احضني مخدته ونامي واتركيلي دمع يجري

وشميها بمحبه وشوكَ عطره البيها مو عطري

جنت راسم هواج احساس واشم بيج الهوى العثري

وجنت متصورج دنيا واعيش بدنيتج عمري

اثاريني جنت مخدوع مريض , مصخن , يهثري

ما ادري وصدك حبيت ما حبيت لو ادري

تكوليلي احب عطره واحب وياه كل ذكرى

واموت بظلمته ونوره واهيم حلوته ومره

واني اسكت ولا احجي لان مخنوكَ بل العبره

صدك غيري سكن كلبج وصدك واني طلعت بره

الف استغفرك ربي على لساني اجت كفره

يعني لحضنه تشتاقين يعني بجيته تحلمين

واني احلم بأثر رجلج اذا من يمي تتمشين

عيني التحلم بملكاج كون اعميها هاي العين

وكلبي الي يحبج موت كون بداخله تموتين

حتى من اشم عطرج انكرج اكول هاي منين

يلي من عذاب الشوك رف الجفن ما تسوين


اتمنى يعجبكم
للشاعر ضياء الميالي

ليش يتناثر عطرج عله الشمات
وانه اتاني وكلبي خلص صبره
ليش وانه اشسويت ياحلوة الحلوات
اتضوكيني انواع العذاب ومره
عساج بعشك بس ادموع واهات
واكلج اخذيهه ياناكره العشره

اعذري قلمي لأنه ارتجل هنا
واخرج حزنه المدفون تقبلي
مروري وتحياتي يافاتن

عقيل الشويلي تحياتي لك ولردك الجميل بس شلك عليه ياابن الناس تدعيلي باهات ودموع مو كفاني قهر مع كل الاحترام والتقدير يامبدع

ماأعوفج00
اشلون اعوفج00
وانتي طيفج نايم ابطبكَات صدري
اشلون اعوفج00
وانتي حسج صاردم بالشريان يجري
اشلون اعوفج00
وانه لجلج عايش اوبس الله يدري
راح اطش العمر وآهليه نذر عمرج
اوراح احني بدموعي جفج
راح افت الروح محلب يحل زلفج
سابكَت ايام عمري وضاعت بأيام هجرج
وانه اعوفج 0مااعوفج0 عيب اعوفج
سألي صدرج سألي شفتج
وسألي ساعات الموده وذكري كَلبج
باجر ايهل عيد حبنه
امذبح ابمنجل هجرنه
وانه ونتي نحبس الحسرات بضلوع النكر
نحبس الحسرات بالونه ودمعنه الدم الاحمر
والكَلب أحاااااه لو تدري جم مره انفطر
مثل هلة اهلال بالعام اثنعش بس انه اكثر
والجسم غلبيه وسط أحشاه سل تلكيني خفر
اومااعوفج 00
عيب اعوفج00
اشلون اعوفج00
اشلون اعوفج والحلم ليليه امسير عليه
اشلون اعوفج والعمر شمعه ضويه
راح ابقه اتاني حته ابشيب راسي
اوراح ابقه اتاني يم كَلب جاسي
وراح ابقه اتاني
يلي سهام هجرج صارت الكَلبي واشي
يل نسيتي العشره كَلهه
وكَلبي بعده عيب ناسي
لا تضنيني اعوفج00
عيب اعوفج00
مااعوفج00
تقبلوا تحيااااااااااتي وخالص مودتي
انتم المبدعون ونحن المستمعون
اسال الله ان تنال اعجابكم
هدار

شكرا الك ياهدار على هذه القصيدة الرائعة تحياتي لك يامبدع مع كل الاحترام والتقدير

جنت احسك ليل بضوي يلفني ترجية بعباتة
وجنت اشوفك شوك روحي وفرح كل عمري وحياتة
وعلمتني الدنية ضحكة...اتفيض وتذل الشماتة
وانتة كتلي الريح من تزهك تشك صدر الشراع وتشتعل شمعة لمماتة
وهيمتني وصرت اشوف الدنيا حلوة وبيهة اليوافي شحلاتة
وضوكتني الحب طعم وكليبي ضاكة وغصت بحركة لهاتة
وعاتبتني وكمت اعاتب عتب محبوب شغلاتة
وفتحت عالدنية عينة وكلشي بالدنية عرفتة
زغيرة وعيونك خذني مسافرة وي الشوك سكتة
وسهرتني بليل احلة من الصبح بعيوني شفتة
وكتلي كلبج لو رجف مني رجفتة
وكدرت نفنوف عرسي
وطوكت شعري وكلام الناس عفتة
وضحكت بوجهي الليالي
وكل جرح بالروح رفتة
وزرت صحن العشك وافتر
حافية ومرعوبة طفتة
وعلكت بالغرفة صورة
كلب وبخدة دمعتة
وكبرت الحيرة اعلى وجهي
الذابل التكتل صفنتة
وعاتبيتك من بعد وجفوفي بيدك
وسمع كليبك تدك بكليبي دكتة
عدي فريد..

العيون الجميلة لا تستحق ان ترى الا الاشياء الجميلة...
لك حبي واعتزازي..را ئعة انتي هي ترافة وشفافية ..ورقة

الله عليك ياشوك ياراقي كما عودتنا دائما وابدا احساس مفعم بالحب النقي الصافي صورة جميلة للحبيب الذي يعاتب عتب محبوب للحبيبة شكرا لردك الجميل مع تحياتي ومودتي

الله يامبدعة على هذا النقل تقبلي مروري المتواضع

شكرا لمرورك ياحسين الربيعي ولمداخلتك الجميلة مع تحياتي وتقديري