاجر
سمعت السمج عاف الماي وهاجر
يحل ذاك الوكت هجرك عليــه



حرف الفاء

هديه الروح لشفافج وميهـــــــــن
يعوفه الموت اليمصهن وما يهن
الف مره اكتبت لجلج وما هان
عليج تردي جلمة حب عليه

----س----
تحياتي

لخاطرك ياابو ليث راح ارد بس اني ردت ابوذية بالفاء ارجو الالتزام

سألني الناس عن حبك سلاني

سلاني وسلني وسلسل سلاني

سلوني بسلوتي سمهم سلاني

سبع سهام تسدد عليه

حرف الفاء

فديتك عمري وعيوني واهلهن
تصب ادموعي الك قابل واهلهن
افرغلك شكو بكلبي واهيلهن
حتى اتشوف شنهو عملت بيه
000000000


ميكون اله خاطرك طيب فتونه

---ع---

مراحب ياابو ليث وحرف العين يكول


عنيت وبس عليك الجدم يعني
ولاغيرك الي بالناس يعني
اكله اشكد تحبني يكلي يعني
شنو اليعني منو يفسرهه اليه













حرف التاء

تراويني دموعك من تهلـــــــــــــه
وتكلي اخذ روحي منتهلـــــــــــــه
فراكك ياحبيبي منتهى الــــــــــــه
تذوب الروح لو تبعد عليــــــــه

تسلمين فتونه0000000000000000000


----و----

وكًع كًـلبي بغرامك ماتشيلة
وترى كلبي التعذب مات شيلة
اخابر وانتة تسمع ما تشيلة
وينك يا حلو بس رد عليه

الالف

الف مره يمر طيفك ولا ضل
بدونك لاسكف عندي ولا ضل
اليقدسك لاكفر يجني ولا ضل
لان انت ملاك ابين اديـــــــــه

تحيتي

---ن---

وكًع كًـلبي بغرامك ماتشيلة

وترى كلبي التعذب مات شيلة
اخابر وانتة تسمع ما تشيلة
وينك يا حلو بس رد عليه


الالف



اخت فتونه00000000شكرا لك000همسة اخويه
الجناس في الاول والثالث وربما الثاني متكرر00000
ديري بالك تره اشتكي لبو نرجس00000000
هههههههه

وحرف النون

نهاني الينم عنك............ وابد منهه
وودك مثل روحي .........وابد منهه
السمه كابلت وجهك........وابد منهه
البدر من ضي سناك انعكس ضيه


ص

تسلمين فتونه00بيت روعه وجناس اروع
منين جبتيلي الصاد0عداوه ههههههه


صرت مغرم بهالشفه000اورده
تهادد روحي الج تمشي000وارده
الروح اعطشت وعيونج000ورده
اذا ماجيتي تحضرني المنيــــــــــــه

---ك---

ياابو اليث تحياتي وسلامي


كلبي من الحزن ورث...وعطاب
وعيني اعله الطالع...وعطاب
حنيت لزادك وملحك...وعطاب
لان بس ملحك الغزر بيه

حرف ش

صباح الخير اختي العزيزه فتونـــــــــــــــه
هذا البيت هديه الك00000
00000000000000000000000000
شلي بعمري بغيابج عمري انتي
عمر وي علي ماتو عمري انتي
اذا دهرج كسره عمري انتي
خلي ارواحكم ترجع سويه
000000000000000000


---س---

سامحني وانا الغلطان ...بستان
ازرعك بالكلب ياحلو ......بستان
امنيتي من حبيبي اثنين بستان
بيها اهداء وعكلي يعود اليه...
تقبلوا تحياتي

ذبت وبشوك شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية



تحياتي وسلامي لابو اليث وابو نرجس الغاليين


الالف

اذا تسأل على حالي حالفاني
لان حظي وياك مامره حالفاني
اذا دارت الدنيا ولكيتك حالفاني
لأكطع ورد وجناتك بديــــــــه

تحياتي واعتزازي

حرف الجيم

جاني حبيب الروح قابلاني

وشما عتب وشما حجه قابلاني

اعوفك صدك تحجي قابلاني

اعمه وما اشوف ايدك بديه

حرف الهاء

[quote=فاتن وهيب;1082231]
جاني حبيب الروح قابلاني






وشما عتب وشما حجه قابلاني


اعوفك صدك تحجي قابلاني


اعمه وما اشوف ايدك بديه



حرف الهاء

هدية ربي انته ماامله
خل اقداحي تفرغ ماامله
عشرتي وياك عدله ماامله
اذا مالت ملت انته عليه
تحياتي

---و---

ليش تمسحه باابو اليث اذا الابوذية بيها خطأ مالتي

ارجو التصحيح وممنونة منك نستفيد تحياتي

وحك طه ونبي عيسى وصالح

ابغرامك بس آنه مخلص وصالح

تظل لشوكت تتزعل وصالح

حلاة العشك من نفرح سوية


حرف اللام

ليلي وياك اخلصه سهر ماشي
الك فدوه اضحي الروح ماشي
اتبعك لو رحت للقمر ماشي
اجدامي من تمل امشي على اديه

تحياتي
و

وحك الغريب الي علت قبته بيران
جرس شوكك بنص الكلب بيران
ابير حبك طحت بس بعمق بيران
واظن ما راح اطلع للمنيـــــــــــه

تحياتي ....
حرف ----القاف------

مساء الغلا والخير والعافية

وحرف القاف

قلبي مافرح عقـــــــــــبك ولاسار
ولاجذمي ماخطى الغيرك ولاسار
أخبرك مابقت جـــــــــلمه ولاسار
فضحني الدمع من غصـــبن عليه




حرف الخاء


مع تحياتي

خالي الكلب دونك وانت خالي
وانت نورعيني وانت خالي
انت ابوي وامي وانت خالي
حبيبي انت الترد الروح اليه

--تحياتي لاحبابي--
--ج--

صحيح اتالم الطعنه من الصاح
وبعد مانعرف المخطي من الصاح
اسمعه ايشتم وكتله من الصاح
سمعني وكرر الشتمه عليه

جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه


حرف الثاء

مع تحياتي

ثعلب من تصيري انتي واللحايه
حاجت شوفتج عندي واللحايه
الشوارب بيض صارن واللحايه
وحبج بالكلب باقي شلون بيه

تحياتي لاحبابي وانشاء الله تعجبكم كتاباتي

اخي الغالي ما مخلي حرف بس ولا يهمكم
حرف الحاء
حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه


اهديكِ تحياتي الفكره حلوه
لاتحرمينا المزيد


حرف السين

اخي الغاحلي ما مخلي حرف بس ولا يهمكم



حرف الحاء
حبيتك من قلبي وما انسى ايامك
نار الشوق عاميني وانت الي تروي حالي
شلون اصبر وانت الماي ما ضنيت تنساني
انا اليوم اترجاك واطلب ما تنساني


اهديكِ تحياتي الفكره حلوه
لاتحرمينا المزيد



حرف السين


السلام عليكم00هاانا اعوض عن ساره00
انتي الروح عندي وانتي عمري
اعدل الخرب لجلج وانتي عمري
الحجه من اشوفج وانتي عمري
وجنتي لو سوه نكعد سويه


تحياتي لبنتي العزيزه ساره
ولكل حبايبي الغالين

--س--

سهم صاب الگلب من يوم شفته
عيونه مكحلة وياقوت شفته
سألت العگل عنه شگال.. شفته
حچيه من شكر.. فعله سمسمية

تحياتي للجميع وحرف التاء

تعال وشوف حالي وانا بيا حال
ولو اكو غيرك دواء ما اكللك تعال

وحرف التاء ابوذيه اعتز بيها
ترف يبقى حبيبي دوم ....ميسان
مرتوي بماي العماره ووفا ميسان
صفيت بردتك يهواي....... ميسان
جيف انك من طحت مسألت بيه
تحياتي
والمايعرف معاني الجناس يكول اشرحله...
حرف الثاء

ثوب الحب اجمل ما ارى......والك دار
ومحبتك زالت همومي......والك دار
الك حبي انتصب يا اسمر..والك دار
بكلبي ولا لغيرك سكن فيه

حرف الـ أ

أسیرالنفس خایف من هواهه
شبع واحد الدنیه من هواهه؟!
یاهو السمع وني منهواهه
مثل اهي العلیک ستعربیه
ع

هلابك يابعد روحي واسمـــــــه
بحلاتك ماشفت عمري واسمه
اذا بعدوك احط روحي واسمه
شلي بروحي اذا مو انت اليه
تحياتي لحبايبي
--و--

وايـتـام صـدق يكمل بدر دنياي وايتام
و صـدق يـبـقـه بيميني السيف و يتام
عـفـت عـيـله بلهيب العطش و أيتام
تـحـن و الـنـار بـحـشـاها سريه

