اذا مرة سألت عني وردت تبحث
اوصفلك حبيبي عليمن تتعب أدور
لأن اني صريح وواضح ومـكشوف
ولا فد يوم خلاني الزمن اغتر
بس أحسب حبيبي الدنيا عيش وشوف
مو كل البشر عبالك مسطر
بيها اليمشي مكـبل وبيها الليلوف
وبيها اشكال منهم بس الله يستر
جنت رايد اعيش وياك بالمعروف
ونخلي ارواحنا بعيد عن كل شر
بس مدري منين طب علينا الخوف
وشب نار الهواجس خلاها تسعر
وآنة الجنت اعاند ويه الحروف
خلتني السوالف كالطفل اشعر
ما تدري حبيبي بحالة الملهوف
لو حس بهضم بالعلن او بالسر
يظل غركان حتى بين الجروف
ويعيش الحزن مثل عيشة المعسر
بس تدري حبيبي الهضم حده وياي
حد باب الكـلب ولو يطلع يدمر
كل كلمة منك جن سهم بحشاي
تصوب سهام حجيك والجروح تخر
مو دم الكلب ينزف احسّن ماي
مسكين الكلب جندوب ظل يصبر
كل هذا واكلك ما يخالف حوف
الكلب ملكك حبيبي وانته المسيطر
بس على هونك ناعم المشحوف
والدفعة الثجيلة تفك المبسمر
والدفعة الثجيلة تفك المبسمر................

الأخ علي الكناني بودي ان ارحب بك اجمل ترحيب
فاهلا وسهلا بك اخي العزيز في ربوع الفرات آملين لك طيب الأقامه والمتعه والفائده
اخي العزيز بداية موفقه وقصيدة رائعه
بأنتظار جديدك تحياتي وتقديري
سرني التواجد اولا

تسلم علي الكناني رائعه ما باح به قلمك
بانتظار المزيد
تقبل تحيات اخوك
د \ سلام الدراجي

حيا الله اكناني في منتداه
ومرحبا بك فراتي جديد بيننا عزيزي

بداية رائعة وكلمات سطرت باحساس مؤلم وجميل
شكرا لك على هذه القصيدة والمعاني الجميلة

وننتظر جديدك القادم

مع تحياتي

شكرا للجميع على الاهتمام والتشجيع اتمنى ان اكون عند حسن الظن دائما ................... تحياتي لجميع اسرة الفرات