ما درينه
نضيع سنين العمر من بين ادينه
مادرينه
اشواكنه بلا مرسه صارت
وانطوه شراع السفينه
ما درينه عيونه تباوع سراب
ونشرجنحانه الوهم خيم علينه
لاحبيب اليدري بينه
لابخت تنظرنه عينه
جنه نحلم والحلم شد الرحال
ولملم اكتاره الصبح وابعد علينه
وانه وجروحي بقينه
سكته عشنه بلا كلام
واحنه من كثر العتب خلص حجينه
ما درينه نبعنه بدروب الحزن
وانذبح بينه العشك غفله ونسينه
اشكد وفينه
اشكد تعبنه
اشكد بجينه
وما درينه احبابنه ينكرون حبنه
وبعد ما بيهم وفي اليسئل علينه
خل نشد جروحنه بخيط الملح
خل نناطر بلكت يطر الصبح
خل نسافر دمعه بدروب البعيده
خل صبرنه يصير كلمه بكل قصيده
كلشي بيده
هذا دهري المانصح وياي ما راواني عيده
واني يا عيد الانطره دمه ينزف من وريده
وينصلب بهلال حزنه
وينذبح كلشي النريده
ما درينه
الكلب ما يعرف فرح بس عايش بدمعة ونينه
ما درينه


بقلمي الشاعر محمد الحميداوي

الكلب ما يعرف فرح بس عايش بدمعة ونينه
ما درينه


المبدع دوما سطور حاكت الروح والقلب والوجدان
لا تعليق اكثر امام تلك القصيدة
سوى انها رائعه رائعه جداااا
الف تحية لك

اشكر مرورك وتواصلك انثى شرقيه لك مني كل ود واحترام تحياتي لك يا مبدعه

الگلب ما يعرف فرح

بس عايش بدمعة ونينه

ما درينه
000
ابداع جميل وانتقاء رائع
كأنك من الجيل الذهبي
تحياتي وأمنياتي 0

واني يا عيد الانطره دمه ينزف من وريده
وينصلب بهلال حزنه
وينذبح كلشي النريده
ما درينه (http://www.alforat.org/showthread.php?t=152346)
الكلب ما يعرف فرح بس عايش بدمعة ونينه
ما درينه


مشكور اخي اتمنالك الموفقيه يارب

اشكر مرورك اخي الاستاذ المبدع شاكر الهلالي تحياتي لك ماهو الا غيض من فيض ابداعكم تمنياتي لك بالموفقيه

الشايب العراقي اشكر مرورك ودمت بالف خير يا غالي