حرف الشين

أخواني الاعزاء...خاصه أبونرجس الحلي رجاءا ألتفتوا لوزن الابوذيه لان ضبط الوزن مهم جدا مع تمنياتي للجميع بدوام الموفقيه

الاخ حميد الشيباني شكرا لك وياريت تو ضحلي الاخطاء لاني هاوي للشعر ولست شاعر ويمكن محادثتي على الايميل التالي saad_lsdn@yahoo.com او رقم الهاتف التالي 07801429945 مع الاعتذار

جعلت حرف العین البدایه والاخ ابولیث بده ابحرف الهاء ههههههههه وینک خوي

ثعلب من تصيري انتي واللحايه
حاجت شوفتج عندي واللحايه
الشوارب بيض صارن واللحايه
وحبج بالكلب باقي شلون بيه

تحياتي لاحبابي وانشاء الله تعجبكم كتاباتي
حبيبي الغالي أبونرجس...السلام عليكم..أنه خادمك وماكلك أنه شاعر..بس أعرض هذا البيت على أي شاعروشوف..وأنه ماأعرف عروض الشعرصدكني بس أحنه ربينه في بيئة شعربالنجف فصارت عدنه أذن موسيقيه..هذا البيت بس الشطر الثالث مضبوط...مع اعتذاري وتقبل خالص احترامي ومودتي:66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46)::66 (46):

تحياتي وسلامي لجميع احبابي المشاركين ونكمل مع سارة حب وحرف الشين


شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه


حرف الخاء

خلي عيونج بعيني 00 يعيني
فراكج يمرد بروحي 00يعيني00يتعبني
ريت ابوج بس مره 00يعيني00يعرف بيه
جا زفاج من باجر اليه
تحياتي لكل حبايبي

تحياتي وسلامي لجميع احبابي المشاركين ونكمل مع سارة حب وحرف الشين


شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه



حرف الخاء

یجل القارء
خایب لیش ریجي مر مریته
ابعسل مایوم مره مر مریته
یاریت ایکون شخصک مرمه ریته
ولا حارس یصد الهدف لیه
ههههههههه
حرف الزاء

زغيراعله الهموم الكلب ونتاه@هجرته وكثرت ياصاح ونتاه@مروتك ياحبيبي عكلي ونتاه؟@يردعكلي اذا رديت اليه...مع تحياتي...حرف الذال

الله عليك ياشيباني وحرف الذال

ذلولي عليك ناحل ......ما بغيره
وسليم الذات اوده ......ما بغيره
صديـجك لو لكيته ......ما بغيره
بجف ارماد بيعه لو تهيه


حرف ظ

***حياك الله اخت فتونه وحرف الظاد***


ظليت انتظرجيتك00ولاجيت00
روحي تمرمرت منك0ولاجت00
طفح كيلي خلص صبري0ولجت
دموعي بطرف عيني شلون بيه

تحياتي لحبايبي

غالينا العزيز ما مخلي حرف بس ولايهمكم احط حرف لعيونكم
غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

حرف الـ م

مليح ابسحر نظراته يذبني..يذوبني@ابقوه جاذبه عنده يذبني..جذبني@ليش ابساعة الشده يذبني@انطيته الكلب جازاني ابرديه..مع تحياتي.....حرف الصاد

تحياتي لك ياشيباني وسلامي للجميع


صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه

حرف الزاء

زين الوكت يدري اني مالن--مالين
صبرت الصبر صاح الداد مالن--مل
حبيبي بيوم شاف حمولي مالـــــــــن
الهن خله ظهره اصبح تجيــــــــــــــه

تحياتي للغالين

زمان ايام راحاتي فتني@اهمومي سحنن كليبي فتني@شعر فتونه ياعالم فتني@شعر مملوح كله جاذبيه@تحياتي لكل فراتي...حرف الميم

أنه أعتذر أبوالليث لأن من كتبت الابوذيه مشاركتك ماظهرت عندي فبديت بحرف الزاء....مشوها النه هالمره...تحياتي للجميع

وردة ياشيباني وابوذياتك روعة وتحياتي لابو الليث للتواصل وردوده الرائعة

وحرف الميم يكول

مو عن طمع جيتك وانحبيت
سعيت ازحوف اجي لگبرك وانحبيت
جرت لحبك ادموعي وانـحبيت
اون وابچي على فراكك عليه

حرف الباء


مع تحياتي للجميع

[quote=حميدالشيباني;1083343]أنه أعتذر أبوالليث لأن من كتبت الابوذيه مشاركتك ماظهرت عندي فبديت بحرف الزاء....مشوها النه هالمره...تحياتي للجميع


تحياتي لك اخي العزيز
مسرور بمشاركتك معنا
خلصنه من فاتن مدري منين اجيب
هاي الابو ذيه00فارغه00ههههههههههههه
اسعدتنا بمرورك الكريم اخا عزيزا مع هذه العائله الكريمه عائلة الفرات

شكرا لك

تقبل اخوتي

بلاني الله بحبيب الروح عنده
روحي تجر بيه الروح عنده
العسل شفة حبيبي الراح عنده
جمعهن ربي كلهن بين اديه

تحياتي لاخوتي وحبايبي

--ه--

السلام عليكم وحرف الهاء لابو الليث الليثي


هله بالي بوداده انكشف .......ستراي
وحوبه الجان الي وياك........ستراي
اجانه بالظلام ايريد............ستراي
انفضحنه ابنور خده اليشع ضيه



حرف الجيم

000يسلمون اخواني وحبايبي000

جمالك مله عيوني وروحي عـــزه
صرت انته فخره وانته عـــزه
اذا معتاز خوتك وانته عـــــزه
ضل يمي ولا تبعد عليه

--و--

الله الله ياابو اليث وحرف الواو

وينه المن كلب ولسان ودلي



وسولف ضيم كلبي اعليه ودلي



ابعلات الماي احفر بير ودلي



حكمك لوحكم ربي عليه



حرف الثاء

ثواني ما احمل فراكك ولحظه
ومثلك ما اظن الكه ولا احظه
كتلني بسهم عينه ولحظه
رماني وقيد افكاري وديه

حرف الثاء

ثكل حملي0 لحبيبي يخف وزنه
مثل همك بكلبي وزاد وزنــــــه
اذا مره اجه الشيطان وزنـــــــه
نكف وارواحنه اتسولف سويه

تحيتي الى اختي العزيزه
فتونـــــــــــــــــــــــــــــه

---س---

وصلت تحيتك ياخويه الغالي ابو الليث والف هلا ومرحبا بالمشهداني

وحرف السين نكله لابو الليث

سن سيفه الدهر بحشاي سنتين

قصير هجرك تكول هي سنتين

خلصت الرصيد بطرك سنتين

ددك مسكول عاد وحن عليه


حلوه مووووو ههههههه

مع تحياتي يالغاليين عليه

حرف ن

نون ونت الغميج اصواب مانام
لان عايش بعزه وشرف مانم
يضل تقديري الج منقوص ماني ام
ابد ماينحسب فضلج عليه
تحيتي لاختي العزيزه فاتن
ولكل الاخوه الغالين


--م--

مريض وصعد مرضي على
اشفاي
وطب لندن بعد ما يكدر على
اشفاي
حبيبي من تحط شفتك على
اشفاي
اطيب وكل مرض مايبقه بيه

حرف العين

عليمن تمرد ابكلبي 0يروحي
عليك الله ارحم بوصلك0ي روحي
جروحي اكثار لتزيد0يروحي
لو تنصفني لو تعطف عليه

000تحياتي000
00و00

وحگ ام الكرم والطيب حديثه
اريد اكابل المحبوب واسمع حديثه
اريد اعرف قديم اخباره وحديثه
وبلياه الزمن ناعور ودار بيه

حرف التاء

مع سلامي ومودتي للجميع

الاخت فاتن المحترمه
اعتقد جناس البيت الاول يختلف
عن الباقي
تقبلي مروري

تلاويني عليك الروح مرات
تريد اتبوس الخدين مرات
اكله اصبري هسه ايام مرات
باجر ربي يفرجه عليه

تحياتي للاخوه الغالين
000000000
--ر--

ربينه اعلى حبك احنه علينـه
نصيح بشده لـوطحنه علينه
يا عراق جـارت الدنيـا علينه
ورمتنه بـدار غربه واجـنبيه


حرف الالف

مع تحياتي

وشكرا للاخ محمد على الملاحظة
ومنكم نستفيد

الك فدوه حبيبي الروح تنـــدار
محبتي الك بالكونين تنــــــــدر
بكلب محبوبي ريت النار تندار
واراوي بالجره والصار بيــــه


تحياتي لحبايبي


--س--

سمعت ياحبيبي من عدكم هلاهل

فرحت وفرحتي صاغت هلاهل

قالولي عرس حبك يا بو الهلاهل

قلت جم ادوب اقولن مو اليه


حرف اللام

مع شكري وسلامي ياابو الليث

غلط بسنين عمري الكال فاتن
شوغاتي عليجن صخر فاتن
تدلع عليه اليوم فاتن
وانه رويحتي كلش طريه

