يالطعمك عسل ماترحم العطشان..

ولو گطرة نده شوي خاف من ربك

نصبك بستكان الچـاي چاي غروب..

من كثرة حلاتك چـاينه يشربك.

........

مر بيه فرح يالشوفك انت العيد..

مو ذبلت چـفوفي تريد عيديه

غصن ذبلان گلبي وأنت بيدك ماي..

تمر عالناس كلها وماتمر بيه.

........

بالسلامه تروح وترد بالسلام..

يانسيم الشوگ ياعطر الهوه

يالطبع روحك طبع جنح الحمام..

الگضه سنينه بريح يلعب بالضوه

تدري گلبي الفاض شوگه من الغرام..

فاض شوگه وعطش وبچـفك روه

يا ترف والعين بس الكم تنام..

لأن رمده وتحس شوفتكم ضوه.

.......

اشتهيك حچـايه حلوه..

حچـايه مليانه محبه تصير للعشاگ غنوه

حچـايه مليانه عواطف منك ارد اسمعها فدوه

حچـــايه لو غيرك حچاهه تصـــــــير بلوه.

.......

أشتريتك ونت غالي ..ورخصت روحي بهواك

وتعبتني وما گـلتلك تعب اگليبي جفاك

وشتهيتك..دنيه حلوه تعيشها سنيني بغرامك

بيها افرح ايام عمري وانشتل شمعه المرامك

ووشتعل شمعات روحي ..وتعرف گليبي النسيته ومانساك

بس اگــلك وبقه اگل كشوف عمري برخص بعته وهوه بسنينه اشتراك.

........

اتبيعني وارضه اشتريك..

وكون اشوفك ..كون احضنك .. كون اجيــك

كون احط شفتي اعلى شفتك ونسه روحي وحگها روحي تذوب بيك

ونت ندوة ماي صافي ..ولو عطشتك تنگلب تيزاب وارضه واشتهيك

( وحتى لو لبـــك تســـــــــــــلس بس گــشر هم اشتهــــــــــــــــــــــــــك).

.........

الخوف يرحل..والزمان الجاي بجفوفه عشگ

يمسح اعيون الغرگ بيها الدمع..

ونتلاگه اثنينه انفض للشواطي..اسوالف الطين اليسولف للنبع

دجله عاشك والفرات اهدومه بيض

يجري بيه الشوگ ومعاتب يفيض

الناس حلوه

الگاع حلوه

وليل بغداد الحبيبه امنور ابضي الشمع.

..........

الليل چلچل...والهوه برحي قصيده
تحچي عن هموم شاعر..يكتب الكلمة بوريده
شاعر تهزه الليالي..
ويكبر بروحه عشگ..
ويفيض من الطيب كلبه ويترس الدنيه صدگ.

.........



ضيعتني وچنت احسك.. بالحنين تفيض شوگ
وگدرت عمري اعلى خصرك..ثوب والگذلتك طوگ
ونت حتى جفاك غالي..ومن اريد انساك روحي تبوگـــني الطروك بوگ
وآنه عطشان الحلاتك ياطعم شفتك حبيبي عسل بس يحتاج ضوگ.

تريدني احچــي بعد شحچي الناس ماتفهم حچينه

نكتب الكلمه بدمعنه ونحترگ والبينه بينه

الدنيه نمليها محبه ونشتعل شمعات بدروب المدينه

ونترس اگلوب الخلگ طيبه ومحنه وبس المفارگ بدينه.

.......

عذبني الهوه ومليت..

وفر بيه زماني ادروب الولايات بس لدروبهم حنيت

ونطاني الوكت جنحين..طرت ويه الطيور بعيد ...بس رديت چني الهم حمامة بيت.

........

ما أنصفت يا زمن .. كلش قسيت وياي

مهموم جبت العمر..متعذب بدنياي

تحاسبني مثل البشر .. وتگلي ماكو فرق..
اشلون ماكــــــــــــــــــــــو فرق

يعني البچفه جـــمر .. مثل البچفه الماي

والگضه عمره بشمس .. مثل الگضاه بفياي.

