الاخوه الاعزاء
المحاوره الشعريه
بالابوذيه
هدار المنصوري00عادل المنصوري00ابو انور الاهوازي
على كل الراغبين بالمشاركه
ان يكتبوا رد بالابوذيه فقط
اهلا وسهلا بكل الاخوه والاخوات
وسوف نبدأ الأن
وحكَ السيرالدنيه وحلها
بيدكَ راس عكَدتها وحلها
اخبرك وصل لللحيه وحلها
بعد جف والنفس ينكَطع بيه

أتمنى لكم التوفيق بالمحاوره

موضوعكم جميل جدا

ويحسب لكم واتمنى ان يثبت

تقبل تحياتي 0

فكره رائعه وتقبلو تحياتي واظم صوتي الى صوت شاكر الهلالي با منيتي ان يثبت الموضوع لروعة الفكره التي يحملها

حرت من الوکت والوکت شلحال!
انقفل باب الفرح تدریه شلحال!؟
لون تسئل علی واتگول شلحال
الحاضر والمضن کلهن سویه

شکرا علی هذا الطرح الجمیل انشاء اله انا من المتابعین
وارجو من الله ان یوفقنی لرد جمیل یلیق بابیاتکم الرائعه
اخی الکریم وشاعرنا المبدع هدار منصوری واخی الکریم وشاعرنا
العزیز عادل منصوری وتحیاتی لکل شعراء المنتدی ولمن یشارک فی الموضوع
اخوکم ابو انور الاهوازی

يقول احد الشعراء

موته الحشمت بيها وناخيت
الكلب معثوث يا صاحب وناخيت
بركت وحل معبرها وناخيت
اديها امنين والمكضاض اليه

بحاضر ماشفت راحه وماضي
ورمح وكتي طعن كَلبي وماضي
انطفه شمع الذي يضوي وماضي
وصفت ظلمه علي هاي الدنيه
الشكر الجزيل للمشاركين المبدعين
تقبلو تحيااااااااات هدار المنصوري

بتوالي الليل انوح واون ظلمه
اعله دهري وشعمل وياي ظلمه
كسر تجايتي والذي ظل ما
اعرفه بالشدايد علي ليه

عشر كَلوب لهمومي يردلاي
على الراح وبعد ماضن يردلاي
اخبرنك بعد ماظل يرد لاي
ونزع حتى الجلد ظيم العليه

نتمنى ان يتم التواصل الحواري فيما بينكم ايها الشعراء الرائعين
ونامل ان تكون موسوعة رائعة لأجمل الأحاسيس والمشاعر المكنونة

فكرة جميلة عزيزي هدار وتشكر عليها
وسأقوم بتثبتها
نرجوا من الأخوة الشعراء التواصل والمتابعة
وبالتوفيق ان شاء الله للجميع

جلدي اويه العظم ظيمي فتاهن
وشت العكَل وي كَلبي فتاهن
يصيحن صوت يالنشمي فتاهن
ولا رفله جفن لورد عليه

وحكَ ابن الذي صاحو فتاها
روحي السحن ياعادل فتاها
يافاتي بسكَم وبهم فتاها
اعله روحي والنخيته كَطع بيه

النخیته من گطع مارد؟ میا لک؟!
دعوفه!الما عدل صاحب میالک
عادل موفرد ینعد میالک
وعلیه احسب یبو ذات الوفیه

موش احنه الحجينه من تراها
رجال وفعل تلكَه من تراها
ما اريد اليجيني من ترهه
ولعد الضيج يتعذر عليه

سنون عداي عظني ولاكن
انه الما اتعب من احبابي ولاكن
يديرون الوجه عني ولاكن
ادريهم دلال ومو جفيه

بقلمي الشاعر محمد الحميداوي

عدوي العظني بسنونه ولكني
جلد ماصحت يمه ولكني
غدرني من لكَه ماكو ولكني
اغربل بالالي ولمو اليه

الخير ما تشلحفله دلاله
باتله الليل نيرانه دلاله
الجفاني بشدتي تكَلي دلاله
يمنعه وما يتجي الناض بيه

جميل ماتختط اناملك ياابو العوادل

عد عينك يآسر من تنخيت
بظهري اعدل الشده منتناخت
يلني اعرفك مرهم من تنخت
كلبي وتصبح اضماد العليه

عساک ابخیر دایم سالمنه
ودم دمعی ابغیابک سالمنه
علی البصره واهله سلمنه
الاخوتک والذی ینشد علیه