الاخت العزيزه فتونــــــــــــــــــــه
نسائنه راح ايطلكنه وانتي السبب
عاد انتي تحضري حتى تخطبينه
اني والحلي00000
ههههههههههههههههه


حبيبي اسمعت من عدكم هلاهل
فرحت وفرحتي انصاغت هلاهل
كالولي عرس حبك هلاهـــــــــل
كلت ياربي يمته ايصير اليه
0000000
وهذا حرف اللام لفتونه
0000000000
لون تدرين البكلبي يفتــــــــون
عشر ظلام بظلوعي يفتـــــــــون
راح احتكم عد عشره الي يفتون
اريد يرجعون الحك اليــــــــــــــه
00000

عساكم بخير ياخويه ابو الليث وشكرا يالغالي

بس ماطلبت باي حرف تريد تكون الابوذية

وهاي لعيونك الابوذية

اذا لجلك فديت الروح مندم
وعليك العين تبجي وتصب مندم
واذا عمري انكظى وياك مندم
لان طبعك حلو ونفسك ابيه

مع تحياتي

وحرف الزاء

زماني بيك باليني ولا اخــــــــــــــاف
لبنه ظل على حطته ولا خــــــــــــف
اصيح انتي ضوه عيوني ولا اخف
اريدج مثلي اشوفج مو رخيــــــــــه


0000000000000000000
تحياتي
--س--

شلونكم حبايب كلبي وحرف السين

سلت وانسلت وانسَلّت وسلها
الهجر للروح مرمرها وسلها
انا البالع الشوكه وسِلها
ان صحت ويلاه وان اسكت اذيه


مع تحياتي

حرف الغين

غلاتج ضيعت خوفي ولا اخاف
صرت مفضوح بودادج ولا اخاف
كل يوم ارتجي ينقص ولا خف
طفح كيلي انفضحت اشلون بيه
000000000
تحياتي لحبايبي
--ع--

يمته الدهر يا ولفي يلمنه
ودرب ما ننطي للعاذل يلمنه
اموت وبيك اتحايه يلمنه
يمن وصلك يرد الروح بيه

اشكركم على هذا الطرح الجميل دمتم بالف خير

شكرا لمشاركتك يامحمد ابوذية جميلة ولكن لازم تنطي ابوذية بحرف العين كما طلب ابو الليث تحياتي لك ياغالي

وارد على ابو الليث بعرف العين


عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه

حرف القاف

مع تحياتي للجميع

قليل اللي يفكر بيك متريـــــــــــد
العمر ايامه من اتروح متـــــــرد
بعمرك هم سمعت الراح مت رد
عمرنه انظيعه والحسره خفيـــــه

تحياتي

--م--

الله عليك ياابو الليث ياراقي والك حرف الميم


مر ه ولفي ايهبتني ومــره هبته
ومره أوصلت يمه ومـــره هبته
طحت مكَدر يصاحب مــن رهبته
ألأسد يخسى الاسد ملكَاه اليه


الي بعدي حرف الباء


مع تحياتي للجميع

بعيد الدرب بس اليمشي يوصل
شعاع من القلب للقلب يوصل
اذا افه بطريقك اجي يوصــــل
مناعه انته الي متذرني حيــه
00000000
مناعه صار الي حبك يقينـــــــــــي
اضن ماصادفت مثلك يقينــــــــــــي
حبيبي انت وضوه عيوني و يقيني
اردن شاب لو تعطف عليـــــــــــــه
000000000000000
اردن شاب لو مره تجينــــــــــي
خليتي انت ونواتي وانت جيني
انسي مره اشوفك مره جينــــــي
لانك مردت روحي عليــــــــــــــــه
0000000000000000
روحي بعد ماتسمع كلامـــــــــــي
صرت تايه بافكاري كاالامـــــــي
حبك ماشفت مثله كاامــــــــــــــي
تودعني وتضل تبجي عليــــــــــه
000000000000
تامرين فتـــــــــــــــــــونه
--س--

الله الله ياابو الليث وحرف السين اكلك بيه

سكاره احنه ابهوه شوكه......وصحنه
جره دمعي وجرح خدي......وصحنه
غركنه من الدمع صاحوا.....وصحنه
احتركنه وناركم عمت عليه



حرف الثاء

مع تحياتي

اهلا فتونــــــــــــــــــــــــــه
تسلميـــــــــــــــــــــــــــــــن
0000000000000000

حرف الثاء
0000000
ثلمتي الروح وانتي تعدليه
نص منه اخذتي عيدي ليه
حياتي من اشوفج عيد اليه
شوكت كلبج يحن مره عليه
00000000
شوكت كلبج يحن ياعيني انتي
حبج ذوباني وفوكه انتــــــــــــي
مصيري وقسمتي اتعلكت بnt
شوكت تفتح ونتكاتب سويــــــــه
000000000
شوكت تفتح يبعد العين وتمر
بفراكك حياتي اتضيك وتمـــر
اذا بينت كله تهون وتمـــــرا
واذا ماجيت ظلمه اظل عليـــه
000000000000
مع تحياتي لفتونـــــــــــــــــــــــــه

ابادل مثل كلمن ماهوانه
ونتك موت تكتل ماهوانه
تدري انه بغيابك ماهوانه
تعال وياي خن ندور عليه

الله الله يامحلى كلامكم بس وين الحرف حتى ارد عليكم ممنونه من ابو الليث ومحمد

وهديه مني هاي الابوذية


على صدري رمح يندك وشم بي
وذوبن واحضنة ابجفي وشم بي
بس ليل الله عبالي وشم بي
شعرك بي وشم من ذني ايدية

الي بعدي حرف التاء

مع سلامي واحلى تحية

صح امشي ولكن اني ميت
واتاني شكدولكن ليش ما ييت
بلايه حساب كلبي همومه ميت
شعدهن والمصايب جرن بيه

حرف الثاء

تسلمين فتونه على هاي الفكره الجميله

ابو جاسم حبيبي قبلك فتونه شوغت كلبه بالثاء
وهسه انته عدته مره ثانيه
ولا يهمك
تحيه الك ولفتونه


ثلث الليل مانامه وحسبـــــــــه
خيالك جاعد بصفي واحس به
حسبه تفرح كليبي وحسبـــــــه
تضيج خاطري وتعم عليـــــــــه
0000000000000
تحياتي

حرف--و--

والله احترت شكتبلك وشرد لك
لأن الشعـر هـج مني وشرد لك
ولو تعطيني خمسـميه وشرد لك
أطيرها ولا أرد لك بقيــه

شكرا لمشاركتك ياابو جواد وهله ومرحبا بيك بموضوعنا

وحيا الله شاعرنا الغالي محمد وابو الليث وراح اكتب هاي الابوذية

سألت الروح عن شوق مضى وراح

بالقلب أناته ليالي تلجم جراح

ياروحي ونينج ابد ما راح

لان قلبج حنين وما بي اذيه


الي بعدي حرف الشين

شكرا لمشاركتك ياابو جواد وهله ومرحبا بيك بموضوعنا



وحيا الله شاعرنا الغالي محمد وابو الليث وراح اكتب هاي الابوذية


سألت الروح عن شوق مضى وراح


بالقلب أناته ليالي تلجم جراح


ياروحي ونينج ابد ما راح


لان قلبج حنين وما بي اذيه



الي بعدي حرف الشين

فتونه غيري المو ابوذيه 000تره اكتب بمكانج

[quote=فاتن وهيب;1085894]
شكرا لمشاركتك ياابو جواد وهله ومرحبا بيك بموضوعنا




الغالية فاتن وهيب شكرا جزيلا للترحيب أسعدني كثيرا الانضمام


شـوق الكلب الوداني لعدكم
بدون أسماء ولا حاجة لعدكم
بحسـن ظـنكم أخـواني لعدكم
أكون الاخو واشكركم سويـه

ونكول مرة ثانية كل الهلا بيك ومنور الموضوع وراح نعتبر المطلوب حرف الهاء

لان اخونا ابو جواد ماطالب الحرف الي يريده

هله يمضرب اشكر بسمراني
وشل جسمي جماله بس مراني
حجه ودري بكلامه بس مراني
يحاجي بروحه بس يقصد عليه



الي بعدي حرف ض

مع كل الود لجميع المشاركين بالمطاردة

ظلمني الحبه كلبي وراح عني
بعده اصبح انيسي راح عني
كثر وني فضحني وراحه عني
منعو حتى دمعاتي عليه
0000000
تحياتي لاحبابي

--ص--

صباح الخير يالمملوحة ورده
أظن الحال مثل بعضه ورده
واذا محتاجــه مني هم اورده
أصدر لج هموم ابلا جزيـه

.. ط ..

