ماكلك احبك بطلت مليت
لأن كلمة احبك زيدت نوحي
ومو معناها اكرهك لا ولك موهيج
راح انوب اكلك يابعد روحي

_______________________


انته كاس العالم انته المونديال
واحنه جمهور والك نقسم قسم
كلشي بيك انشجعه يخسر او يفوز
يعني اكلك حته شجعنه الحكم
_____________________________








ياحبيبي الشوك ما يقبل صيام
ليش ساكت وانته تعرف حالنة
عمي مالازم تسولف بالغرام
حته لو قرأن هم اقرالنه






ــــــــــــــــــــــــــــــــــــــــــــــــ








انه وياك بعشرتي انطيتك سنين
انطيتك روحي وعيوني هدية
بس انته بعشرتك كلي شنطيت
مره انطيت ... بس انطيت بيه







ــــــــــــــــــــــــــــــــــــــــــــــــــ ـ







ترهدن بالمشي من تمشي بين الناس
يالمشيك يلوك بمشيت القادة
بس حسب احسابك من تمر وتفوت
التفت شوف الوراك احتركو اجداده







ــــــــــــــــــــــــــــــــــــــــــــــــــ ـــــــ







من اتكلي احبك مو حجي السان
تعال اثبتلي بالله شلون حبيت
لآن اني بمحبتي عندي اثبات
اذا تنطيني سم انطيك جكليت







ــــــــــــــــــــــــــــــــــــــــــــ







عليك الله التفت خليني اشوفك
ولو لحظه بحياتك حطني عالبال
يالطولك مثل مدري مثل من
لأن ماكو اليشبهك بين الأشكال
صدك احله واحد انته بالناس
وأذا ما صدكت ينحل الأشكال
اذا حورية احط وبصفك اتصير
بالنسبة لجمالك جنهه رجال
ــــــــــــــــــــــــــــــــــــــــــــــــ







تورطنه بهواك ايتعب الحال
وماحسبنه هيج ايكون وضعه
فقره وحيل صعبه انكيش وياك
حبك مو سهل يحتاج فزعه
بعد ما جيك وحدي اعذرني مولاي
عله حبك اجيب وياي تسعه







ـــــــــــــــــــــــــــــــــــــــــــــــــ







عشنه فقرة وابد ما نمتلك بيت
وأذكر امي من صغرنه أمئجره دار
وجي لأن عالباب كاتب ياحسين
الباب كل راس الشهر يدفع الاجار







ـــــــــــــــــــــــــــــــــــــــــــــــ







انته شفاف وترف حد النخاع
وبجمالك لا اكيد انته الشرس
وماتضل خطوات جدمك عالتراب
لأن جدمك لو مشه يهمس همس
وانته ربك يعرفك كد ما رقيق
فوك خصرك كتب ممنوع اللمس







ــــــــــــــــــــــــــــــــــــــــــــــــــ ــ







عله كثر الدمع ما ظلت عيون
وعله كد البعد وزعنه الأحلام
هيه ايام حلوه وراحت ابعيد
كلي اشلون ترجع ذيج الأيام







ــــــــــــــــــــــــــــــــــــــــــــــــــ ـ







يالرحت زعلان من عندي ومشيت
اعذرني جي خليتك بزعلك رحت
ولأن ما لحكت اكلك لا تروح
بس ثكل وجهك عليه انه طحت







ـــــــــــــــــــــــــــــــــــــــــــــــ







وصل حبي الك حد ماهو معقول
بحيث وياي انته واني مشتاك
تشابكني وتشاقيني واشاقيك
وأصيح الله واكبر بسك فراك







ـــــــــــــــــــــــــــــــــــــــــــ







شعجب طعم الأخوة بهل الزمن راح
ويضنون النحبهم النه غاية
مو احنه النصاحب لجل غايات
احنه اصحاب موقف للنهاية