انا اللي بالحزن ظهري تكلف
ولا واحد من احبابي تكلف
اذا جية المحب صارت تكلف
على الدنيا السلام وهاي هية

جميل ماتختط انملكم ايها الشعراء اللهم وفقهم وبارك لهم عطائهم

شکرا لک اخی عاطف المنصوری
وفقک الله لمراضیه

ثكل الهم حنه ضهري وكلفه
ولايمي ابو الكلفه وكلفه
انه الكَاضي جم عتبه وكلفه
ردس واحنه الظهر وكتي عليه

ابهم العلي احچیلک بظهره
شفت انجوم من لیلی بظهره
الصاحب منحنی اصوابه بظهره
وانا الظهر الظهریثر علیه(الولد الولد)

سلي برفع ياروحي وظهراي
وكَمت ما وجد بليلي وظهراي
اسهام البحشه ثبتن وظهراي
انكسر من شحو اخواني عليه
للشاعر المرحوم نافع المنصوري

ابوذية غاية في الروعة
لك اجمل التحايا

الدهر موبس الک حارب وعاده
طبع بهل الشیم یغدر وعاده
دخلی ابفکرتک نظره وعاده
ودشوف احسین ضل ابلا تچیه

كم قمر في الكون ؟ اثنين واحد في السماء وواحد قاعد بنص ال:66 (6):ــعين.

تجاي الحسين انكَطع يسراه
واخذ ابن الدعيه الحرم يسراه
لا شامت ولا للمحب يسراه
حال آل النبي البالغاضريه

الرايه بعد جفك ياكفلها

ومنو يكفي الشدايد يا كفلها ( كفو الها )

شلون انسبت زينب يا كفلها

وانته حديت ضعن اهل الحميه

اعجبني جدا ماخطت بيه اقلامك
دمتم بخير وعافيه

يحادي بضعن زينب عاين الها
عبيد الشمر حارس عاين الها
يزيد الأجه كَبله عاين الها (عجنها وهيئها)
القضيه من السقيفه وأجت ليه

وحك الي خلق الناس والجن
المصايب بدليل اليوم والجن
لون تشوف حالي تهيم والجن
وتبجي وتنكسر قلبك علية

الخیم بالناریا ابو الفضل وجن
وعلی حالي بچتلي الانس وجن
بعدک ماهدت یاخوي وجن
صباح وکل مسه عندي عزیه

قسم اقسم ابرب الانس والجان
سلتني الليالي الجفن والجان
ابنار الكفر يوم الخيم والجان
وذبح حسين والحره السبيه

وحكَـ نحر الحسين ونار طفه
وصلك ماي بخ الكَلب طفه
الزبد ياخوي ماله ركاد طفه
بس خوتك يصاح الصفت ليه

احبتي تحياتي لكم
ساشارككم عن قريب بعد ان انهي
مراسم الزياره الاربعينيه للامام الحسين ع
لاني مشغول بتنضيم المواكب
فلكم الف تحية حب يالغالين

الف الف هله بالشيخ ابو حيدر
صارلك فتره غائب عن الساحه
والله مشتاقيلك جداً والى كتاباتك الرائعة
مشاركتك اتشرفنه ابو حيدر وقبل كم يوم سالت عنك بمنتدى الاعضاء الغائبين انت والاخ الاستاذ عباس الفرطوسي اما ابو محمود شاكر الهلالي فاشوف مشاركاته جداً قليلة الله يوفقكم جميعا ايها الجبال
وانشاء الله تكونون بخير والسلام

شكراً لك اخي على
السؤال وتحياتي ياطيب
واسف على التاخير بس انشاء الله
ملحوقه

المثل شخصک یخي گلبي بچانه
ابغیابه چل عقیق احمر بچانه
اشتظن هم نشرب ابیتک بچانه
ونلم احبابنه ونسهر سویه

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

يكت دمعي عليكم ما بطلته
وادكَـ اباب كَلبك ما بطلته
بطلته ما كرمني مو بطلته
بطيفه وهم بخل جيته عليه

قال راهب المنصوري
جوت جفي دمعتي منلمسنها
عليهم بدت روحي منلمسنها(من المساء انينها)
تتوجع الناس منلمسنها (من الم سنها)
وآنه ابكل كتر آلأم بيه