شكرا ياابو جواد تكفه خلي همومك الك مانقصين هموم هههههههههههه

وحرف الطاء اكلك بيه

طيفك ردته يلوح بيوم مالاح
وطعم فركاك صار هواي مالح
بعد مادز رساله وابد مالح
لان كلما ادز مترد عليه


الي بعدي حرف ع

مع تحياتي

تحياتي الك اختي فتونــــــــــــــــــــــــــــه
تحيتي لكل اخوتي الكرام الذين رفدوا هذه المطارده
بكل جميل0000
سلمكم الله جميعا
00000000000
حرف العين من فاتن
عليمن تمرد بكلبي ولك حـــــــــــل
والك عين تحظر حزني ولك حــال
عفت بيض وسمر لجلك ولكحـــال
تالي تكبرت يشكر عليــــــــــــــه
00000000000000000
--ك--

هلا وغلا ياابو الليث وحرف الكاف


كلب شفاف كلبي وانت مرمر



انا بلياك حتى الماي مرمر

عجب يرضيك يا خلي اتمرمر

هلي والناس والدنيا عليه

والي بعدي حرف الياء

مع سلامي للجميع

اهلا فتونــــــــــــــــــــــــــــــــــــــــه
0000000000000000000



يمر طيفك عليه بيومي مرات
مره الحك ابوسك تمشي مرات
من غيرك حبيبي ايامي مرات
دخيلك حنن كليبك عليه


00000000000
دخيلك حنن كليبك يروحــــــي
هواي بلا عدد صارن يروحــي
اريد اتقرري اتجيني يو روحي
حتى السهر مل جيته عليـــــه
000000000000000


مل السهر من عيني تبـــره
ونيني اثر بجبدي تبــــــــره
صرت مثل الاله عمه تبره
رضاه من رضى بته عليه
00000000
الك وللاخوان تحياتي الخالصه

عجوز وطـاعن بسنك وناحل
بسيطــة قول حل عني وناحل
علاجك عندي ياظـالم وناحل
لكل اشــروط تمليهـا عليـَّه
:
تحياتي
- ل -

السلام عليكم حرف اللام

لويت الدهر مافديوم حنيت

وديا من دموع العين حنيت

ييمه وداعتج هاليوم حنيت

اوشلت نار الدمع بجفوف ايديه

الي بعدي حرف الف مع تحياتي

سلام عليكم عيني فتونــــــــــــــــــــــــــــــه
تدللين



انتي نور عيني وانتي روحـــــــي
كتبت اسمج بكلبي وانتي روحي
مدام الليل صرتي وانتي روحــــي
وانتي دنيتي الشحت عليــــــــــــه
0000000000000000
تحياتي
**ك**

بعدني بحيلي تدري الحيل ما رك
وازاعل روحي صدك يوم ما راك
شعليك انته الدهر ها ركني ما رك
الاهم يمك اكون وهاي هيـــــــــــه

تحياتي
حرف الام

حماده عيني حرف الكاف مو الباء ليش خويه تزاغل علينا هههههههههه

ونجاوب ابو الليث حرف الكاف

كون القاك ياعمري المضى عني بونه

اقولن راح وقتي وزماني وصفى ونه

يالحبك بشغاف حشاي والروح ونه

انتظرك تجي وتحن عليه

ونجاوب ابو جاسم ونكول لحرف اللام

ليالي مضت يا عمري بلاياك

وحشة ..وغربة الدنيا بلاياك

كل الناس صاحت من بلا ياك

بس قلبي رجيج و مو بيديه



مع تحياتي للجميع وارجو الانتباه والرد بالحرف المطلوب والي يغلط

هاي المرة نسوي عليه فصل ديربالكم

الحرف الي بعدي الزاء

السلام عليكم حبايبي
فتونه والحميداوي
000000
وهذا حرف الزاي

زهه عمري حبيبي بيوم شفتـــــــك
امنيتي ارشف عسل من طرف شفتك
وكع مني اسالتني الناس شفتـــــــــك
انفك كلبي اوكع مابين اديه
000000

مساء الخير والسرور على حبايبي الطيبين

ذكرنا وكلنا يجب كتابه الحرف المطلوب ونكول

لابو الليث المبدع عاشت ايدك على الابوذية الرائعة

بس عليك صار فصل ؟؟؟؟؟؟؟؟؟؟؟


تشوف همومي ب عيونك و ترها

وتغيب و تقطع بروحي...... وترها

يرهيك الوقت يسمر ..........وترها

وتصير إنت أبو الراهي .....عليّه


مع تحياتي للجميع

الحرف الي بعدي الدال

السلام عليكم000
والله فتونه من حقك بس صدكي اربع مرات
اكتب مشاركه وقبل تثبيته تنقطع الكهرباء
وتروح المشاركه00واني اكتب مباشره على الشاشه
وانسى شنهو كتبت واعود من جديد00
الظاهر كنت مستعجل فالعتب مو عليه 000على الساسه
الذي اصبح لهم عقد من احتلالهم البلد ولم يامنو 5% من الكهرباء


تقبلي اعتذاري
تحياتي للجميع


دلالج خله عندي الصعب جاري
وحبج صار بالدلال جــــــــــــاري
لعيونج نسيت اهلي وجـــــــــاري
وانتي محرمه جيتج عليــــــــــــــه


00000000000
---م---
تحياتي

على الراس ياابو الليث عذرك مقبول بس اريد اكلك

لاتخلي عتبك ولومك على الساسه
خلي عتبك ولومك على مايعرف اساسه

والك يالغالي علينا حرف الميم

مايوم كلبي الوفي ينسه صاحبه
هنياله كلمن صاحبك وانت صرت صاحبه
شما طال بيه الوكت يبقى الوفى لصاحبه
وتبقى انت اغلى واعز الناس اليه

الي بعدي حرف ف

مع سلامي للجميع

ولا يهمك اختي العزيزه فتونه
كل الاشياء مصيرها الى الزوال
0000000000000
وهذا حرف الفاء

فات الوكت واني وياك فتنه
وربك خله بيك الحسن فتنه
كبل كالو حسن من عشك فتنه
انطاه الروح وانته الروح اليه
000000000
تحياتي
==ك==

كلمه انته حبيبي وشعر والهام

صرت اطحن صبر بجفاك ولهام
كطع شريان كلبي الحزن والهام
يمص دمي ويذبه اعله الوطيه

--م--

محبتك كهربتني شارة بيها




وحجة كلبي ويه عقلي شارة بيها




محبتك كأنها سيد شارة بيها




على غيرك باوعت شورت بيه




مع تحياتي

الي بعدي حرف الهاء

هويته وعجب شخصه ما هواني
ما حزني ودمعتي ما هوانــــــي
عله اني ادور ما هو انـــــــــــي
لكيتك انته اني وروح بـــــــــيه
-----ي-------
مع تحياتي

يهيم الكلب لجلك واني احبك

وبكثر دكات كلبك اني احبك

اسكت الناس واصرخ اني احبك

احبك حيل يل مبعد عليه


مع تحياتي حرف الحاء

تحياتي

حبيبي ليش بعدك طال عني
الناس اجزعت مني وزاد عني
اجيتك حافي عالرجلين عني
بلكي اشوفني وتعطف عليه

---ق---

^u^
((()))


ماشاء الله الكل مبدع هنا



قصيـد الحـزن يل مملوح وجناس
جـمال العـين يجنني وجـن ناس
وجن تفاح شامي مووجن ناس!
يربِّ اشلون حالي الصار بيــه

_ س _

سمارك باك كلبي وخذ روحي
يدنيا شبيج مره بعيد روحي
اكل للعين يم هواي روحي
وابجي ابابه بلكي يحن عليه
--ي---
مع كل حبي وتقديري للجميع تحياتي

يزين الدمع يرخص الك واهله

وكلبي لاتظن ينساك واهله

اريد انخه ابو السجاد واهله

يحفظك يااعز الناس اليه

حرف الباء

مع تحياتي

السلام عليكم
تحياتي لحبايبي فتونــــــــــه وابوجاسم
ولكل الاخوان المشاركين معنا
0000000000000000
وهذا حرف الباء

بلاني بحبه ولفي ودمرانــــــــــــــي
بكعدتي وحلمي اشوفه دوم ارا اني
على بابه مسوي دربي دوم امر اني
وهو نشد ماينشد عليــــــــــــــــــــه
000000000000000
راح اعوفه احس تعبني
هههههههههه
مع تحياتي الى اخوتي

تحياتي لابو الليث وارد عليه
دوم انشد عليك الراح والرد
الوفه منك نبع والطيب ورد
ردت منك جواب الهاي والرد
اعز الناس مايسال عليه



وماريدك تتعب انت الي محلي المطاردة


سلامي للجميع

السلام عليكم
ابد مااعوفك فتونــــــــــــــــــــــــــــــــــــــــــــــ ـــــــــــــه
الا بعد متدخلين للمنتدى
اها لزمتك هسه انتي مطروده
وين الحرف
000000
ولايهمك
اختي العزيزه
00000
ماعوفج لاخر نفس بالروح
لان حبج حفر نهران بالروح
اروح وياج لو للقمربل روح
انتي الروح وانتي النفس بيه


