يادار بعد اخوتي والزود حالي رده

هيهات للغربوا من كربلا من رده

ضليت بين الغرب واهل الغدر والرده

انكرو سيفك علي والمصطفى والملا

يدرون بيك القضا يوم الشدد عالملا

هالصار خصمك يلم كوم الضغينه وملا

حيران بيك الزمن يابو الحياده وجان

يامن فنيت الانس وشهود اميه وجان

حت لو شمت من جتل كرة علي وال جان

عباس يبكه هلي ورايه ترف لا يزل

قلبي بذجرهم سلى هيهات فكري يزل

للموت انعى الطهر ومصابهم ما يزل

للبالطفوف الخضب صارت اله جفين

املاك هاي الدنا لجل النحر جفين

من صاح وسفه العلم والجود لل جفين

ماي الفرات انتفض صاح الضليمه وثار

حيل العرش للنزف صوب الشرايع ثار

انشد ينجل الحسن ثارات الك مو ثار

بالسيف دم الطهر يالمهدي كوم ورده

رحيم الحسناوي

زنجيل رائع من الزهيري

شكرا لك ولاختيارك خيتي حلومه

تقبلي احلى تحياتي ودمتي للابداع

الله يالشرقية انتقاء رائع في الزمان المناسب لا سيما ونحن نعيش مأساة عاشوراء الحسين وذكرى استشهاد الامام الحسن الزكي
فلك كل الشكر والتقدير اختي العزيزة