اولا سلامي لک و للاخ الشاعر راهب

یدهري اشگد علی الطیب بلا لام
من زغره ویضل عایش بلا لام
احگره الوکت لا تعتب بلا لوم
اشفید الوم لفعال الدنیه

الحزن بالروح يا صاحب تربع



شراني برخص وبارخص تربع



موش اجديد المهادد ترى باع



الي وياه ايكر والفر عليه

چرخ الدهر دوخني من الفار
وحمس گلبي ابجدر مغلگ من الفار
العتوي یطلب المهله من الفار
الکره اعلی الذیابه اترید حیه
البیت منقول لشعرائنا فی الاهواز وشکرا

انه الذيب الصفيت بغير كَطعان



بشراها نياب اخوتي حشاي كَطعان



ما لحكَـ اولم السرج كَطعان



خيل الصبر عني ورمح فيه (ركض مسرعاً مسافه : فجه)

منو النكر عهده من عهد من
انهدم كلبك وكلبي من عهد من
عشكنا تعرف شوكت ومن عهد من
قبل الاسلام هسه تخون بيــــــه

توالي الليل انطرولا اريد حبيبي الخله دمعي يصب ولا ريد حسبته يوفي ويجي ولاريد حسافه شمت العدون بيه

حبیب الراح لدلال مارد
جفاني وملتفت مانشد مارد
ردت ویاه یگضي العمر ماراد
عساهه ابخت من وشه علیه

دليلي نفر كل صاحب والكرام
لأنك من اصل طيب والأكرام
الك ذاكره الماتنسه والك رام
ثلث تالاف كيكا وثلث ميه
ابدعت يامبدع للأفضل ان شاء الله
الشاعر علي الدراجي
(( ابو ملاك الباري ))

تصوغ الشعر ببداعک والک فن
ویعمري الکل نفل فدوه والک فان
الک چلمات تنعشني والک فن(مروحیة الحاسوب)
یبردن رمّنه الناره سریه
اهلا وسهلا ببن الفیحاء علی هذه المشارکه الطیبه
ابوانور الاهوازي

عليمن يا جدم سيرت وخطيت
وجثيره ذنوب منى شلت وخطيت
عمت عيني ظمت الخشف وخطيت
غشيم وردت الجيلات بيه

راسي گبال شماتي منصه
وصوت اليرعب الباطل منصه
الگلب شاعر وخرجيته منصه
ويغرد بيك كل صبح ومسيه

شكرا على الجهود المبذولة تقبل مني هذه الابوذية من كتاباتي المتواضعة
تخاصمنه وحجينه وانفعلنه
وصدك حجي فارغ وينفعلنه
شنو الزين تدري وانفعلنه
بفرد افراش نتمدد سويه



تقبل فائق حبي واحترامي وتقديري اخوك ضياء المحمداوي

السلام عليكم كلش حلوات صح السانك

النواظر عمن ودواهن تراكم
صبيهن مولح ودمعي تراكم
الوج بعلتي وأنــــــده تراكم
مشيتوا والنويح ناعاف الية
تحياتي...........

رائع رائع رائع
واكثر
هكذا هو قلمك عندما يطلق
صوته مدويا
انني هنا
انا الابداع
هدارسامي
اخي هدارسامي
عاشت ايدك وعاش قلمك
ننتظر جديد نبض قلمك بشوق
تحياتي لشخصك

شجاها الناس ياعادل شجلهه
التجله ايضنك اتهابه شجلهه
حمام الدوح من ناحت شجلهه
روحي وحن الي ورد ناح اليه

كلمات جميلة اتمنى لكم التوفيق والمزيد من الابداع

اريد الدنيا تصفى وياي بس يوم
واشوفك ياكحيل العين بس يوم
تنوح امي عليه وصحت بس يوم
الذنب ذنب الحبيب قاسي عليه

علام الناس ياصاحب علمها

كلمن شايل بچفه علمها

رواچيب النخل تطلع علمها

ابفرد بت وعثكَـ دفعن سويه

فرق بين النباهه وبين ماكر
ولا جدمي اصحبت فد يوم ماكر
الآسن من يكَطّر فوك ماكر
يطهر والفضل للطهر ميه

عاشت ايدك ياهدار اتمنى لك التوفيق

اشمعاین وانظر الحالک گلبلک
طاهروالدهر یفتر گلبلک
یحیرالکلمن الذاتک گلبلک
صخي والکرم بیک احسن سجیه