تحياتي الك ولكل اخواني
0000000000000
--ر--

محال ابهاالزمان العدل ياصاح@يصاح امنين اجيب البخت ياصاح@أشوللغيرحتى الغلط ياصاح@واشوصحنه غلط والبيك بيه...أتمنى أن أكون بمستوى المطارده الشعريه...أختي العزيزه فاتن جناس البيت الاول يختلف عن الثاني والثالث أعتقدمامنتبهه مو؟مع تحياتي

روى الزيتون من دمعي ولاراك
ولغيرك مانحل جسمي ولاراك
اخاف تطول غيبتكم ولاراك
وعند وصلك تدانيني المنية

مما راق لي
تحياتي للجميع

صباح الخير على الجميع

وشكرا للمشاركة الجميله يااميرة الروح بس المرة الثانية خلينه الحرف المطلوب تحياتي لك ياغاليه

وترحيب بك

شفت الزمن يضحك من سرورة

وقلبي عليك اعلن من سرورة

انه طبع الفرح جاني من سرورة

لان انتي الفرح بالنســـبة ليــــة




وسلامات

الي بعدي حرف التاء

وهاي لخاطرعيونج يافاتن




تــراك انتـه لهـاي الــروح حسبه
وقـت اللي قضــيته وياك حسبه
مزاجك لعب بالأعصاب حسبه
متى الايام تجمعنه سويه ؟!
- هـ -

هلة باللي بودادة انكشف ستراي
وحوبة الجان الي وياك ستراي
اجانة بالظلام يريد ستراي
انفضحنة بنور خدة اليشع ضيه


حرف (ع)

السلام عليكم الاقتراح جيد لاكن مافهمت المطلوب من المطارده هل هيه على المعنى او الحروف او الجناس الابوذيه على العموم تقبلو مني هاذا البيت

زماني بعد ماودله وحبله
خبيث وكصر بوصله وحبله
صرت عاقر والي اشريجه وحبله
تنست واني الاخدمه بديه

الاخت العزيزة استبرق ارجو الرجوع الى اول الموضوع وقرائته بدقه

نحن في مطاردة شعريه بالابوذية ونرجوا الالتزام بالموضوع مع كل الحب

الف هلا بيك ومراحبتين اخي المتنبي موضوعنا بالمطاردة على الحرف الذي يطلبه منك العضو المشارك

القبلك مثلا الاخت اميرة الروح طلبت حرف العين لازم ترد بابوذية تبدا بحرف العين وبعد ان ترد عليها بدورك

تتطلب الحرف الذي تريد ه

وراح ارد على الاخت اميرة الروح بالابوذية

عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه

الي بعدي حرف الثاء

مع شكري لجميع المشاركين

ثمر منك الم شكثر وثمار
وانه الما عليت بمال وثمار
كل يوم اشوفنك حلو وثمر
من تجي كلك بين اديه


حرف
الجيم

تحيتي للجميع

منور الموضوع ياكبرياء رجل وكل الهلا والغلا بيك


وحرف الجيم تدلل انت بيه واكلك



جمر شوكك حبيبي الروح شاطي


وحرت شهديلك انا الكلي شاطي


نهر حب انه وانته اصير شاطي


واذا متنه يموت الحب سويه ...



شكرا للجميع


والي بعدي حرف الحاء

حكم سيفك الغـــــدار.......حكمه
ابكلبي وما بقت للصبر....حكمه
كل اللي توله جار .......حكمه
انه عاشك وحكمك جار بيه

حرف(الباء)

شكرا الج ياغالية والج حرف الباء


بعد لاتظن اراسلهم وصلهم
بسبب لن جان قطعو وصلهم
ارخصك هل العاذل وصلهم
انتهيت بعد لايمرون بيه


الي يعدي حرف النون

تحياتي لكم اخوتي الكرام

نص العمر يالغالي الــــــــــك راح
ونص الجاي افرشنه الــــــك راح
الك كاسي وهمس ليلي والك راح
كلهن بس تحن ليله عليــــــــــــــه

خالص تحياتي
--ق--

هلا والله ابو الليث مراحب

وحرف القاف يكول

قدر مكتوب حبك وانتة قسمة
الواحد مالة ناتج من تقسمة
لون بسيوف كلبي من تقسمة
دشوف معزتك شنو امسوية بية

سلامي

الي بعدي حرف الذال

ذبــل غصـن المحبـه ومـال
وانه المادورت منصب ومال
احجي واصيحن ورد اسكت ومل
بسبب نفس الصوت يرد عليه
بقلمي


الحرف الكاف


تحياتي

كلبي تداين قلم و ورقة منك
لان ماكو بجماك ورأقة منك
اسجلنك انتة الاول ورقمنك
واكتب لافتة محجوز الية

شكرا الك ياكبرياء رجل ولمشاركتك الجميله

الي بعدي حرف العين

عطاشة شوك لاكن صد روينه
يدنيه شطال حكمج صدري وينه
الطم صدري ماكو صدري وينه
انكسر وجه الكلب من دك اديه
البعده نون

شكرا لك على المشاركة يامتنبي واهلا وسهلا بيك منور الموضوع


والك حرف النون


نظيف اوداخلي صافي ولبي
گبل ماانخي افزع ولبي
الرئيسي ولااصل انه ولبي
اليدور علوفه خل يمر بيه


الي بعدي حرف الغين

مع سلامي للجميع

اهلا اختي العزيزه فتونه وتكرمين

غلاتك عندي مااعادله بالكون
واتمنى لقائي وياك بالكـــــــن
اذا ترهم وحصلك صدك بالكون
بروحي افديك بس اصير اليه

تحياتي لكل اخوتي الاعزاء
--س--

شكرا الك ياابو الليث وحرف السين

سهام هوای طگنی ولاحن
ولامرة انکسر گلبك ولاحن
آغنی لجلك وارگص ولاحن
لان حب وحنان یصیر بِية

حرف ج

مع تحياتي

اهلا فتــــــــــــــــــــــــــــــــــــــــونه
0000000000000000
جمالك ياحبيبي حور جنات
روحي اتعلكت بهواك جنات
تدري طلع مني بيك جينات
اختلقنه اثنينه ابمصنع سويه

تحياتي لاخوتي الاعزاء

--ك--

مراحب ياابو الليث عساك دوم بخير

كل يوم انه اتعنه الك وصل بيك...
عنادك وين يبنادم وصل بيك...
حبيبي وشايل بجيبي وصل بيك...
وبيك باجر ينطوني هوية


الي بعدي الف

وسلامات

ياهلا وغلا فتونــــــــــــــــــــــــــــــــه
تحياتي الك ولاخواني الكرام

امرن بيك وانته ليش ماجيت
الدنيه عليه يوم تغيب ماجت
شلي بالناس وانته بعيد مجيت
بس انته تضل كافي عليه


--و--

حرف الواو يالغالي علينا

وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه



مع سلامي حرف الصاد

هلا وغلا باختي فتونـــــــــــــــــــــــــــــه
وبجميع اخواني وحبايبي
000000000000
صدك تحجين يالعندج حياتــــي
حبج نور لعيوني حياتــــــــــي
اترجه الباري اذا ميت حي اتي
من اشوفج عمري كله ايرد اليه
000000000000000000

تحياتي
وياربي اعماركم على الف سنه
بالخير والصحه والامان
00000000000000

مراحب ابو الليث انت مامخلي الحرف لذلك راح ارد بكيفي ؟؟

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

الي بعدي حرف ل

مع تحياتي

ياهلا يفتونــــــــــــــــــــــــــــــــــــه
تحياتي الك ولكل حبايبي
000000000000
لون بيه باب دلالي واراويج
واحجي الحب البكلبي وارويج
دمعي يروي بستانج وارويج
بغيابج تظلم الدنيه عليــــــه
000000000000
--ك--
تحياتي

الله الله الله ياابو الليث عشت والله ياروعة

وارد عليك بالكاف


الكلب معلول ومأيس من شفاه
وعلى خدودي الدمع جاري من شفاه
على الراح وحرم شفتي من شفاه
وكطع حته بحلم ما مر عليه

________ ط ________



مع تحياتي

طريدك لا تطن ياوي......لجنه
انذهل وانياب هجرانك ....لجنه
شمس شبهك انصفها.......لجنه
الك ما انصفك بين البريه


(حرف الدال)

هلا وكل الهلا باميرة الروح منورة والله

دكافي من البعد يا ترف بس بس
ومنو لبذنك على الهجران بس بس
كبل تركض تجي لو كلت بس بس
شجاك شغيرك هسه عليه

الي بعدي حرف الخاء

مع تحياتي

وحق الانزل القران بايات:66 (46):
بوسط كلبي الحزن بجفاك بايات:66 (46):
على صدري كسبت بلنوح بايات:66 (46):
و خذت ممتاز بلونه الخفيه:66 (46):

تحياتي للجميع و(سلامتكم) بقلمي

خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه

هلا بيج أكثر حبيبتي فتونة
حرف(الالف)

العقل داخ بغرامك وك ولع بيك
وجان ارماد كلبي وك ولع بيك
سوي أشما تسوي وك ولع بيك
ولا كلك شنو السويته بيه
تحياتي
....ل...

