عفنه المستحه والخجل ذبيناه .... وجنتنه امتلت وكَصصنه ما تندي
مابيها بعد خل تحچي عالمكشوف... خل نحچي الصراحه انسولف النقدي
اخذت اصواتنا وسلمولي ما شفناك .... هم نغلط بعد ومن الصفر نبدي
ما اغلط بعد وانطيك صوتي النوب... بس انطيك صوتي اتعوفني بوحدي
امس جديت منك ماسمعت الصوت... مشيت وثولتها واذنك بسدي
شوف شلون خلصن والليالي ادور.. ورجعت انته عليه وجايني اتكَدي
لتكَلي غده وتحچيلي عالاكلات.. مو مالت غده ومنون متغدي
احچيلي شكثر طاحت وراك حظوظ.... چم بيت انهدم والحال متردي
چم عرض انهتك چم طفل مات بليل .. نشفت غيرتك ولسانك مصدي
انا سنين الي مرن وانته بيها هناك.... نخلني نخل وك مردن چبدي
انته بنزهتك وانه اشكَف الطبرات.. وجفوف الغريب اتصطر بخدي
راجعلي بدرب عمرنه والاعمار.. مال دروب هيه اصوات ما عندي
لا عندي...................لا عندي... عندي ايتام كومه بلا عشه ايباتون
من جوعه الاحضنه يعضض بزندي... وعندي هواي ارامل باعن السجاد
ونامن عالحصر يالخيرك ايبدي... وعندي جروح جمله بنص دليلي اتبات
على هذا الوطن واحدهن بكَدي... وعندي تراب كَاعي يساوي ملك الكون
ما املك شبر ما ريد بس لحدي.... علكَ صورتك عالمنجز النبنيه
تجيك اصواتي هيه وتنكَلب ضدي.. مو لازكَلي صوره بميت الف دينار
وجوه الصوره واحد كَعد ايكَدي..... جوه الصوره واحد كَعد ايكَدي

منقول

انتقاء مميز ونزف حروف واقع حال نعيشة
ننتظرجديدك وابداعك الدائم الف تحية لك

الاخت عيون المهى شكرا جزيلا لمرورك
تحياتي لك

كلمات جميله
ورائعه ننتظر منك المزيد

الله ابو ليلى كم كنت جميل ومتمكن من ذائقتك الاجمل..لك كل الحب..


وعندي تراب كَاعي يساوي ملك الكون
ما املك شبر ما ريد بس لحدي.... علكَ صورتك عالمنجز النبنيه
تجيك اصواتي هيه وتنكَلب ضدي.. مو لازكَلي صوره بميت الف دينار
وجوه الصوره واحد كَعد ايكَدي..... جوه الصوره واحد كَعد ايكَدي

قصيدة رائعة يالزير
ومخاض ارواح تتلوى الماً وحسرة
مقارنة صعبة لواقع خالطه الألم والحسرة

شكرا لك واكثر لروعة اختيارك
اطيب تحياتي لك

اشكر مروركم العطر دمتم بالف خير
تحياتي للجميع

لا والله مال دروب بس ابنادم مرات ينجبر

مشكور استاذ على اختيارك