السلام عليكم
العنوان مقتبس من عنوان رواية الكاتب ماركيز (الحب في زمن الكوليرا) وما كتبته لا اقصد به اي شخص واحترم جدا الشبكة العنكبوتية وانا من المدمنين على استخدامها , واحب ان انوه اني احترم الجميع ولا اقصد بكلامي اي احد .

الحب في زمن الكومبيوتر بقلمي
اضغط انتر
يالتحب كل لحظة تفتر
مرة ياهو ,مرة تاكد , مرة سنجر
اضغط انتر تشوف دنيا غير دنيا
بيها كل ما تحب وتصور
ناس تحجي ,ناس تبجي, ناس تشعر
وناس من ضيم الدهر
تدخل تدور
بلكي تلكى الضاع من دنياها وتدهور
اضغط انتر
تشوف عالم غير عالم ,هب وتطور
وانته مثل الناس
البس اقناع وتغير
مرة ابيض مرة اسود مرة احمر
ولا تحسب احساب الصدك
هيه لعبة كيم كل مرة تفتر
مرة اوفر ومرة استارت وتحضر
جمد احساسك تقوى
لا تذب للحب انكر
دردش وحشش لا اتبطر
الصدك مو هذا وكته
هذا وكت النت ..ليش تسهر
البس اقناعك ..تبختر
شوف حسنه ..شوف شنور ..
شوف عنبر ..صار مستر
نصب بوندوزك افريز
حتى تبدي من جديد
ينمسح كل شي ويتدمر
هيه ساعات وتروح
حجي النت ما عليه محضر
وابقى صاحي .. دير بالك
تنسى روحك ..وتقشمر
ابقى يقضان وتحذر
افتح السكيورتي كله
قوي قلبك لا يتكسر
الهوى فايروس اخطر
ناره تجوي ناره تسعر
لا تحسب احساب الحقيقة
عل الياهو ماكو دفتر
اضغط انتر
وانسى اسمك وانسى رسمك
هسه انته نمبر
رقم من بين الارقام
زيرو زيرو واحد اغبر
ولا تنسى من تطلع تذكر
انته زيرو .....زيرو اغبر

بحبر قلمي

ان قلت كلامك صحيح سوف يلومونني الكثيرون
ولكن ان اغلب مايحصل في عالم النت الذي وصفته سطورك هنا
فحقا ابدعت بالوصف لفئة من الناس التي تكتمل وتنطبق عليهم بها تلك السطور



الف شكر وتقدير لتلك اللوحة الرائعة

الف شكرا لك اخي العزيز على الموضوع والشعر الرائع
ننتظر كل ماهو جديد ومفيد
مع التقدير

هدانا الله وهدى كل من يتخذ هذه الأمكنة وسيلة للتلاعب بمشاعر الغير

شكرا لك عزيزي
على جميل هذه السطور وحقيقتها التي باتت جليّة لنا

قصيدة ظريفة دام لنا تواصلك
مع تحياتي لك