لسان حال العقيله زينب بنت أمير المؤمنين

*****


اجيت بكسرة الخاطر يولياني
ومحـّد نهض من گبره وتلكاني
يمكم جيت يا ولياني واتعـنيت يا وليـاني
*******************
أناحط بالحزن واتعثر بصبري
مثل مجري النهر جفني بدمع يجري
عساني ميته ومتوسده بگبري
ولا أرجع واشوف گبور خواني
يمكم جيت يا ولياني 0 واتعنيت يا ولياني
000000000000000000
اذا وياي نفرض تظهر الزهره
تشوف حسين ابنهه اموسد بگبره
شتگدر بعد تخفي وتظم يا عبره
بلاشك هيه مثلي وأكثر تعاني
يمكم جيت يا ولياني 0 واتعنيت ياولياني
0000000000000000
بعد نفرض ابويه المرتضى ويايه
يعاين گبر اخويه صاحب الرايه
أكيد بسيفه يفني العلگمي ومايه
ويحرگ من حرگ بالنار صيواني
يمكم جيت يا ولياني 0 واتعنيت ياولياني
00000000000000000
هاي المشرعه ومصرع گمر عدنان
وهذا المذبح اهلي البقت عالتربان
وهذا هنا مچان خيامي والصيوان
وهنا چنت أشاگف سوط عدواني
يمكم جيت يا ولياني 0 واتعنيت ياولياني
00000000000000
اجيت وريت من درب اليسر لاجيت
اذكرت لمن وحيده بغربتي ظليت
طفت عالتل صحت وبدمعتي ناديت
وين ابن الوديعه الوحدي خلاني
يمكم جيت يا ولياني 0 واتعنيت ياولياني
0000000
الشاعر الحسيني جابر الكاظمي

احييك اعلى شعرك يا صديقي بشوق

وارد لازم على كــل مــا كــتـبـته

ولأن حبك بقلبي ونابت من ازمان

ونص من عنده لعيونك رهنته

لعد المن صديق وما أرد عليك

اشوفك تكتب ويمك أمر سكته !

طبع بيه وحقيقه وغايته يا محمود

طيب ابطيب شخصك انه قابلته

تحياتي لهذا الذوق
نقل وختار موفق ياصديقي
تحيااااااااااااااااااااااااااااااااتي
وامنياااااااااااااااااااااااااااااتي

احييك اعلى شعرك يا صديقي بشوق



وارد لازم على كــل مــا كــتـبـته


ولأن حبك بقلبي ونابت من ازمان


ونص من عنده لعيونك رهنته


لعد المن صديق وما أرد عليك


اشوفك تكتب ويمك أمر سكته !


طبع بيه وحقيقه وغايته يا محمود



طيب ابطيب شخصك انه قابلته




أشكرك صديقي العزيز وبارك الله بيك

مداخلتك رائعه وشعورك شعور انسان شريف

لك مني أحلى التحايا

تحياتي لهذا الذوق

نقل وختار موفق ياصديقي
تحيااااااااااااااااااااااااااااااااتي

وامنياااااااااااااااااااااااااااااتي



تسلم يا طيب يا أبو حيدر

لمرورك واحساسك النبيل

لك احلى تحياتي