.....

تعبان أنه يازمن..مابيه حيل النوح

مهموم من دنيتي ومن الوكت مجروح

تعبني هذا العمر .. اسنينه تركض ركـض

ماتشمر اعلى الفرح بس للجروح تـــــروح

وآنه ابربيع الورد كاتل گــليبه العطش بس جوري خده يفوح..
......


تحياتي..... الشاعر عدي فريد..
29\1\2011

اشتهيك حچـايه حلوه..

حچـايه مليانه محبه تصير للعشاگ غنوه

حچـايه مليانه عواطف منك ارد اسمعها فدوه

حچـــايه لو غيرك حچاهه تصـــــــير بلوه.
.............................
الله روووووعه ياروعه
ومضات غايه في الجمال
غزل وعتب راقي جدا
شكرا لمدادك الوارف ياشاعرنا الرائع
لاتحرمنا المزيد
وافر احترامي

كلمات غاية في الروعه حتى اني نقلتها
لملف خاص بجهاز الكمبيوتر
تقبل مروري

ضيعتني وچنت احسك.. بالحنين تفيض شوگ
وگدرت عمري اعلى خصرك..ثوب والگذلتك طوگ
ونت حتى جفاك غالي..ومن اريد انساك روحي تبوگـــني الطروك بوگ
وآنه عطشان الحلاتك ياطعم شفتك حبيبي عسل بس يحتاج ضوگ.

تريدني احچــي بعد شحچي الناس ماتفهم حچينه

نكتب الكلمه بدمعنه ونحترگ والبينه بينه

الدنيه نمليها محبه ونشتعل شمعات بدروب المدينه

ونترس اگلوب الخلگ طيبه ومحنه وبس المفارگ بدينه.


الله كلمات روعة تداعب الوجدان صح لسانك
يامبدع لك كل الحب والمودة

ان للابداع عنوان
هو عدي فلك ولقلمك جبال الورد
والود يالغالي تحياتي ايها
الرائع

شكرا لك ام علاوي ...
ايتها الرائعة في استساغتك للادب الشعبي..
كل ما تاتين به رائع وجميل .. لك ذائقة رائعة ..
دمت لأخيك شجرة مثمرة ياغاليه..

الأخ الغالي عدي
كل ما تكتبه جميل وينم عن قلب متدفق العواطف
شكرا لما تمتعنا به من نتاج راقي
تحياتي وتقديري

الله الله ماأرق ماتكتب
اردت ان اقتبس بيتا واحد فلم استطيع
لان وجدت نفسي في بحر متلاطم الامواج
ابيات وكأنها الرعد والبرق والامطار والامواج المتلاطمة
بوركت اخي
تقبل مروروي
المنصوري

دجله عاشك والفرات اهدومه بيض

يجري بيه الشوگ ومعاتب يفيض

الناس حلوه

الگاع حلوه
0000000000000

الله عليك يا شوك وعلى ابداعاتك الرائعه السلسه

بانسيابيتها الرائعه التي تفوح عذوبه

لك مني أطيب تحيه وتقبل مروري بصفحتك الجميله

الله يوفقك على هاي المخيلة الادبية الرائعه
موسوعة صور ومجازات شعرية صادرة من
شاعر متمكن ومبدع

كلمات غاية في الروعه حتى اني نقلتها
لملف خاص بجهاز الكمبيوتر
تقبل مروري



شكرا لك واعتز بك يا رائعة..
شكرا ..لك

ابداع جميل جدا حبيبي عدي

تحياتي لك واتمنى التوفيق

مروري بك هو اعجابي الشديد بما تكتب 0

شكرا لك فاتن الرائعة..
عطرتي صفحتي بما نثرت من حروف
فكل حرف له عطر خاص اعرفه يا غاليه..

رائع انت واروع من كل حرف
ينزلق من بين طيات قلبي
ليلصق بحنين على ورقة
حب تراها عينك يا رائع..

شكرا..

شكرا لك سومري الروح
والفكر ايها الانيق ..
كم انا سعيد لوجودك
في متصفحي
دم لي