To my bitter-sweet


آه يانسمة عذيبي الجانت تمر اعله بالي
وآه ياجالي الجرف
يالبيك كَظيت الليالي
آنه صخره بشاطي بحرك
لا تفتني بروج عالي
يالتعاين من بعيد
اتشوف شامخ دكَل خالي
محر ومد شوفك اتمعن بحالي
آنه مركب من سنين الظيم
كسرتني اعله جالي
وآنه باحضان الحزن هزني ويلالي
وآنه طفيت لجمرتي
من اطفحت بيه دلالي
آه ... ياطيف الحبيبه الغالي
بهيده رَض الحيل ريض عالتوالي
ومن تفرها بهيده فرها
بهيده يا راعي الكَطب طاكَـ التفرها
روحي طحنتها الليالي
يا حبيبي ... بهيده ذرها
ولا تمرها ...
لا تمرها ارجوك خليها بثمرها
وخلي لمدلايه بالذل بثمرها
أَلتفت صوب الغريب
وما حسبت حجارتي بجفك شمرها
آنه سمجه ونايمه بكَصبة حنان
ليش بالفاله تزرها
آه ... ياكَلبي اللمح بالضيج فرها
جيت اتشلبه بسلالك حيل جرها
جرلي روحي الكَابعه بطينة نهرها
بهيده يا منكَاش لا تبحث جمرها
خلي عيني السلهمت بين الرماد
اتعودت واتعود اعليها دثرها
وخلي روحي النايمه بسفح الجبال
شترتجي من الوادي لو نكَط مطرها
يالعدت بيه الحياة ...
وانكتت هالروح من الذكريات
حسبت وياك اظل حد الممات
ما حسبتك ذيب ويباريله شاة
آه ... يالمرك حلاة
وآه .. يالحلوك شري
روحي ناكَه البالصحاري
وليك اكريها كري
موش جي لنك ثري
كلنه من طينه انخلقنه
وكَبر واحد بالغري
لجن احسبتك امان
وكوخ الي بجور الزمان
لجن اللي ما حسبته
الخنجر الشكَـ ظامري
يطلع من اجفوفك انته
ولا حسبت الموت من كاسك جرعته
طعنِتَك يالجرحَت الحباك
للشامت شفته
طَعنِتَك يالجرحت الحباك
للشامت شفته

الأخ العزيز عادل
قصيدة مميزة يعتريها الم وحزن
ويعلوا بين كلماتها صوت الغدر والخيانه ومرارته
اخي الغالي اعجبني نزف قلمك
ننتظر جديدك
تحياتي
ينقل الى منتدى الشعرالشعبي

مبدع يامبدع قصيدة قمة في الروعةومفردات رائعة جدا

جميل يا ابو العيد صور شعريه غايه في الروعه والاتقان وكما تعرف انه اكثر ما يسحرني بالشعر هي الصور الشعريه .

عاشت اناملك ياابو العوادل
على انتقائكهذه الكلمات السحرية
تقبل مروري
عاطف المنصوري

اخي السومري لك كل الود والتقدير على مداخلتك وآسف لان كل ظني كتبتها بالشعر العام

قصيده من الجيل الذهبي

وحلوه جدا أخي العزيز عادل

تحياتي لك ولقلمك المميز 0

آنه سمجه ونايمه بكَصبة حنان
ليش بالفاله تزرها---------
-----------------------
جرلي روحي الكَابعه بطينة نهرها
بهيده يا منكَاش لا تبحث جمرها
خلي عيني السلهمت بين الرماد
اتعودت واتعود اعليها دثرها
وخلي روحي النايمه بسفح الجبال
شترتجي من الوادي لو نكَط مطرها

رائع ما تخطه انملك اخي عادل دمت مبدعا متالقا مسافرا في فجوج الخيال تاتي بكل ما هو جميل ومعبر تحياتي لك يا رائع دمت بالف خير تقبل مروري



























































ط

شكراً للاخ الغالي سيد ستار على الاطراء الرائع

عزيزي وابن خالي عاطف شكراً جزيلاً
على مرورك

آنه سمجه ونايمه بكَصبة حنان
ليش بالفاله تزرها
آه ... ياكَلبي اللمح بالضيج فرها
جيت اتشلبه بسلالك حيل جرها
الله الله..
را ئع بشكل...قصيدة نابعة عن احساس صادق
ولهذا دخلت القلوب من روعتها وجمال صدقها
شكرا لك ..يا رائع..

الاخ العزيز ابو محمود كل الشكر والتقدير
على مرورك الكريم ولك كل الود والاحترام

الاخ العزيز محمود الحميداوي شكرا لمرورك وتعليقك المشجع وهذه شهاده اعتز بها من قبلك ومن قبل الاخ
شاكر الهلالي

الاخ العزيز شوك الشفايف شكرا جزيلا فان تذوقت القصيده فهذا يدل على احساسك المرهف وشكرا

عاشت الانامل الذهبيه والاحساس المرهف والرسم بالكلمات يا فنان

مشكور سيد ستار الغالي هاي المره الثانيه اللي تعلق على القصيده فهذا ان دل على شيء دل على اعجابك بهذه القصيده فلك مني كل الود