بعد اميرة الروح0000000
تسلمين والله يسلم ايدك000
وراح انظمك لعائلة المطاردات000
شمري عن سواعدك000
تكرمين وهذا حرف- الالف-
****************
انته الروح وانته الاكل والماي
رهم حبك علي بالفيت والماي
نسيت وياك كل التعب والماي
هدية ربي انته اهداها اليــــــه
******************


حبايبي محمد وفتونه تحياتي لكم يالغالين
###########
--ع--

كل الهلا بيك ياشويلي منور الموضوع وزادنه شرف

لمشاركتك معنا والمفروض ابو الليث يرد على اللام وليس على الف

وراح ارد لشاعرنا المحبوب عقيل بحرف اللام ونكوله


لاجل عينك اصير رماد وانذر
ولشوفتك اطش جكليت وانذر
اذا فد يوم اصيرن حكم وانذر
اشيل احمر طرد مو بيك بيه


وهسه نرجع لابو الليث وحرف العين حتى مانخربط المطاردة ونكوله

عشرتك روحي صدك ماتملهه
وكلبي ايام سعدك ماتملهه
اريد انصب الروحي ماتم الهه
واشوفك هم تجي وتبجي عليه



والي بعدي حرف ث

مع تحياتي

ثدي الحب يبس ما در ......والك دار
ومحبتك زالت همومي......والك دار
الك عرش انتصب يا اسمر..والك دار
بكلبي ولا لغيرك سكن هيه


حرف (اللام)

منك ما شبع كلبي ولا مل
حيث انته العمر كله ولامل
حملي عليك تدريني ولامل
اذا ترفض مصيبه تصير بيه
----ل----
تحياتي الكم يا مبدعين

السلام عليكم
واني اكدر على زعل فتونــــــــــــــــه
وهذا حرف الثاء

ثكل حملي ودموع العين هلن
على القاسي الطبع وياي ها لن
بلكي ايامي ويه هواي هلــــــن
يحاجيني ويرد يعطف عليه

0000000
تحياتي لكل حبايبي


وهذا للاخت العزيزه اميره وحرف
اللام

لوين ايريد بيه الكت هاوين
مايجمعنه واحنه اثنين هاوين
علينه مرن الصعبات ها ون
ونخلص ايامنه الظلن سويه

--ه--

تسلمون حبايبي

همومي عبرن فوكك مشن طن طن
منهو الوش بذانك علي طن طن
افرح لو سمعت الجرص طن طن
اكول الولف حن ومر عليه

حرف (القاف)
تحياتي

تحياتي للجميع
لمعرفة قوة الابوذيه يجب تحديد موضوعها
وتطلب المشاركه.

سهامات اللحظ بحشاي فاتن:66 (46):
شدهن عكلي ولعند الكلب فاتن:66 (46):
صحيح انته جمالك حيل فاتن:66 (46):
تريض خاف من رب البريه:66 (6):

(وسلامتكم)

وهذا حرف القاف


قيد الاسر بالرجلين....... صكه
عدونه والهنا بالكاس.....صكه
انهضوا للعلا واكتبوا ....صكه
اوقع بيه تراني اعله المنبه

حرف(الذال)

سلامات للجميع وحرف الذال

ذوبن لو عيونك علي تنصاد
وشما اوصل لحي مسدود انصاد
اذا انت تعرف الناس تنصاد
اني الغشيمة شلون بيه


حرف الالف

حبيبتي وغاليتي فتونه تحياتي لكي وللجميع وهذا بحرف الالف

المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه

حرف (الواو)

وحك سورة برة وياسين ويهود
جفني ماينام الليل ويهود
صارت حاجتي يم كفر ويهود
لون اسلام جا حنو علية


مشكورة يالغالية والك اجمل سلام

حرف التاء

تظن يبره الجرح عكبك.....ويلتم
جفيت وبالحشى منـــك.....ويل تم
الثريا الها شمل سبعه......ويلتم
وانه واحد حبيبي وشح عليه

تحياتي للجميع

حرف(النون)

السلام عليكم اخواتي العزيزات

اتمنى من كل قلبي ان ارى ابداعكم

المسموع يكون ليس ذات فائده

امنياتي ان تالفو انتم من نظمكم

تحياتي للجميع

نارك ذوبت كلبي وسنـــــــــه
سهرت وطار من عيني وسنه
سجاجين الغدر وكتي وسنــــــه
ظلمني وشمت العدوان بيــــــــه

تحياتي لحبايبي

--ص--

مشكور اخونا ابو الليث الليثي وهاي ابوذية بحرف (ص)

صومي لليكول اهواك.......شفته
صبحت وارشفت من الترف..شفته
يكلي افطرت كتله البدر.....شفته
بجبينك حرم كل صومي علية

حرف(السين)

هله بالغالية اميرتي ويدلل الحلو والك حرف السين


سواك احبك ما احبك علارض سواك
وسبحانه الذي من طين سواك
بشر لاجن ويه الكمر ساواك
واحد فوك واحد ما بين ايديه


حرف الواو


وسلامي للي خالي مكانه

وحك كلمن علي امامه ....واميره
عذبني شكثر فاتن ..........واميره
حبيبي بصمغ لازكني.......واميره
انشلع شي اقراء منجن ابوذيه

حرف النون

وحك كلمن علي امامه واميره
تعبني شكثر فاتن .......واميره
حبيبي بصمغ لازكني واميره
انشلع شي اقرأء منجن ابوذيه

حرف النون

تحياتي لكم اخواتي العزيزات


تحياتي الك حبيبي محمد


فعلا انت غائب
الله يجعل المانع خير
000000000


وينك ياحبي الروح ها وين
الك روحي وبيابي العين هاوين
على جرف الحب وكفنه وبيه هاوين
كبل مانكع مر واعطف عليــــــــــــــــه
تحياتي
--ك--

مشكور ياابو الليث وحرف الكاف يكول

كلبي باع كل الربع وشراك
بودادك وحده ماخان وشراك
شراواني الوكت من ضيم وشراك
يهون من اذكر انته احزام اليه


حرف الشين

سهامات اللحظ بحشاي فاتن
اسلبن عقلي ولعند الكلب فاتن
صحيح انته جمالك حيل فاتن
تريض خاف من رب البريه

(تحياتي للجميع)

تحياتي غاليتي فتونة وللاخ ابو الليث الليثي وهاي بحرف الشين


شنهو السبب يا مدلول .......مرضيت
وابزعلك اللب احشاي ......مرضيت
الك عاشك انه وانجان......مرضيت
فؤادي اللي غصبته رده ليه

حرف (الفاء) حرف اسمك اخت فتونة

تحياتي لكم حبايبي وياربي يزيد الاخوان ويكثرهم

وهذا حرف الفاء

فتنتي الروح فتنه صدك فاتن
وليالي من العمر حلوات فاتن
اذا حبك نوه للكلب فاتـــــــــن
ارحمي ولا تعذبيني خطيــــــه

--ن--

حبيبتي اميرة الوردة شكرا الج ياغاليه وحرفي يكول


فكدت اضعونهم واصفج........بياداي
حلت وين ما ادري............بياداي
الكلب هيهات يســــــلاهم.....بياداي
ولا عيني تلذ بالنوم هيه


حرف (غ )

الظاهر جنه اني وابو الليث نحرر المشاركة تحياتي الك ياابو الليث

وحرف النون يكول


نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه


حرف (غ)

تحياتي الج فاتن والك يا ابو الليث اني وياكم نسيتوني هههههههههههههههه
غالي وانته وي روحي عدلهه
واذا مالت ولك جفك عدلهه
روحي تموت بس حبك عدلهه
لئن بيك الحياة اتحس بقيه
----ه---- تحياتي الكم واني اجيت مو تنسون

تحياتي الك اخي العزيز محمد0000
تحيه الك اختي العزيزه فاتن00الظاهر كنا نحرر مشاركه في نفس الوقت000
تحيه الك اختي اميره0000
تحيه لكل حبايبي000والله يسعد ايامكم جميعا00000

وهذا حرف الهاء

هله بمحبوبي البكلبي محله
العهد لاخر نفس بيه محله
من شفتك حله عمري محله
ظلمه بغيبتك كله عليه
0000000000
تحياتي

هبة ربي وهديته وانت منـــه
صرت شريان گلبي وانت منه
خل احنه نتأمل وانتمنــــــــه
نعيش احنه العمر كله سويه

حرف(التاء)