ـــــــــــــــــــــــــــــــــــــــــ







ملك خلو عليك ايسجل ذنوب
وأظن وياك كاضيه ضلايم
وانته الماصمت رمضان فد يوم
الملك داخ بجمالك كتب صايم







ــــــــــــــــــــــــــــــــــــــــــــــــــ ــــ







اذا صابك جرح يعني اني مجروح
واحد صرنه احنه جروحك جروحي
واذا رايد احضنك سهله ما محتار
لذلك كيفت كمت اجرح بروحي







ــــــــــــــــــــــــــــــــــــــــــــــــ







حيرة والله وياك جبناها السنين
امجتفات اعيونه اعله طيوفك
انته ماتنشاف لو جيت بنهار
مر علينه بالليل بلكي انشوفك







ــــــــــــــــــــــــــــــــــــــــــــ







مايقيمك أي ذهب اي شي ثمين
وأغله صدك انته من كل حاجة
واحنه لو عدنه شخص مثلك جميل
مانطلعه انضمه بالثلاجة
__________________

مماراقني

جميل جدا يا ام علاوي الورده بس ليش هاي النظره على الرجال لعلمك الرجال احلى من الحوريه..........تحياتي

ههههههههههههههههههههههههههه
والله يابو نرجس همومنا كولها من وراكم
يسلملي تواجدك العطر
لاعدمتك اخي
ودي

الله عليكِ ياذواقه
شكرا لهذا الأنتقاء المميز الذي طالما عودتينا عليه
تحياتي وتقديري

الله الله ,, يسلم هلذوق أم علاوي ومضات جميله كجمال روحك
لكِ ودي

تسلمين ام علاوي
على هذا الاطراء الجميل
بس ديري بالك علينه المسؤليه كبيره وصعبه
تحياتي وتسلمي

الاخ العزيز السومري شرفني حضورك اخي
لاتحرمني هذا التواصل المميز
مودتي

الاخ foraten.net/?foraten.net/?foraten.net/?foraten.net/? الكعبي الجمال هو حضورك وتنويرك لمتصفحي المتواضع
لك مني الف تحيه

ابو الليث يسلملي حضورك الجميل
لاتحرمني هالاشراقه الجميله
مودتي

http://www5.0zz0.com/2011/03/09/15/881360265.gif (http://www.0zz0.com)
http://n4hr.com/up/uploads/8143c1b7f2.gif (http://n4hr.com/up/)

كناري الفرات شكرا للمرور السريع
لاعدمت تواجدك
ودي

الله الله يا مبدعة الابداع
فعلا .... كلما ارى كلماتك ان كانت ردودا او مواضيع لا ارى غير الابداع
تالقتِ وابدعتِ كلمات في غاية الروعة وكانها ارتجلت على البحار لترى العمق او العمق يراها
تقبلي تحياتي وتقديري اختنا الغالية
ام علاوي

عاشة يداك على هذا الاختيار الرائع
لك كل اكاليل الياسمين والاماني الجميله
اخوك ناصر

الغالي foraten.net/?foraten.net/?foraten.net/?foraten.net/? رفيش
سلم لي حضورك الرائع واطرائك الاروع
حقيقة اخجلت تواضعي اخي الطيب
لاعدمت روعة تواصلك
دمت لي اخا طيبا

ناصر شكرا لك ولحضورك الجميل اخي
لاعدمت تواصلك الرائع
لك خالص الود

شعجب طعم الأخوة بهل الزمن راح
ويضنون النحبهم النه غاية
مو احنه النصاحب لجل غايات
احنه اصحاب موقف للنهاية



ماذا اقول وقد قلتيها انتي

الابداع هو ام علاوي
وام علاوي هي الابداع

مية هله بالكعبي
اسعدني حضورك عزيزي
لاعدمت تواصلك الجميل
ودي

تسلمين على هذه الكلمات الجميله اللطيفه وتحياتي +ننتظر ابداعاتك وشكرا

ابو ابراهيم نورت الموضوع اخي لاتحرمني اشراقتك
ودي