محمد عبود العبودي
13-05-2011, 02:23 PM
آنه طير وما صفك جنحي بسماي
ولا بكاع الله كدرت انكل رجل
وكتي حاربني اعله ريش السبكات
وحطلي رجليه الزمان بتك حجل
عيب تزحف كالي وفنك تطير
وصعبه كلي جناح وأسحل بيه سحل
شال زادي وعلكه بعش الصكور
وكلي لو موتت صكر لو عيشه ذل
وآنه كلما حاولت أتشلبه أطيح
وأسمع لدوية وكعتي تصيح حل
خلصت عمري مجازر أمنيات
شما كلت هاي أتحقق تنكتل
حتى جنح الليل مايقبل يطير
والشمس غسلت وجهه بجف كحل
وعيني ظلت شابحه وتربي لسماي
لاسرب يرجع ولا يلتم شمل
والهواجس صارت فراشي وغطاي
بهيج موقف ياهواجس تنحمل
سهله عندي الموت لو آن الآوان
أنتظار الموت هو المو سهل
من أجه الصياد كتله هنا تعال
وشالني وبعيونه جن فرحة طفل
تلمس عظامي بدينه القاسيات
وذبني كال شبيك باقي وينوكل
بقلمي
محمد عبود العبودي
ولا بكاع الله كدرت انكل رجل
وكتي حاربني اعله ريش السبكات
وحطلي رجليه الزمان بتك حجل
عيب تزحف كالي وفنك تطير
وصعبه كلي جناح وأسحل بيه سحل
شال زادي وعلكه بعش الصكور
وكلي لو موتت صكر لو عيشه ذل
وآنه كلما حاولت أتشلبه أطيح
وأسمع لدوية وكعتي تصيح حل
خلصت عمري مجازر أمنيات
شما كلت هاي أتحقق تنكتل
حتى جنح الليل مايقبل يطير
والشمس غسلت وجهه بجف كحل
وعيني ظلت شابحه وتربي لسماي
لاسرب يرجع ولا يلتم شمل
والهواجس صارت فراشي وغطاي
بهيج موقف ياهواجس تنحمل
سهله عندي الموت لو آن الآوان
أنتظار الموت هو المو سهل
من أجه الصياد كتله هنا تعال
وشالني وبعيونه جن فرحة طفل
تلمس عظامي بدينه القاسيات
وذبني كال شبيك باقي وينوكل
بقلمي
محمد عبود العبودي