http://photos-f.ak.fbcdn.net/hphotos-ak-snc3/hs401.snc3/24346_344805206863_330092991863_3727352_4753688_n. jpg

علي بطاري اسمك عيون اليتامة تنام
بس يغفن بالمهن والجفن يدمع
يتامه بطونهم مالكت حل للجوع
والمايلكة حل من الصعب يقنع
علي منين ابتدي وانته تعرفهن زين
علي الشباج اسئلة شكد قصص يسمع
علي كون بعهد جنت انته تحكم بي
ترتد العقارب والزمن يرجع
ولو مودوم لو بس ثانية كدما
الايتام الجياع من الخبز تشبع
لان ماتطعم اللكمة بمقابل صوت
ماتنطيهه مرة ومرة لاتجزع
على ماجان الك يد بتجارة ومال
علي عن كل هذني من الذكر ترفع
علي ماخصصت لاجل الدعاية اموال
ماوصيت قنبر بالورق يدفع
علي اعذرني علي بس للسؤال اسباب
علي بره العراق اتملكت مصنع ؟؟
تجل لوهيجي مااعرضت عن كفار
ولاوية ابن عمك بالامر تصدع
علي يم سيفك اتنشز سيوف الغير
ويبين الطافي من الصدك يلمع
علي كون الشعر مووحي بكيفي ايصير
جاكل القصايد بس الك تطلع
وجا ماكتب قلمي بغير حبك بيت
الى ان احرف اسمك بالقلم تطبع
علي لومالكينه ورق نكتب بي ؟؟
علي نلكه البديل من الجلد نشلع
علي كون القصيدة الالك بيهه ابيات
علكد مابليلك تسجد وتركع
وكون ايزخ صور غيم الخيال وياي
الى ان كل ورقتي من الشعر تنكع
وماحط بيت بيهه سد فراغ ايصير
الما ماخذ مكانه من السهل يطلع
علي ليك القصيدة غيره بيهه تكون
بس انكلهه بسمك علقلم تفزع
تسمعهه المنصه وتنحني منتشوف
علي بيهه احتراما والخشب يخشع
تتمسى قصيدة لو فقط بس بيت
ماينقصهه تكمل لو بقت مقطع
ماتخضع نقد تملك حصانه شلون
علي موجود بيهه وللنقد تخضع ؟؟
لو يدري علي بيهه غلط موجود
جامن البداية ماقبــــــــــــــل تطلع
http://up5.up-images.com/up//uploads/images/images-d8446c0938.gif (http://fashion.azyya.com/)
لتحميل القصيدة بصوت الشاعر
حمل من الرابط الاسفل
http://www.4shared.com/audio/9alIyIWK/_______.htm
للامانة للشاعر
الشاب المبدع أيهاب المالكي

بارك الله بيك نصل مميز لشاعر رائع مثل ايهاب المالكي
تحياتي الك مع تمنياتي لك بالموفقيه
د\ سلام الدراجي

جعلها الله في ميزان حسناتك
مشاركه جميله وقصيده رائعه
للشاعر المبدع ايهاب المالكي

احسنت اخي الامير سامر
الرائع قصيده جداً جداً رائعه ولاكن
ليس هناك قصيده لاتخضع للنقد وانا برئيي
انها متكامله ورائعه
تحياتي

نور طرز نور يانور اعله نور
ياقسيم النار والجنة يمفتاح القصور
يبن عم المصطفى وزوج الطهور
ياعلي القران صرح بالولاية
وحقك المذكور نصا بالانجيل وبالتواراة وبالزبور
ياعلي أنت القصيدة ....وكل حرف بيها قيامة ..
وياحجي اليجمع النور

مقطع من قصيدتي بحق الامام علي(ع)
الامير سامر دوما متألق ومتفرد بنصوصك ............
تحياتي