كثرة الفقره وصار عدنه ايتام
ويا جرح النضمده ينفتك نفسه
قصصنه اهواي كلش اتبجي العيون
اليسولف قصصنه ينصرق حسه
مانضحك ابد مقسوم هيج انعيش
واليضحك مو فرح يضحك علنفسه
علـدرب الـعـدل مشـينه الكـلـوب
عاندنه الدرب وسوه الف طسه
اذا قصدك قهر مليانه الكلوب
نتفاجئ ابشخص لو همس همسه
شاعرنه الفقير خلص الكلمات
كتب للوطن صوته وخلص حسه
ريوك امي الدعاء هيجي متعودين
من الله الاجابه ومانزلة الهسه
عدنه اخطاء كلنه وسوينه تحويل
عشره اوقات انصلي مو فرد خمسه









الشاعر عثمان الشمري

صديق جديد الكم واخ انشالله

الاخ الشاعر عثمان الشمري
اولا اهلا بك اخا بيننا
نتشرف بيك
ثانيا قصيده جميله جدا وبدايه موفقه بأذن الله
لاتحرمنا جديدك
لك وافر احترامي اخي

قصيدة جدا جميلة شكرا لك اخي الغزيز بس هذا البيت شنو معناه اذا امكن

اليسولف قصصنه ينصرق حسه

الاخ عثمان الشمري
اهلا وسهلا بك بين ربوع الفرات
منور بين اخوتك وخواتك
وتسلم لجميل تلك السطورالتي تحكي واقع حال
تمنياتي لك بالموفقية
تحياتي

أهلا وسهلا بك اخ عثمان

احسنت عالقصيده الحلوه

وتسلم الأيادي