تطي 15 ماتخجل أنتـــه اشبيك
ما تستحي باوع شــوف جيرانك

حصه منل نفط يطــون بالمليون
وانته بالسحاله تكَطـــــم شمالك

لاخلفت عليك واحنــــــه مانعتاز
عمت عين البطن لوشبعت بجالك

هيه موجديده واحنه ندري بهاي
يتريس عليـــــــــك الجان حمالك

هسه خو شفــــــت بعيونك الالاف
مثل ذاك الصنــــــم ويطيح تمثالك

نسيت بسوريه بالبازه ضل نيشان
شفت العوز مــن مرالك شحالك

مادامت الغيرك ونته تدري بهاي
أذاً مـــدوم الك بس يوكَف كَبالك

وحسبه عـــــدل يمخربط تماديت
وعلى كل قطره منه نكسف احوالك

اجوك بلا سلاح لسان يحجي ويك
رادوا بس حصصهــــم والله يبرالك

ترميهم طلــــــــــق وتموت الشبان
وماترظه بسيطه وكلشـــي يجرالك

هسه نشوفك احنه شلون وكت الظيم
كلنه زلام خشنــــــــه نطيح اركانك
بقمي الشيخ ابوحيدر الشويلي

والله ياشيخ ص\ك
مايستحي من كان يغسل سياراة
بسوريا نساها بس من يجيه ملك الموت يوكَف كَباله
راح يذكر كلشي
تحياتي ايها الرائع
والقلم الناطق
تحيااااااااااااااااااااااااااااااااااااااااتي

مو هيچي الحچي ياللي تكتبون

اخونه المالكي وننطيه فرصه

وندريه مبتلي ومقهور من ناس

وتدرون المناصب بيهه حصه

اذا جعنه انتحمل والصبر زين

ونتقاسم ثلاثه بفرد كـَرصه

ابو حيدر الرائع
قلمآ شهدنا له بكلمة الحق
وسوف نبقى نرددها دومآ
فأنت جريئآ بكل كلمه تكتبها
فهنيئآ لنا بشيخآ بارآ مخلصآ
ينقتد وبكل صدق
ويعلي صوته بوجه كل ظالم
من اجل عراقه المظلوم
دمت ودام مداد قلمك
كالسيف الصارم بالحق
وشكرآ لكلماتك التي صيغت بأروع الصور
لتكون صرخه مدويه
بوجه من هم سببآ بتدمير العراق

[quote=وسن المنصوري;1057694]
مو هيچي الحچي ياللي تكتبون

لعد شلون برئيك الحجي نكتبله تعيش يابطل يامن
لااله الاانت وهم يصير صدام الهدام الثاني ولوهوصار اكثر



اخونه المالكي وننطيه فرصه
اخوك ولاكنه ليس اخي لعنت الله عليه هذا المجرم الي
وولايتين شسميهن موفرصه ومخزون وزارة الصحه فقط
الصحه فقط 20 مليار
والاردن كلها كل الاردن مخزونها 5 مليار باوع
مستشفياتنه وباوع بلاد الاردن ومستشفياتهم


وندريه مبتلي ومقهور من ناس
هو الي سوه اتفاقيات وياهم يطبه مرض على مود الكرسي
نسيت خله الناس بلاحكومه شكَد عبالك حباً بيك لا بالكرسي


وتدرون المناصب بيهه حصه
لاتعليق العاقل يفتهم


اذا جعنه انتحمل والصبر زين
وكل الفات موصبر لوكنا نتونس بالبلدان



ونتقاسم ثلاثه بفرد كـَرصه
اي مواحنه عايشين بزمن الرسول ولاكان الفايض للعام الماظي
70 مليار
بالمناسبه اطلع شويه على الاخبار ولاتاخذك المشاعر
ونفسك معروف وشكراً جزيلاً على المداخله على العموم هذا رئيك
وشكراً لك
بالمناسبه اني عايش بالف خير محلات وبيوت
وسيارات ومامعتاز لا للمالكي ولالحصته
ولالفلوسه بس الله انطاني موهبة القلم ولازم اقول كلمة حق في وجه الظالم وكاتب اسمي ولقبي والكل يعرفني لااخاف ولااجامل على حساب الفقراء من اخوتي
للوزه هاي تربيتي