تحياتي للجميع

تحياتي لحبايبي000

وياهله ومرحبه بيكم0000

وحرف التاء

تراويني الليالي بيك مرات
تعذبني وتردلي بصلح مرات
هم مرن عليك ايام مـــــــرات
انتضرك والملامه تعصر بيه
0000000000000
تحياتي

تحياتي الك اخ ابو الليث الليثياتي لك اخونا الشاعر
تحياتي لكي اخت فاتن
تحياتي لك اخونا الشاعر محمد


جره دمعي على الوجنات.......ما دام
على ريم اليدير اقداح..........ما دام
حرام الزنا بالقران............ما دام
من التقبيل لا تبخل عليه
حرف (الميم)

تحياتي

شرد ما ادري ذهلني البيت مع تحياتي

احبابي واخواني واصدقائي اني قررت التوقف عن المشاركة وللاسباب التالية

1- لعدم الالتزام بقانون المطاردة

2- هناك ابوذيات تنعاد اكثر من مرة

3- والاهم من هذا كله هو اني احبكم جدا وماريد ازعلكم مني

لان مااحب اوجه اي تنبيه بالغلط بمشاركته واتمنى مايكون كلامي

ثقيل عليكم واتمنالكم قضاء وقت ممتع مع كل الاحترام والتقدير

للجميع مع سلامي

ما ايست واكطع منك اظن
ما ظنيت بـــيكم منك اظن
اكظه وما مصدك منك اظن
لئن زيبك كلت شيكظه اليه

مع تحياتي لكم احبائي وما يكون خاطرج اله طيب فاتن مع كل حبي وتقديري لكي لتزعلين عمري انتي

-------وهذا حرف النون----
تمنياتي للجميع بالموفقيه

ممنونه منك يالكلك طيب وانشاء الله مايجيب الله زعل بس

بصراحة احب النظام وارد على حرف النون


نظيف اوداخلي صافي ولبي
گبل ماانخي افزع ولبي
الرئيسي ولااصل انه ولبي
اليدور علوفه خل يمر بيه


وسلامي للجميع

الي بعدي حرف ( ش )

وهذا رد على ما كتبتي فتونه الغاليه
عله عيوني زحف اوصل ومرج
وكلامج كلبي ليطيعه ومرج
احس مثل العسل تعبج ومرج
احسج نار واحظنهه بديــــــه
مع تحياتي فتونه الورده

اهلا ابو جاسم اهلا فتونه
ياربي اتكونوا بالف خير
00000000000000000
وهاي الك فتونـــــــــــــــــــــه
00000000000000000


منك شفنه بس الطيب فاتن
دلالج والزعل ايام فاتـــــــن
اذا خوتنه بيه دخل فاتـــــــن
دوسيه واعبري وحكج عليه


ياله فتونه من اجل خاطرنه اني ومحمد0000
نسمحلك بالتوقف بس بحاله وحده0000
ياربي ايجيبه000
000000000000000000

مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه


تحياتي للجميع

تحياتي اميره وابو الليث والمبدعه فاتن وهذاحرف الالف
اجيتك والكلب عندك يلمنه
يمته الدهر يا ولفي يلمنه
اموت وبيك اتحايه يلمنه
يمن وصلك يرد الروح بيه
---------الهاء------
تحياتي الى عائلتي الكريمه

مساء الليل الهادي على احبابي الحلوين

والك يالغالي علينا محمد الوردة حرف الهاء


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه



الي بعدي حرف الجيم

وسلامي للجميع مع كل الحب

جيتك عندي حمل اشواق تنهال
كله من صميم الروح تنهــــــال
شوكت ياعمري مره علي تنهال
تجملني ويضل فضلك عليــــــــه

تحياتي لكل اخواني وحبايبي
00000000000000

لغدرج رتبي يا دنيا وكيــلي
عادل ما نقص وزني وكيلي
حسبي الله نعم هو وكـــــيلي
اليعثرلي الغدرني وخان بيه

تحياتي الى المبدع ابو الليث والرائعه فاتن واميرة الروح وكل من يشارك معنا في هذه المطارده بس بصراحه خلصنه كل الحجي من وره مطاردة فاتن تحياتي للجميع

السلام عليكم اخي وحبيبي محمد000
ابو جاسم00قرات كتاباتي يعجبني ان تكون صفة الحب ملازمه لكل شطر او سطر من اي نشاط اكتبه000
الى ان اصبحت ملازمه لكل مااكتب
000000في بعض الاحيان اكتب حبيبتي فاتن اواميره
فاشطبها000
احساسي اننا جميعا اخوه لبعضنا والخوه هي اعلا مرتبه
انسانيه000فهي اعلا مكانه من الحب
من هذا فانتم اخوتي واحبابي
اسال الله ان يحفظكم ويوفقك
وتزداد اواصر الحب والاخوه بيننا
000000000000000

يمر بيه حبيبي الطيف منسال
ودمعي عليك ليل نهار منسال
تقبل كلبي بيك بمرض منسال
وانته جذب ماتسال عليــــــــــــه
000000000000000000
تحياتي لعائلتي الكريمه
مبروك للاخت اميره على الصوره الجميله
000000000
--ك--

شكرا اخي ابو الليث الليثي باي تنادينا عادي جدا نحن اخوة باذن الله وعائلة وحدة وبالنسبة للصورة اشكرك على ترحيبك بضيفتا الظاهر عجبتك هههههههههه أتمازح وياك خوية هاي مذيعة بقناة العربية وهسة تحية وهاي لعائلتنا الكريمة وهاي ابوذية بحرف (ك )
كثروني وزاد الكلب .........لو بات
ومدري انكطع حبل الوصل..لو بات
الكمر ولفي وعندي اليوم ....لو بات
مجنت ارعه الكمر لو زاد ضيه

حياتي بدونك مالها أي معنى
الحب بكل شدة كان معنا
بالفرح بالحزن كان معنا
إدعس كل شي إلا كرامتي

صباح الخير يالغاليين عليه

واشكر كل الربع واليرد عليه

مو كلنا عدل مرة واتخربط عليه

وين الحرف يمعودين شمالكم عليه

ههههههههههههه عاشت ايدج فتون وين قانون العبه اشو كلمن يتكلم على ليلاه

تحياتي الكم حبايبي هسه راح اطلع لشغلي والظهر اشوف منو البطل الي راح

يعدله وسلامي للاحبابي الحلوين وبالاخص للحلو الحميداوي

الغيرك ما يگول الگلب مرحب
من بعيد اشوفك صحت مرحب
مثل طبرة علي من طبر مرحب
طبر جسمي هواك وعمل بيه


الي بعدي حرف اللام

سلمكم الله حبايبي
عائلتي الكريمــــــــــــــــــــــــــه


شكرا الك اختي اميره هذا الشعور الاخوي الرائع
شكرا الك اختي فتونـــــــــــــــــــه
بس اني زعلان00000000000


انا الربيت ولغيري يصيرون00
تره ابجي بدمع دم من العيون00
واذا نشدوني كالولي عليمن00000
اكلهم عافني الحبيته000000000
000000000000000

السلام عليكم عائلتي الكريمه نادينا بما شئت يا ابو الليث كلامك بالنسبه لنا مفهوم المعنى وانته واعتقد يبادلني الجميع هذا الشعور انك كبير عائلتنا هذه تحياتي الك والفاتن اللي اعترفت اني حلوووووو ههههههه والى اميره الروح وعوده موفقه للمشاركه معنا
وهذا حرف النون

نوبه تحن عليهم نوبه روحي
يدنيا شبيج مره بعيد روحي
اكل للعين يم هواي روحي
وابجي ابابه بلكي يحن عليه

شوكت ايحن ما اعرف

----ي----
تحياتي

هلا والله يالغاليين عليه والك ياحلو حرف الياء والى تاج الراس ابو الليث والحبيبة الاميرة

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

حرف اللام اريد يمعودين

حياكم الله اخوتي الرائع ابو الليث والغالية فاتن والاخ محمد
وهاي ابوذية بحرف اللام


لااسمع لا ارى لحجي .......ولاشام
ابشوك الما حوى نجد .........ولا شام
اله سوره ابصحن خده........ولا شام
سوده وبالسويد اثر سجيه

حرف (الخاء)

مشكورة على حرف اللام وعاشت ايدج وحرف الخاء يكول


خالص يا ترف بس الك .....ودنه
لون تسكن بيابي العين ......ودنه
لو بات الترف بحشاي ......ودنه
اكله اكرب يحلو الطول ليه

حرف الفاء

شكرا الكم يعيوني ويااسرتي الكريمه
الله يسلمكم ويحفضكم ولايريكم الا الخير والسعاده


فنون الحب شفته ماشفتني
وبقه مجروح كلبي ماشفتني
مره انفتن بيه ماشفتنـــــــي
ومره اسودت الدنيه عليـــــــــــه


