اليوم شعـلة نور طفاها الـزمـان


وجانـت أتضـوي السماء المظلمــة


اليوم حقها العين ماتبجي دموع


والله تبجـي ادمــوم لجلــج فاطمـــة


انتي قبل البشــر ربــج صوراج


وانتي من نورج زهـت ارض وسمـة


فاطمة الــزهــراء ربـج لقبـــاج


وهــذا وحــدة يكون أعظـم مكـرمــة


ام ابيها الطاهرة الحــرة البتول


هــاذي كلهــا القــاب بيــج امعلمــة


انتـــي ســورة ونزلت بامر الاله


وحوض كوثــر بيده حيــدر لازمــة


انتي علمج مو علم دارس لبيب


انتـــي مـــن اللــه علمــج ملهمـــة


شكد مآسي شفتي من بعد الرسول


شكد مصايب مــرت وجــم مظلمــة


وباب دارج لون بالنار أحــركــوه


وعصـره الباب وضلوع امهشمـــة


نفس هاذي النار دارت عالحسين


حــركت اعيالــة ونســه ومخيمـــة


وضلعـج البسمــار لمـن صوبـاه


ماهـــو ذنبـــه ولاعلية كل مآثمــة


ما يريد اتمسة جف الحاربـوج


ولأن طاهــر بالضلع منها احتمـــة


لآن جف اللي سطر بنت الرسول


وروع الحسنيــن جــف امسممــة


بالحشر باجر يصير الهم حساب


وفاطمة الــزهــراء هيه الحاكمة


*******************





نلتمسكم الدعاء


الشاعــــــــر


جلال البطاط


غير مبروء ذمة من يقوم بالنقل دون ذكر الاسم

مررت من هنا

فلم استطع الذهاب حتى

اترك مايدل على انني مررت بهذه

الابداع والروعه فتركت بصمتي

لتكون تذكاراً هنا

تحياتي

لسموك

بوركت وابدعت ووفقت وجعله الله في ميزان حسناتك ... كلمات بغاية الروعة ودقيقة الاحساس بتصوير يلامس شغف القلوب دون انتحال وكانه الارتجال ...... تحياتي وتقديري .
ملاحظة :/
كن كاتب للحسين ع ...... ولاتكن كاتب باسم الحسين ع