محمد عبود العبودي
10-04-2011, 08:27 AM
كومه اخوان احنه وعدنه ابونه اجبير
وكبل ما اصير هو اعلى التقاعد
ماعدنه شغل مللنه حتى البيت
وهذا البيت بيه بس كرسي واحد
اذا يطلع ابونه اتعاركينه اعليه
لان لمن يجينه ينام كاعد
اوصلت كاع عدنه وبيهه نزرع ثوم
وعدنه الطيحه بيهه اتذبنه عالطيحه
ويحل وكت الشلاع وتسمع المظموم
صدك خوان لكن صايحه الصيحه
يوميه الصبح للعلوه ابونه يروح
لكن من يرد حصتنه بس ريحه
وفكرنه انتزوج كلنه نفس اليوم
بس البيت مايكدر يلمنه
ولا عنده ابونه فلوس تكفيه
حتى بساعه ويحقق حلمنه
ولان هو تاهل واحنه عزاب
قنعنه ابونه يطلك امنه
ونطرنه العيد خاطر نشتري هدوم
جردنه الوكت والجوع كافر
اوكتنه من الزغر حش المراجيح
وما مره طلبنه وكال حاضر
وابونه اباجر يواعدنه عالعيد
ذبحنه اليوم حتى يصير باجر
وتعارك ابونه ويه الجوارين
يكول الجار صاير وي عدونه
وهدينه وي ابونه نعارك الجار
وشفناه من طلع مخطوف لونه
خاطرنه انكسر من شفنه حال الجار
انتخينه لجارنه وفشخنه ابونه
بقلمي
ِِمحمد عبود العبودي
وكبل ما اصير هو اعلى التقاعد
ماعدنه شغل مللنه حتى البيت
وهذا البيت بيه بس كرسي واحد
اذا يطلع ابونه اتعاركينه اعليه
لان لمن يجينه ينام كاعد
اوصلت كاع عدنه وبيهه نزرع ثوم
وعدنه الطيحه بيهه اتذبنه عالطيحه
ويحل وكت الشلاع وتسمع المظموم
صدك خوان لكن صايحه الصيحه
يوميه الصبح للعلوه ابونه يروح
لكن من يرد حصتنه بس ريحه
وفكرنه انتزوج كلنه نفس اليوم
بس البيت مايكدر يلمنه
ولا عنده ابونه فلوس تكفيه
حتى بساعه ويحقق حلمنه
ولان هو تاهل واحنه عزاب
قنعنه ابونه يطلك امنه
ونطرنه العيد خاطر نشتري هدوم
جردنه الوكت والجوع كافر
اوكتنه من الزغر حش المراجيح
وما مره طلبنه وكال حاضر
وابونه اباجر يواعدنه عالعيد
ذبحنه اليوم حتى يصير باجر
وتعارك ابونه ويه الجوارين
يكول الجار صاير وي عدونه
وهدينه وي ابونه نعارك الجار
وشفناه من طلع مخطوف لونه
خاطرنه انكسر من شفنه حال الجار
انتخينه لجارنه وفشخنه ابونه
بقلمي
ِِمحمد عبود العبودي