المساعد الشخصي الرقمي

مشاهدة النسخة كاملة : سألت العارفه بقلمي


محمود شاكر الهلالي
20-01-2011, 02:26 PM
نحت وعيوني راحت - من نحي الهه

وامـــوتـــن بالـــجــدايـل - من احلهه

قضـيــتي وياك صـعـبـه - من احــلهه

سألت العارفه والحگ إليه

000000000

بقلمي
محمود شاكر الهلالي
21-01-2011, 01:01 PM
چنت واهم بشخصك - حالمني

ولغزك وحـدي اعرفه - حلـّمـّـني

اذا شــايف يــصاحـب - حاله مني

السبب انته وغيابك عم عليه
محمود شاكر الهلالي
21-01-2011, 07:06 PM
بعــد وياك ما طــالــــب - وداعي

وعــلــيك بطـيـب ما أسأل - ودعـّي

حـِله من اليوم وي شخصك - وداعي

واگــول انتهت لمـتـنه الهنيه
محمود شاكر الهلالي
21-01-2011, 07:27 PM
كتبت هــواي لجلك - بسمي انه


الگضيته وياك رايح - بس ميانه


ومن هالساعه اگــلـك - بس ميانه


انتهت وياك لاتزعل عليه
محمود شاكر الهلالي
21-01-2011, 07:31 PM
ســلام الله عـلـيـكـم - ياربــعـنه

اشترينه جوار وابداً - يار بعـنه

أنتهيت بساع مالك - ياربيعـنه

بعدني بعز ّ صباي وحيل بيه
احلاهن بطة
21-01-2011, 07:49 PM
الله عليك وعلى هذه المجموعه الرائعه من الابوذيات
سلمت يداك ياطيب
وسلم لنا مداد قلمك المتألق
ودي وتحيتي لروعة
ماامتعتنا به هنا
تقبل مني كل الود
محمود شاكر الهلالي
21-01-2011, 07:52 PM
طـيـور الغـّربت محـّد - شـلـلهه

ولاواحد ثنى رجله - شللهه

جحود البعض زادلهه - شللهه

وزاد الشلل نكران الهويه
محمود شاكر الهلالي
21-01-2011, 07:57 PM
كل واحد حسب نفسه - عــزلهه

نكر غيره وعن الباقي - عزلهه

إهي الخوان مطلوبه - عازه الهه

تفك عازه وتطيب البيه أذيه
عادل المنصوري
21-01-2011, 10:06 PM
انخه وشوفني بعوزك وجيلك

اخوي ونشمي اعرفنك وجيلك

غربل زين ابن عصرك وجيلك

وبالك لاتقيم عالهويه
محمود شاكر الهلالي
27-01-2011, 05:13 PM
انتظرتك والعيون هواي حيـّت

أهلا بيك گـد ما گـلت - حييت

غربلت البعض واطلعوا - حـيـّات

وخلـّوا بالگـلب علات ميه

00000

تحياتي لك أخي عادل المنصوري
محمود شاكر الهلالي
27-01-2011, 05:19 PM
نكـُر بالشعر كيف انريد - من كر

وصعب كاره لعد الغير - من كار

ورانه شما كـتـبنه يكون - منكر

وبذكر النبي وآله هديه
محمود شاكر الهلالي
27-01-2011, 05:39 PM
وانته الچنت شايل طيب - من طيب

اعله علتك دورت ما شفت من طـِب

صدگـــنا بعــد للــدار - مـــنـطـب

ألا انشوف شخصك بالثنيه
الشيخ ابوحيدر
27-01-2011, 05:55 PM
الظاهرتريدها صفحه خاصه لك ولاكني لم استطع المرور بلارد
فتحياتي وحبي لك يامبدع سلامي للوالد
محمود شاكر الهلالي
27-01-2011, 07:44 PM
الظاهرتريدها صفحه خاصه لك ولاكني لم استطع المرور بلارد




فتحياتي وحبي لك يامبدع سلامي للوالد



أيه نعم سأعملها صفحه خاصه ان شاء الله


وصلت تحياتك للوالد عمي العزيز ابو حيدر


000000000


يگولون العدل للعــدل ياره


واذا جيران يار يشوف ياره


حچيه وي حچينه بطيب ياراه


يجارينه ونجاريه بسجـيه