المساعد الشخصي الرقمي

مشاهدة النسخة كاملة : مجموعة من الدارميات عربون صداقة لمنتديات الفرات



ضياء المحمداوي
15-03-2011, 06:24 PM
السلام عليكم هذه اول مشاركة لي في منتدى الدارميات وحبيت اقدملكم مجموعة من الدارميات اتمنى ان تنال رضاكم واعجابكم واسمع ردودكم اللي افرح بيها واتشرف بيها
خل نبدي وي اول دارمي
ويكول



تدري الله من سواك ما دزك بساع
كال انقلاب ايصير من توصل الكاع

--------------------

أتمنه عندي جناح كل ساعه أمر بيك
معذبتني هاي الروح بس تنشد عليك

--------------------

فز ونكسم نصين كلبي عله طاريك
جم نص تظنه يصيرلمن يلاكيك

--------------------

صاير طبع بالناس تنسه اليبعدون
بس آني ماانساك لوتعمه لعيون
--------------------

لو ما أعرفك زين ماجنت أخاويك
تبقى عزيز الروح وانه أفتخر بيك

--------------------

ارد اسأل المشتاك والكلبه مجروح
الجسد هم يعيش لو عافته الروح

--------------------

بضلوعي احط عبوات واتعنه بيتك
وانفجر يم الباب لوما لكيــــتك

--------------------

كون القلب صندوق ومقفل اقفال
لاحزن يدخل بيه ولا فرح ينشال

--------------------

والله القلب حزنان والدمع سايل
لأن صار الكلام وياك بس بالرسايل

--------------------

رفرفت مثل ألطير روحي على فركاك
لا أكدر أوصل ليك ولا أكدر أنساك

--------------------

لاتصدك أنا انساك واعشك بدالك
لو ردت أحب اثنين انت وخيالك

--------------------

هاك اخذ كل اعضاي لتظن اعوفك
بس عيني اعزهه عليك جي يبه اشوفك

--------------------

أرد اسأل اهل الشوك واهل المضايف
البوسة بالوجنات لو على الشفايف

--------------------

اسمر وخاف عليك من مشيت الكاع
فوك السمار البيك عيونك وساع

--------------------

ااحبك والخجل بالروح يسحك علكلب حافي
ااحبك واليكول انساك هذا شكثر متعافي

--------------------

شفه وتسع بوسات وشمه من الخدود
ابعثها الك بالريح يا اغلى الورود

--------------------

بوسه حبيب الروح بلسم للجروح
طول العمر يحباب لذتها متروح

--------------------

لا تظن انا انساك مهما جرى وصار
وحدك سكنت الروح والباقي خطار

--------------------
الخوة منبع طيب وانت من اهلها
واليزرع الطيبات يحصد مثلها

--------------------

ااصفن واحاجي الروح وين احنه جنه
هم ترجع الأيام وتلم شملنه

--------------------

من ارسل الكلمات ماتشفى الجروح
كون من ادوس ارسال ارسلك الروح

--------------------

رسمتك بسواد ألعين تخيل كيف سويتك
فرشت العين من دمعي وبرمش ألعين دفيتك

--------------------

أفرش طريق ألشوك هيل ورياحين
وأفدي ألكلب وألروح للصاحب ألزين

--------------------

بنص عيني انت تنام ومن تصحه اصحه
واسمك على الدلال مايوم امسحه

--------------------

شكتب شرد عليك يخجل كلامي
والله انته ضيف العين حته بمنامي

--------------------

لو متت يابن الناس عني أنت مسوؤل
رروحي أبتلت بهواك بس تستحي أتكول

--------------------

بكلبي الك تمثال من صدري منحوت
ما ينكسر ويطيح صدكني للموت

--------------------

مثل الحرز والخيط صرت انا بيدك
مو صوجي صوج الروح هي التريدك

--------------------

بالك تظن وتكول عشرتنة مدة
باب الكلب مفتوح هيهات اسدة

--------------------

فارغ تروح وياي للمحكمة اليوم
اتنازل اعله الروح وانطيهه الك دوم

--------------------

ماحاجه اروح وياك تنطيني روحك
ماخذهه من ازمان هيه وجروحك

--------------------

انته ابسواد العين بيك النظر بيك
شكثر بعد شتريد جاوين اخليك

--------------------

صابتك عين الناس لو مني مليت
تنحسب كفرة عليك لو مرة دكيت

--------------------

احنه يملكنه التواضع ابد مانملك غرور
أحنه بكل فتره بجهازك لازم نسجل حضور

--------------------

روحي بسرير الموت تسألني عنك
وتكلي ليش هواك متبري منك


منقوووول

تحياتي وحبي واحترامي وتقديري لكم
اخوكم ضياء المحمداوي

darling
15-03-2011, 07:54 PM
الرائع ضياء
جزيل الشكر لك
ولهديتك الرائعة
خالص تحياتى وتقديرى
لك ولحرفك الياسامين
دمت بكل الود

الكناري يونس الجبوري
15-03-2011, 08:31 PM
شكرا لك اخي الكريم على المشاركة الرائعه
وحياك الله في منتديات الفرات
بانتظار جديدك متمنيا لك التألق
تحيتي لك

ام فيصل
16-03-2011, 05:30 AM
مرحبا بالصديق العزيز
والفراتي الجديد

وحياك الله معنا عزيزي وبين اخوانك

باقة جميلة ورائعة

شكرا لك ولجميل تذوقك
ودام لنا هذا التواصل والحضور

مع تحياتي لك

احلاهن بطة
16-03-2011, 08:32 AM
مرحبآ بك اخي العزيز
انرت جدران منتدانا بقلمك المميز
وحضورك الرائع
وشكرآ لك على الدراميات الرائعه
لك كل الود

ضياء المحمداوي
17-03-2011, 01:42 PM
شكرا لكم جميعا انرتم صفحتي باسمائكم وطيب ردودكم
مع فائق حبي واحترامي وتقديري لكم جميعا
وشكرا على الترحيب
اخوكم ضياء المحمداوي
بيكم صفحتي تنور مريتوا بيها
واجمل يصير النور ردكم عليها

مودتي لكم