-هنه اهواي-

هنه اهواي
عليه يازمن بهداي
طگاتك چثيره
وما بعد ضل حيل
وجروحي چبيره
سهرتني الليل
مثل ورده زغيره
وهد عليها السيل
من كتر الكتر
ياخذها روج الماي
هنه اهواي--
عليه يازمن بهداي
هذنيچ شكثر
وانوب اجتهن هاي
شعندك يازمن
اجروحي ما تكفيك
دفعت انه الثمن
ما ضل بعد شطيك
مثل منخل صرت
ماينجمع بيه ماي
اعدلك ياجرح
ياكتر ضل بچلاي
هنه اهواي --
عليه يازمن بهداي
بستان الصبر
ما بقت بيه اثمار
ونخلات العمر
خلصهن الجمار
وانته يازمن
بعدك على اطباعك
صبخه بلا مطر
ما خضرت گاعك
مرجوحه صرت
رايح عليه وجاي
هنه اهواي--
عليه يا زمن بهداي

من كلمات
ناصر اسماعيل الموزاني

الحبيب شاعرنا الجميل ناصر اسماعيل
" هنة اهواي " كانت رااااائعة بحق ..
اسعدني قراءتها مرتين
شكرا لك
وخالص تقديري

الحبيب شاعرنا الجميل ناصر اسماعيل

" هنة اهواي " كانت رااااائعة بحق ..
اسعدني قراءتها مرتين
شكرا لك

وخالص تقديري

شكرا اخي العزيز بتشرفك المرور متصفحي
لك خالص الاماني القلبيه وكل اكاليل الورد
اخوك ناصر

كل الود والتقدير
دمتِ برضى من الرحــمن
لكِ مني خالص احترامي

كل الود والتقدير



دمتِ برضى من الرحــمن


لكِ مني خالص احترامي

شكرا لمرورك لك كل الاماني واكاليل الورد
ناصر

المبدع والمتألق الموزاني ...
كلمات رائعة فيها الحس الغنائي
تصوير في غاية الروعة
تحياتي

المبدع والمتألق الموزاني ...

كلمات رائعة فيها الحس الغنائي
تصوير في غاية الروعة

تحياتي

شكرا شاعرنا الجميل الحميداوي لك كل الحب
اخوك ناصر