نعزي انفسنا ونعزي اتحاد شعراء الانبار بهذه الفاجعه تقبل الله الشهداء
توسلت القلم كتله اكتب شبيك
ضل يبجي القلم علماتوا هناك
ابشرك بس جهنم تقبلك عود
يا جنه التكوم يهمها ملكاك
شنطاك اليقنعك روحك تبيع
وتفجر قصايد حبنا خلاك
موش حزام ناسف تعتقد لا
مفتاح لجهنم بيدك انطاك
هواي الفجروا هم كبلك هناه
احسك تختلف عليفجرون
فجرت النبي اقسم انه بهاي
لئن حاضر نبينا ويليمدحون
زعلت النبي شرأيك يصير
تحسبهه زعلته ويه اليزعلون
محمد وك محمد هذا تدريه
اذا يزعل آلهك ينسف الكون
سبعه شلون سبعه ترتل احساس
سبعه ولا تضن باجر يسكتون
يخلوها المنصه بجنه الله
ويسمعهم محمد لمه يقرون


عمر العزاوي

نعزي كل عراقي شريف وأصيل
ونعزي اصحاب الأقلام الشريفه بهذا المصاب الجلل
رحم الله الشهداء وادخلهم جنانه الواسعه
تحياتي وتقديري