مره قال لي احد الاصدقاء
يدعى هاشم چلوب المصلوخي
الشعر العراقي حزين ويجب ان
نكتب عن الفرح والرقه فكتبت
هذه القصيده في الثمانينات

-منين الرقه ياهاشم-

منين الرقه ياهاشم
تجي للشاعر ويكتب
اذا باب الفرح مسدود
وليدخل يرد مطرود
وهوانه مسمم ابارود
واحنه نشم
منين الفرح ياهاشم
ودفنو عالشفايف فرحة الطفله
وباگوا من رموش عيونه الكحله
ويا ويله اليجي باليل يم دجله
منين الشعر نستلهم
منين الفرح ياهاشم
وخنگوا كل جرس بالفرحه اله رنه
وگطعو كل وتر بالفرح يتغنه
وعدمو من ادينه اچفوف تتحنه
شتظن رحمه بگلب يعدم
منين الفرح ياهاشم
واجيب منين هل الرقه
اذا لسان الفرح مگطوع
گلي شلون شينطقه
اذا واحدنا يمشي بخوف
خايف لايكت عنقه
خايف من خياله
يدعى ويتهم
منين الفرح ياهاشم
وحطونه كحل بعيون
وصرنه ادموع لليبچون
ونگول تهون
لمته تهون
طشونه بعصف مجنون
طشونه وبعد شنلم
منين الرقه ياهاشم
اذا ديار الاهل منعونا بيها انام
وذا عينك غفت باليل
يطلع بالحلم صدام
وين نروح ياهاشم
اذا كلشي عليه اعدام
وچلاب البعث بعيونها تشمشم
منين الفرح ياهاشم
واحنا من الجزن
بينا الحزن يشتم

كلمات
ناصر اسماعيل الموزاني

شاعرنا الكبير الجميل
كان لي شرف المرور هنا ورائعتك الجميلة
سلمت ايها المتالق
ولك مني خالص التحية والود والتقدير

شاعرنا الكبير الجميل

كان لي شرف المرور هنا ورائعتك الجميلة
سلمت ايها المتالق

ولك مني خالص التحية والود والتقدير

شكرا اخي العزيز على مرورك الجميل لك كك الاماني
واجمل الورود والقبلات
اخوك ناصر

كل الود والتقدير
دمتِ برضى من الرحــمن
لكِ مني خالص احترامي

كل الود والتقدير


دمتِ برضى من الرحــمن

لكِ مني خالص احترامي

شكرا لمرورك الرائع ونسال الله ان يهبك ما تريد
ناصر

جمال الشعر الشعبي العراقي
في هذا النفس الحزين
الشاعر الرائع الموازني أبدعت وسلم نبضك وقلمك
تحياتي

عاشت الانامل التي كتبت
ياشاعرناالمبدع
واصل ابداعك

جمال الشعر الشعبي العراقي

في هذا النفس الحزين
الشاعر الرائع الموازني أبدعت وسلم نبضك وقلمك

تحياتي

شكرا اخي الغالي على كلماتك الرائعه
اتمنى لك كل الاماني الجميلك ولك باقة ورد عطره
اخوك ناصر الموزاني

عاشت الانامل التي كتبت

ياشاعرناالمبدع

واصل ابداعك

شكرا لمرورك لك كل الاماني الجميله
ناصر