المساعد الشخصي الرقمي

مشاهدة النسخة كاملة : لــــــــــــــــعيونج ...



شوك الشفايف
11-02-2011, 09:45 AM
مدلل يهل مابيك غير الوفه الشوگ
وشفايفك چـكليت وبعازة الضوگ.

...

مرحبه ومرحبتين وهلا وسهلن
بغيابك العينين بالدم يهلن

...

مرحبه ومرحبتين بالشيخليه
چـن ظابط ومنسوب للداخليه.

...

مرحبه ومرحبتين اهلا يمحبوب
لو گطعوني بسيف منك فلا توب.

...

اهلا وسهلا بيك يالفاتن الروح
بهجرك عددهن صار مليون الجروح.

...

اهلا وسهلا بيك يمدوخ الناس
ليلو السنون تگول ومرصع بماس.

...

اهلا وسهلا بيك يالفاتن البال
چـن العمر رمضان ونت بوفه اهلال.

...

اهلا يمن هنيال عطر التخليه
مغرم بخدك صار هوه اليشم بيه.

...

اهلا يمن هنيال هذا الهوه الهاب
لو مر على المنشول بول نفس طاب.

...

اهلا يمن ستين فدوه الضحكتك
مدلل وفه الرصعات تزهي بوجنتك.

تحاتي..

عدي فريد.

الشيخ ابوحيدر
11-02-2011, 05:41 PM
مفضوح صرت شبيك شوك الشفايف
وتسولف بطرواك اهل المضايف
تحياتي لك وللرائعه التي تهدي لها هذه
الكلمات ربي يحميكم
ويلم شملكم بالف خير
تحياتي

ام علاوي
11-02-2011, 10:29 PM
جميل جدا ياعدي
وتستاهل ............!!!!
لاعدمناك اخي الطيب
مودتي

فاتن وهيب شاعرة المنتدى
12-02-2011, 06:46 AM
أهلا وسهلا بيك
حيل الگلب صاح
لو ماتلزمه اضلوع
من فرگتك طاح

دارميات روعة من قلم مبدع ينزف محبة وطيب لك كل الحب ياغالي

ابو عقيل
12-02-2011, 03:17 PM
تسلم وتعيش يا عزيزي عدي
دارميات يفظحن العاشك ويسترن امعشوك
تحياتي الك يا طيب الذات
واهديلك هذا الدارمي:
اهلا وسهلا بيك يمشيب الراس
احضر و خلي تغيب عن عيني الناس

الشايب العراقي
12-02-2011, 05:50 PM
سلمت يداكم

بنتظار جديدكم فلا تحرمونه منه

**نور الهدى**
13-02-2011, 08:43 PM
دارميات رائعه لكن كانني عرفت من هوه المقصود ههههه

تحياتي لك اخي العزيز

اسماء علي
13-02-2011, 09:32 PM
الله دارميات جميله تحياتي لك اخي العزيز وللرائعة الشيخليه

واتمنالكم كل الحب تقبل مروري مع تحياتي