ماشاء الله عليك أخي العزيز أبو حيدر

قصيده ولا أروع وهي صرخه بوجه الظلم

بارك الله بيك وبإحساسك الراقي

وتقبل أحلى تحياتي ودمت مبدعا ً 0

تطي 15 ماتخجل أنتـــه اشبيك
ما تستحي باوع شــوف جيرانك

حصه منل نفط يطــون بالمليون
وانته بالسحاله تكَطـــــم شمالك

لاخلفت عليك واحنــــــه مانعتاز
عمت عين البطن لوشبعت بجالك

هيه موجديده واحنه ندري بهاي
يتريس عليـــــــــك الجان حمالك


صح لسانك يارائع
ولك بكل كلمة حق تنطقها تحية اجلال واكبار
يقول المثل ( اذا لم تستحي فاصنع ماشئت )

شعب ذاق الأمرين من سنين عجاف
ولا ضمير يتحرك ويعين هذا الشعب

رحم الله والديك يبو حيدر
ولامناص من أن نصرخ بأعلى الصوت ( يكفي ظلم يامسؤولين )

لاحرمنا هذا المداد الذي يفيض بجمال الكلمة ونقل الحقيقة

مع تحياتي وتقديري

عاشت أيدك أبو حيدر وعاش نفسك
تحياتي الك

الرائع ابو حيدر
قصيدة عبرت عن الوجع والهم المشترك
لانريد ان نصنع اصنام ونندم
ساحة التحرير كانت اروع عنوان للحرية والتعبير
سلمت ايها المبدع ................تحياتي

بارك الله بيك ياشيخ
على هذي القصيده
دام نبظك الذي ينطق بالحق
والصدق ونصرة الظعفاء
تحياتي

الله الله الله
الجوعان من يشيخ يتولى بلا رحمة
وابن الخير لو جاه ضيف يشيل من الزند لحمه
.
صح لسانك ياتاج الغيرة
مانترجه من البطون الجوعانة وشبعت بمال اليتامى
فداك أنا وفدى كل حرف من حروفك
ياغالي

http://n4hr.com/up/uploads/8143c1b7f2.gif (http://n4hr.com/up/)

الله يا ابو حيدر...

هو الشعر ..الجميل هو الخلود

رائع عندما يكون رسالة ثقيلة تحمل على كتف الشاعر

موضوعة بامان من قلوب الفقراء..

شكرا لك .. وتحيتي با جميل...

اصفق لك جناب الشيخ
على هذه الرائعه والابداع
المتواصل عاشت الانامل الذهبيه
تحياااااااااااااااااااااااااااااااااااااااااااتي

اعتقد اننا نظلم هذا الرجل ونتحامل عليه كثيرا
أنا من رأي الأخت وسن المنصوري
يجب ان نمنحه فرصه كافيه ليتدبر أموره مع من يكيدون له طمعا بالمنصب أو حقدا ينبع من أصل طائفي
مع ان الكل يعلم ماهية الحكومه وكيف تشكلت .
أتمنى ان نتجرد من كل الميول الحزبيه والطائفيه عندما نقيّم زيد من الناس
((( يعني مو حب وأحجي وأكره واحجي)))

عاشت ايدك يالشيخ ابوحيدر
ميستحون بالامس القريب
رئيس دولة الكويت يعطي لكل مواطن كويتي
الجنسيه اربعه مليون ونص ومو راضين حبايبنه
الكويتيين وصاحبنه ينطي 15 الف
والله معادله رائعه من سموه الكريم