تسلمـــــــــــــــــــــــــــــون
0000000000000000000
--غ--

غيرك لاتظن بالعين حالي

وريجي عليك مر مايوم حالي

بغرامي يالتسل عن شرح حالي

عله كل حال الهوا جتال اليه

وسلامتكم

ومشتاقتلكم حيل يالبعيدين عليه

تحية طيبة للعائلة الراقية
غاليتي فاتن ماحددتي الحرف ارجع اكتب بحرف الالف
المسه كتله صباح الخير ....وبراك
اتمازح كال لولا اتوخز ....وبراك
كلت لا والذي صورك .... وبراك
بجبينك صبح ظنيت المسيه

حرف ( الباء)

السلام عليكم حبايبي وعيوني واخواتي
واخي محمد وكل اخواني العائله الفراتيه


ولعيونك اميره حرف
---ب---


بديه اشكف اسهامك علي تنهال
بحبك حملتني حمل تن هـــــــال
القوافي من اذكرك مزن تنهال
لانك مالك الدنيه عليـــــــــــــــه

والله حقكك عليه يالغاليه نسيت هذا حرف الباء

بوادي الشوك احس صوتي دوا لك
ودليلي اشموع الك عشره دوالك
اذا كالولك بكتلي دوا لك
شتضن بدواك روحي تعز عليه

حرف الراء

لعيونك فتونه هذا اللون على الديكور الجديد
لازم احنه انبدل الوانه

ردت مره حبيبي ايكول ياهل
زغير مايعرف الاصل ياهل
اذا جاني احسبه بدر ياهل
استعجل لاهلي يدرون بيه

تحياتي لجميح حبايبي
العنده قصر يلبس نظارات
مو بس اني
000000000
==م==

تحية للعائلة الراقية

من رماني فتحت صدري لسهامه من رماني
شفته وكلت مدري من رمانـــــــــــــــــــــــــي
فأي وكعد ياكل من رمانــــــــــــــــــــــــــــــــي
ويحسب لشته جم غصن بيــــــــــــــــــــــه


حرف الراء

شكرا الك ياابو الليث طبعا كلش احب هذا الون الشذري لان يستخدموه للحسد

واكيد تعرف بيه محسودة لذلك كتبت بيه هههههه

وحرف الراء للغاليه امورة

روحي تروح بغيابك وأردهه
وكتاب جفاك يمدلل وردهه
روحي بغيابك تره يذبل ورده
مأي أنته وترد الروح بييه

حرف الكاف

كلف جرح الكَلب شوفه ويبره
الوصالك دوم يتنطــــــر ويبره
سمعت الطفل ينسه امه ويبره
من عدهه محاله اتصيرهيه


تقبلي مروري مع فائق احترامي

عيوني اميره وفاتن العزيزات الحبيبات00000
ماكو واحد يغار عليكم من كلمة(الحبيبات)مثلي
خلي احجي براحتي
هههههههههههههههههه
عزيزي الرحال شكرا الك لتشريفك هذه العائله الكريمه000
مليون هله بيك نتمنى منك المطاوله000

فتونه هاي من قافيتك00000

ماي انته وترد الروح ماجف
وحبي الك دوم بزود ماجف
شتعذبني اضل اهواك ماجفي
راضي شما تريد اسوي بيه
0000000000000
تحياتي لكل حبايبي

هاي الك ياابو الليث الغالي

يهل ناديت بسمي هواي *عيده
ويهل ماخذ دليلي وياك* عيده
الكلب مو بس بعد رمضان *عيده
عندي العيد من نكعد سويه


وعليهم

ههههههههه

سجاد الرحال ممنونه لمشاركتك ياغالي ونتمنى التواصل معانه
لان انت ماشاء الله عليك شاطر بالابوذية ونكولك الف هلا ومرحبا بيك

وهاي ابوذية هدية الك

امتحنتك ردت اجربنك .. صحتحل
تشد جرحي واذا شفته .. صحتحل
بعدني ما طحت يمك .. صحتحيل
لون طايح صدك شتسوي بيه


وسلامتكم
ونرجع لاصل المطاردة

مع حرف القاف

وهاي الك فتونه

قليل ان عدته اسمك الف مره
والف هنياله من جالسك مره
شعجب كالواعليك ايام مره
اشو مثل العسل طعمك عليه

تحياتي لكل حبايبي
سلمكم الله جميعا

تحية صباحية طيبة لعائلتنا الرائعة
اخوية ابو الليث ماحددت الحرف راح اكتب بحرف الصاد


صحيح بعيد بس كلبي .. شعربيك
حزين وباقي بس يكتب . شعر بيك
عجيبة شلون ظل اسود شعر بيك
وانا من فركاك حتى شعر ماظل بيه

حرف (العين)

تحية صباحية طيبة لعائلتنا الرائعة
اخوية ابو الليث ماحددت الحرف راح اكتب بحرف الصاد


صحيح بعيد بس كلبي .. شعربيك
حزين وباقي بس يكتب . شعر بيك
عجيبة شلون ظل اسود شعر بيك
وانا من فركاك حتى شعر ماظل بيه


حرف (العين)
عزيزتي اميريه

وانا بفركاك ماضل شعر بيه00000
هكذا تكون مع الوزن000فقط اقرايها وامسحها

اهلا اختي العزيزه اميره
حبايبي اخواتي واخواني
اسعدتم مساء
نسيت اكتب الحرف
نستني فاتن
ههههههههههههه
اختي العزيزه فتونـــــــه

على العذبت دليلي الروح ماجت
انطرته من الصبح لليل ماجــــــت
الدنيه بعيني ظلمه اصبحت ماجت
على حب احصدت منه الاذيـــــــــه

تحياتي لكم اخواتي واخوتي الكرام
سلمكم الله وصانكم من كل شر

--و--

مراحب اميرة وحيا الله ابو الليث الغالي وابو جاسم مسجل غياب ليش

وحرف العين يكول

عجيبة شگد تعب گـلبي ولا أنْ
ولا مـرة عرف يـحمل ولائينْ
يصاحب يا درب ماشي والى أين
تروح وتـجفي كليبي العليل



حرف الواو

ابو الليث ابو يكول القلوب سواجي اختارينه نفس الحرف هههههههه

وحرف الواو الك يالغالي علينا

وحگ ام الكرم والطيب حديثه
اريد اكابل المحبوب واسمع حديثه
اريد اعرف قديم اخباره وحديثه
وبلياه الزمن ناعور ودار بيه

حرف الف

وسلامتكم

ياهلا وغلا بحبايبي الغالين
اهلا بيك فتونه العزيــــــــــــــــــزه

000000000000000
وين تروح اروح وياك مارد
غير اعيونك الحلوات ماريد
كل اللي جمعته الك مــــــارد
بس اصير الي كافي عليـــــه

تحياتي لحبايبي
0000000000

مراحب ابو الليث هم نستك فتون الحرف شلون طركاعه

راح المفره اكليبي وينسه
ولفاني الماعرف طبعه وينسه
دهر اقره اظل بذنه وينسه
اساله يكول جا شنهو القضية



الي بعدي حرف الهاء

وسلامتكم

تحية طيبة للعائلة الراقية والله اشتاقيتلكم كنت مسافرة وهسة رجعت بشوكي الكم
وتحية الى اخوية ابو الليث الليثي تصير عندي بعض الاخطاء تحملوني ترا آني جديدة بالشغلة
ولعيونك فتونة هاي أبوذية بحرف الهاء
هلة يلي مدام الكلب بس لاك
يون والعاذل اعله اجفاك بس لاك
انا والله شمسلي الروح بس لاك
يهب ريح الصبا ويعم علية


حرف (الميم)

الحمد لله على السلامه اموره
وياهلا وغلا باختي العزيزه
حبايبي نور عيوني فتون وابو جاسم
وانتي الاخت العزيزه نور الهدى ياربي اتكوني
بالف خير00000000000000000
تحياتي للجميع0000000000
وهذا حرف00 الميم 00اميره

منهو المانعك عني ولا جيت
روحي حايره شتعمل ولاجت
دمعتي بعيني محصوره ولاجت
من تنزل هلي ايشمتون بيه
0000000000000
تحياتي

تحية طيبة للعائلة الراقية اخي ابو الليث هم نسيت الحرف شلون وي بالك المشغولراح اكتب (بحر فالنون )
نور العين اليحب بخلاص يهداك
وشوكت الغرور البيـــــك يهداك
عسى الله لطريق الشـوك يهداك
ويسخرلي كلبك وتصير اليه

حر ف(الحاء)

اهلا اختي العزيزه اميره

حبايبي العائله الكريمه المباركه
حياكم الله جميعا
اخت اميره انتي تعرفين منهو منسيني
هههههههههههههههههه
الله يسلمكم جميعا ويحفظكم

وهذا
-ح-

حبيبي ونور عيني ولهاني
انته بالم بعدي ولهانـــــي
هلي منهم اللايم وليهانـــي
انتظرك والوكت طول عليه

000000000000
تحياتي لحبايبي