الاخوة الاعزاء أعضاء المنتدى .....
لقد أنتقل الى رحمة الله تعالى الشاعر الشعبي الكبير ...(عبد الحسين الحلفي ) اليوم الجمعة 4-2-2011وحبا منا وتقديرا لهذا الشاعر العراقي
نشرت قصيدة الشاعر المرحوم .....


يعجبني الجرح لو لاكه شمات
يضم روحه بحيث ايبين التم
وتعجبني السيوف بجف الاسباع
يحمرهه الخجل لو ما لكت دم
اذا انته ما شفت لا اتكول ما اشوف
تحجي العين اذا لسانك تلعثم
شوف الفلح من تموت الورود
بغير ورودهي تروح تشتم
بس شوف الورد لو مات فلاح
من تشمه تلكه بعطر مأتم
شوف اصعب وجه تقراه العيون
لكن بالكلب الله اعلم
كلبي اكزاز بس تسحكه خسران
اذا هو انكسر انته التصب دم
الحسب عقله يحب صدكني يرتاح
الحسب كلبه يحب صدكني يندم
كتلك انا احب ادم ابو الكل
بس ما احب ابو التفاحه ادم
حسب عقلك يصاحب شوف كلشي
واضربلك مثل عن كلشي واشلون
اكو يحجون من الصبح لليل
وحرام انجان تفهم شنهي يحجون
اكو ساكت وحلكه مخيط اخياط
وحجيه اشكد حلو بنضرات العيون
من ابزك بالحجي لا تزعل ارجوك
اسمعني وكول شكرا
الابرة من تبز الثوب يا صاح
قصدها تخيط ابشك اليشكون
وداع الي تكرهه يريح البال
اوداع الي تحبهم يعمي العيون
الماي اشكد حلو بحلك العطاشه
بس شلون نقمه اعله اليغركون
تطلع الروح اكو شغلات مرات
بس مرات هي التردلك الروح
اذيه الباب من ينفتح للريح
بس اشلون لو بالسجن مفتوح
ابنادم يضرب اللوح ابسامير
لكن من يموت اشابكه اللوح
اكو من الفرح يبجي حيل مرتاح
واكو شابع ضحك بس هو مذبوح
اكو ايده طويله كلشي ما لاح
وابو الفضل بلا جف وكلشي ايلوح
اكوكلشي ما يملك عاش مرتاح
واكو يملك الدنيا وعاش مسكين
اكو يعوفك اسنين وجنها ساعات
واكو يعوفك دقايق جنها اسنين
واكوما يباوسونك بس يحبوك
واكو رب المباوس بس شياطين
اكو بالكبر بس مو موته عاشو
واكو مو بالكبر بس همه ميتين
اكو جفه انكطع بس موش عباس
واكو يذبحه الشمر بس موش الحسين

الشاعر عبد الحسين الحلفي

تحياتي لك اخي الحميداوي
وتغمد الله روح الاخ الشاعر
عبد الحسين الحلفي بوافر رحمته

انا لله وانا اليهِ راجعون
رحم الله الشاعر الحلفي..لقد كان منارآ في الشعر الشعبي.وكلنا على هذا الدرب سائرون!!! تحياتي واحزاني.

لاحول ولاقوة الابالله العلي العظيم
خبر مؤلم جدا
حقيقة انا من محبي عبد الحسين الحلفي كثيرا
والخبر آلمني جدا
انسان تعجز ان توصفه الكلمات
رائع بكل ما للكمة من معنى
احساسه صادق
كلماته بسيطه تلامس الوجدان
وتحمل من المعاني ارقاها
الى جنان الفردوس ايها الرائع
ستبقى خالدا في ذاكرة محبيك
كل الشكر اخي الطيب يحيى
دمت ودام لنا القك

رحم الله روح الفقيد الشاعر الكبير عبد الحسين واسكنه فسيح جناته
عملاق من عمالقة الشعر
ولكلماته وقع كبير على الروح يلامس الواقع بكل شفافية


فإنا لله وإنا اليه راجعون



مع تحياتي وشكري لك عزيزي يحيى
لنقل هذه القصيدة له



نبذة عن حياة الشاعر الكبير بروحه دونت قبل عام من رحيله
http://www.alforat.org/showthread.php?t=115244 (http://www.alforat.org/showthread.php?t=115244)

انا لله وانا اليه لراجعون
هذا حال مثقفي وشعراء وفناني العراق وهذا حال وزارة الثقافة العراقية التي اهملت العديد من اعلام العراق في كل المجالات فهناك مظفر النواب على سرير المرض وهناك كريم منصور وامل طه والقائمة تطول اذكر هنا لقاء للملحن الكبير والمهمل ايضا في غياهب الغربة حين قال مبدعو العراق لا يكرمون الا بعد موتهم وها نحن اليوم نفقد احد اعلام الشعر الشعبي الحلفي الذي صارع المرض لعدة سنين لم يرى من مسؤلي العراق الجديد على بابه يوما
شكرا ايها الشاعر يحيى تعازي العجارة لك

أنا لله وأنا اليه راجعون ......
شكرا لكم أيها الشعراء الطيبون ....
لنقرأ سورة الفاتحة ترحماً على شاعرنا المبدع .....