طفح كيل الصبر راح اكشف المظموم
والبكلبي يكلك بي تره لساني
راح اعلنهه احبك خلي كلشي يصير
انته اسمي وحياتي وانته عنواني
موداعي تحبني وانته حربهاي
بس من طرف واحد حبي للثاني
عذبني بصدودك واني راضي يصير
حبك موت وبحبك اموت اني
صح عندك قساوه وتظلم الحبوك
بس ظلمك احسه بقسوته انساني
لو تسألني واعرف ليش احبك ليش
اكلك ما شفت مثلك ابد ثاني
بعيونك تلم انته اظن سبع بحور
واحس تفاح خدك والله لبناني
ورموشك حرير وحاجبك مرجان
وشعرك ما اوصفه اعجاز رباني
واشوف الحلك جنه وشفتك بستان
والركبه مناره ونقش سلطاني
احس اتعب اذا اعد الجمال البيك
جمالك حتى روحي انساهه خلاني
من شفتك كلت لاهذا مو انسان
اظن هذا ملاك من السمه وجاني
ومن اسمع بأسمك عقلي مني يطير
واظل يم بابك احرك روحي ومتاني
وكطعت الوريد وردت اشوف اشبيه
مودم انته تجري بوسط شرياني
اذا كلبي تريده شلون ابخل بيه
وانه بكل وكت شمعه الك تلكاني
اخذعمري الك جذب عليه شبيك
وكلي اني احبك وارضه اموت اني
نسيت انه الفرح من كمت اني اهواك
واسولف وي دمعتي هواك خلاني
مااركص طرب لتغرك الظحكات
اقشمر روحي واضحك ويه احزاني
اعتقد حظي الدمع والاه والويلاه
وهمومي ارضعتني وحزني رباني
واول ما عرفت الحب خذتني الروح
وجابتني عليك وجدمي وداني
من شفتك كلت لو هو لو ما اريد
واكتل روحي لو ما ردت تهواني

بقلمي الشاعر محمد الحميداوي 25/12/2010

سلمت يمناك اخي على مانثرت لنا

من ابداع وتميز متواصل

قصيدة تدخل القلب من أول قرائتها

لقد استمتعت بكل حرفآ شاهدتهُ هنا

ما اعظم قلمك استاذي العزيز

لاتحرمنا من هذا الابداع الجميل

تحياتي وتقبل مروري البسيط

عاشت ايدك وصح لسانك اخي الكريم
ارجو قبول مروري المتواضع ومداخلتي بيتين من قصيده لي بهذا المعنى

مصيبه لو تحب انسان مثلي من طرف واحد
ومصيبه اكبر اذا يدري ومحبتك صار ينكرها

يسامر غيرك ويسهر وعنك ابد مو ناشد
واذا طابتله السهره تشوفه للصبح جرها

مع اعطر التحايا

اشكرمرورك اخي جبروت رجل واشكر اطرائك الذي عطر متصفحي

اخي الكناري اعتبر مداخلتك عطرا فواح ينشر اريجه بين طيات متصفحي اشكر مرورك الغالي

احسنت أخي العزيز وصح لسانك

قصيده رائعه جدا ويسلم قلمك

اشكر مرورك اخي محمود واني ممتن لدخولك متصفحي والتعليق على ما اكتب تحياتي لك اخي الغالي

الرائع محمد شكرا لهذه الكلمات الجميلة لك تحياتي

انه من الروعه والابداع ان ارى اسمك وتعليقك في متصفحي اخي الغالي الشاعر المبدع عقيل تقبل تحياتي ودمت بالف خير وتألق اشكر مرورك